過往專欄

　　部分人為求有個伴侶，有時會「漁翁撒網」。有女網民指，一名男生對她展開追求後，不久又轉追其女性好友，令她倆非常尷尬。有約會公司負責人指，除非男生的條件優越，否則兩女生或會認定他是花心男，甚至將他列入「黑名單」。

　　如果追女仔「但求就手」，必會惹來怨言。有女網民在討論區訴說，早前有男生追求她，惟雙方仍在曖昧階段之際，男生突然「轉軚」追求她的好朋友，令她們陷於尷尬局面。事主在帖文中自言樣子比好友漂亮，並提及：「佢好似假意追我朋友去激我，搞到我同朋友好尷尬，我又要扮到無唔開心，究竟個男仔想玩甚麼把戲」。

　　部分人笑說男生追女生，不一定要求靚，最重要是「有感覺」，又譏諷女事主把自己看得太高。另有人揶揄事主，為何男生追求她時「吊高嚟賣」，現在男方追求其友人卻「酸溜溜」。亦有人說，事主的好友會否在當中「出蠱惑」，才令男生轉移目標。

同時追求兩人 易被列黑名單

　　極速約會公司One And Only負責人譚海祥指，如兩女生發現男生同時追求她們，大部分會將男生列入黑名單，認為他太花心而與對方疏遠。「除非男生的條件很優秀，其中一名女生又對他有意思，當好友的可能提醒她『睇定少少』，因擔心男生會有多個目標。」

　　譚海祥續指，男女在初拍拖期間，大部分人會待戀情較穩定才會公開關係。「試過有些個案拍拖未夠一兩個月就公布，但另一半其實不是太確定關係，結果不夠三個月便分手。」

拍拖後亦不宜立即宣揚

　　214 Dating活動負責人Tammy指，曾經有女生將追求者介紹給身邊的單身朋友，朋友事後知道男生曾經追求自己好友，結果嬲了事主，認為對方是將她不要的東西推給她。「亦有女生在交友APP認識了一些男生，兩人約會時，女的特意找女性好友壯膽，結果男生反而想追求其好友，令女事主非常失望。」

　　Tammy又認為，拍拖後不宜立即向外宣揚，反而要靜觀兩人關係是否穩定發展。「例如關係已穩定，可以趁情人節或生日等節日才公布。如邀請男或女朋友參加朋友圈的聚會，最好是大班人同時參與，因可分散注意力，避免一對二而陷於悶局。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」