過往專欄

　　歌仔都有得唱：「沒有心，別再拖，好心一早放開我」，有男網民指，跟女友拍拖10年，分手已一個多月，但她仍不接受事實，每日查其行蹤。有兩性專家指，分手切忌拖泥帶水，否則被撇的一方會以為仍有希望，令雙方陷於痛苦。

　　有男網民在討論區發帖，自稱跟女友拍拖10年，女方一直沒有成長，更常在fb分享兩人私生活。帖文指，「一餐飯食甚麼，睇邊場戲，去過邊度，好多朋友與同事都可以喺佢度了解到。」事主有感女方不成熟，決定分手，但她不接受，仍每天來電追蹤其去向，又到男方母親的寓所及工作地點找他，令事主感困擾。

遇對方糾纏 應暫停來往

　　大部分網民勸事主不要理會女方，應斷絕交往及聯繫，對方才會慢慢死心。亦有人認為，不如給女方一個動聽的分手理由，但千萬不要給她假希望。

　　配對博客容會認為，事主的處理手法並不理想，直言「畀回應對方，即是畀假希望，女方會諗『佢仲睬我，即是仲有得挽救』，這樣對雙方也不好受，故要決絕些，不接電話、停止發信息及封鎖對方的fb，暫停來往，之後才看是否仍可做朋友」。

　　容會解釋，如女方不斷來電，男方仍有回應，女方會感迷失而愈來愈憎恨自己，男方亦會感煩厭而自責，最終雙方也難開展新感情。據她的經驗，不願接受分手事實的一方，是以逃避方式當慢性治療。部分人更會經常邀約前度飯聚、發信息及突然出現在對方的工作地方，此舉或會增加另一半的反感。

不接受現實 選擇逃避

　　圓滿關係中心總監暨心理輔導學家蔡綺文指，男性提出分手，大多會傾向拖泥帶水，「男性往往認為分手後可繼續做朋友，以為這樣表現大方些，實際上是拖拉感情。」蔡坦言拍拖10年「不婚則分」，因感情經時間洗刷，倘沒有進步及保持神秘感，難繼續下去。她認為如情侶想修補關係，應在感情未處低谷時著手，否則難以挽救。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」