過往專欄

　　有網民目擊一名港男為女友在商場女廁外排隊，形容有損男性尊嚴兼「肉酸」。有兩性關係導師認為，貼心過了火會令人反感，估計部分男生自覺沒甚麼優勢，才會如此博異性歡心。

　　有女網民在討論區指，在商場女廁外目擊兩名年輕男生揹着女性手袋排隊，清潔工見狀問他們是否替女友排隊。兩人支吾以對。帖文指：「咁肉酸………如果係我個仔，我真係傷心！」部分網民更直指此舉損男性尊嚴。

對伴侶細心 亦應劃界線

　　「約匯」創辦人兼兩性關係導師容會認為對伴侶細心也要劃界綫。「過火了就會惹人反感，更被視為觀音兵！」她坦言，「若男生對自己有信心，相信不會幫女友在女廁外排隊」，估計事主是20歲出頭男生，因思想不太成熟，事業未有成就，惟有靠這類舉措討女生歡心。

　　容會續說，曾有男生對剛拍拖的女友過分噓寒問暖，嚇怕對方。她又指這情況不止發生在男生身上，有些女生愛「打爛沙盤問到篤」，男友因公事被上司問責不快，仍咄咄逼人追問，令男方難受。她提醒無論男或女也要懂得尊重伴侶。

　　Speed Dating FEVER總監Frankie指，部分男生有感自己比女友低一級，以服侍「女主人」方式討好對方，「勿說揹手袋、包辦出街使費，就算代女友在廁所外排隊也不介意」。據他經驗能降服這類「暖男」的往往是較野蠻的「港女」或「公主」。

　　但他認為即使要貼心也要視乎雙方相識多久。「譬如夫妻及拍拖多年的情侶，若男方為女方買衞生巾，另一半或感到細心；若是剛拍拖的情侶，女生或覺得男生這樣做太乸型，甚或接受不了。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」