過往專欄

　　男友太「黐家」，女友有排煩。但有女網民指男友每個周日都參與家族聚會，打牌至深宵達旦，恐婚後亦要「捱眼瞓」陪出席，影響自身及子女成長。有家庭治療師指，生活習慣不一，應盡早協商，逃避反易引發衝突。

　　有女網民指與30歲的男友相戀大半年，認定對方是結婚對象，但發現男友家庭觀念重，每周參與家庭日至深宵，帖文指：「男友家每周日傍晚6時至11時半有家庭聚會，通常去酒樓食飯，然後打麻將。他的家人跟我提及，打牌是為多時間相聚………，但問題是平日我很早瞓，日後同他結婚，豈不是大住肚都要捱夜陪他家人打牌？」

網民建議潛移默化男友

　　女網友補充，男友不少親友會帶嬰兒和小朋友出席家庭日，即使小朋友「扭眼瞓」，家長都不會早走。她擔心日後若與男友結婚，子女同樣會「無得瞓」，又怕據理力爭，反會與男友及其家人起衝突，「畀人覺得我好自私」。

　　不少網民表示，每周出席家庭日很「惡頂」，或會影響夫妻相處，建議事主應潛移默化，「約男友周日做其他事，如看電影、看演唱會，慢慢改變他。」亦有過來人提醒，因本身愛「早瞓」而與「遲瞓」的丈夫屢起爭執，建議女事主慎重考慮是否下嫁男友。

生活習慣不同應盡早溝通協調

　　基督教家庭服務中心活力家庭坊（綜合家庭服務）督導主任蘇慧儀指，處理過不少類似個案，諸如「做節正日去誰家吃飯」、「新居應近男家或女家」都會起爭執。她指，協調二人生活習慣，需要及早坦誠溝通，讓對方知道自己的作息習慣：「剛開始講的確需要勇氣，但要記着坦白的目的，如雙方有分歧便要協調。」她又指，逃避不去討論，或單方面遷就，均非健康的感情關係，反而會令關係不長久。

　　個人、婚姻及家庭治療師蕭美玲指，曾有個案是丈夫每周日都要陪伴母親，令太太抱怨失去「二人世界」時間，經協調後，二人協商丈夫可早上陪母親，中午再陪太太，才平息糾紛。她建議若遇生活習慣或愛好不一，應盡早協商：「如可讓男友知道自己體質需要早睡，從中周旋，讓她提早離場。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」