過往專欄

　　結婚有風險，簽訂婚前協議便萬無一失？有港女不忿男友遲遲不迎娶，更被要求婚前簽協議，免他日後被「分身家」，令她感到不被信任。有男女配對專家指，婚前協議對富有一方有利，但這類協議恐會成為婚姻的「一條刺」。

　　30歲前出嫁，是不少女性的期望。但有26歲女生在討論區訴苦，聲稱男友雖然答應3年後迎娶她，但條件多多，令她感無奈又想放棄。帖文指︰「拍拖4年多，男友一直話結婚使好多錢，等我29歲先娶我，其實他有少少家底，其母有幾層樓，有層在男友名下。但男友強調層樓不是他的，更講明要和我簽婚前協議，我很不開心，未結婚就諗定要離婚，咁點解要結？」

女方自覺不被信任

　　事主在文中又指，二人早已協議旅行結婚，根本所費無幾，不明白「點解不能早些結婚」，又謂男友解釋簽婚前協議的原因是「塞住母親把口，勿讓她感到女友為錢下嫁」。但她覺得男友對婚姻欠信任，自言「想放棄他」。

　　不少網民批評其男友「金錢第一，非女友第一」，又指看清楚一個人，總比「嫁錯郎」好。但有人認為，既然物業非事主男友出資購入，要簽婚前協議保障家人權益亦無可厚非。

應先了解對方理財觀

　　圓滿關係中心總監暨心理輔導學家蔡綺文指，婚前協議與婚姻應互信的本質矛盾，而且「講錢傷感情」，反而先了解對方的理財觀更佳。「例如可傾平日花費習慣、未來是否想置業、生育等，確定彼此金錢觀能協調。」她指，曾處理個案是男方有多個物業，與未婚妻協調後決定只在自住物業加女方名，並簽下婚前協議其他物業女方不可瓜分。「女方覺得都可以接受。」

　　HK Romance Dating創辦人張惠萍指，曾有個案是女客人想在27歲前結婚，30歲前生小孩，因而嚇怕不少追求者，幸好最後遇上一樣想早日成家的男友，二人拍拖1年半便結婚。「如果伴侶想結婚，不要視為壓力，反而應慶幸對方欣賞及信任自身。」她續指，提出簽婚前協議的必是較富有一方，希望即使離婚亦不會分薄家產，「但愛情除兩情相悅，還包括尊重、關懷及無私奉獻，為婚姻定下條件，婚後難免有條刺，不利維繫婚姻。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」