職場

　　話說最近社會上出現咗一個奇怪現象——有打工仔戴住頭盔返工／放工，甚至仲喺頭盔上面寫住「唔好打我」添！

呢張相一經網絡流傳，即時引起熱議。

（fb群組「香港花生友」圖片）

　　但其實戴頭盔返工嘅，又點只得上圖呢位打工仔呀。小編發現，原來喺印度，都有唔少醫生會戴頭盔返工，你話趣定唔趣？畀答案之前，不如先睇埋以下介紹嘅5類「奇裝異服上班族」啦，包你大開眼界！

1. 戴頭盔的醫生

　　如果你以為印度嘅醫生戴頭盔返工不過係出嚟搞笑輕鬆吓，咁你就錯晒啦。原來印度嘅醫暴問題一直非常嚴重，試過有位患者因為預約問題，而喺醫院入面開槍行兇，結果令到兩名醫生受傷。偏偏政府從未採取任何相應嘅預防措施，搞到一班醫生人人自危，唯有自救，返工嗰陣都戴頭盔，放工就約埋一齊去學跆拳道旁身。睇到呢度，小編都唔知講咩好，唯有祝好人一生平安。

ReadMore：【文化實驗室】IG吸2.5K粉絲！中大「劉在錫」穿裙上班誓要打破傳統框框 

2. 化身蜘蛛俠的離職員工

　　當人身陷深淵嘅時候，總會期望有英雄可以打救自己，但如果呢個英雄忽然出現喺你嘅辦公室，仲全日同你一齊開工，你又點睇？話說喺巴西聖保羅市，有位銀行職員喺辭職後嘅最後一個上班日，竟然打扮成蜘蛛俠返工，於是被同事影低咗仲放埋上Instagram，結果引來網友搞笑提問：「係因為最後一天返工所以打扮成蜘蛛俠，定係因為打扮成蜘蛛俠所以係最後一天返工呢？」

3. 穿比堅尼的餐廳侍應

　　「秀色可餐」呢四個字，通常都係用嚟形容自然景色優美，或者女子姿色姣好，估唔到有餐廳為咗吸引顧客，於是行多一步將呢四個字應用喺飲食業——內地、台灣分別有餐廳讓員工穿比基尼招待客人。不過呢個經營方式卻引來兩極意見——有人大讚可以畀到顧客更多感官刺激，迎合部分人嘅獵奇消費；但亦有人批評係污染社會風氣，某程度挑戰緊道德和行規底線，甚至褻瀆咗女性尊嚴。

Read More：【花甲爺爺學芭蕾】退休副總裁變身「大祭司」追夢：恍如置身奇妙境界 

4. 變身忍者的公務員

　　提起「忍者」呢種職業，相信唔少人第一時間都會諗起日本；而作為忍者發源地嘅伊賀市、甲賀市，為咗宣傳忍者文化、推廣當地旅遊，於是將2月22日訂定為當地嘅「忍者日」，更舉辦「打扮成忍者上班」活動，畀一班城市旅遊部門嘅員工（不論男女老幼）穿著忍者服裝返工，絕對係勇氣100%！

5. 穿睡衣的員工

　　好多公司都有「星期五便服日」（Casual Friday），意思就係嗰日大家可以唔駛打呔著西裝，或者踩住對高踭鞋返工，但估唔到韓國首爾某內衣公司更高章，為咗可以激發同事嘅創作靈感，於是搞咗個「一月一次睡衣日」，所有員工返到公司之後就換上睡衣開始工作，但小編好想問下，唔知公司會唔會安排埋睡眠時間呢？

Read More：【打工仔福音】壓力大最好「和你飛」！2019、2020請假攻略+行程推介 

　　打工仔最緊張甚麼？其中兩樣必定是薪酬及福利，Jobsdb早前公布了2024年薪酬調查報告，調查中指出近六成受訪全職僱員獲加薪，到底現時市場環境是怎樣？即睇詳情！

　　上班族就算沒有想過要找新工作，都會想知道香港的打工仔的市場環境。近日，Jobsdb公布了2024年薪酬調查報告，調查一共訪問了3,391名人士。今次先看看加薪幅度，有57%受訪全職僱員都有得加薪，2024年平均薪酬加3.2%，不過較去年跌0.9百分點。而加幅最多的Top 5行業及加薪幅度包括：

1. 數據分析及研究：+7.2%

2. 法律及合規：+5%

3. 工程：+4.9%

4. 保險：+4.6%

5. 資訊及科技、酒店及旅遊、管理：+4.2%

　　睇埋其他行業加薪幅度：

• PR及企業事務：+4.0%

• 物業/地產數碼：+3.8%

• Digital Marketing及電子商務：+3.7%

• 會計：+3.6%

• 建造：+3.5%

• 公共/社會服務：+3.5%

• 教育：+3.3%

• Marketing及品牌：+2.9%

• 採購：+2.9%

• 銀行業：+2.9%

• 公司銷售和業務發展：+2.8%

• 行政與人力資源：+2.8%

• 金融：+2.2%

• 飲食業：+2.2%

• 科學、實驗室及研發：+2.1%

• 運輸與物流：+1.8%

• 客戶服務：+1.8%

• 醫療服務：+1.8%

• 零售及銷售：+0.7%

• 設計：+0.6%

• 製造業：-0.2%

下一頁：邊行花紅最多？

　　至於大家心心念念的花紅或/及雙糧，在今次調查中，有73%的受訪全職僱員在今年是獲發花紅或/及雙糧，按年下跌了3 個百分點，平均得到1.4 個月花紅，近3成人滿意所獲發的花紅。但哪一行業的花紅又是最多的呢？即睇花紅最多行業Top 5：

1. PR及企業事務：平均有2.5個月花紅

2. 酒店及旅遊：平均有2.2個月花紅

3. 銀行業：平均有2.0個月花紅

4. 金融：平均有1.9個月花紅

5. 管理：平均有1.7個月花紅

　　在雙糧方面，衣服、服裝及紡織品有80%的受訪全職僱員在今年獲發雙糧。

　　在今次受訪全職僱員中，平均每星期工作時數為46.6小時，當中以「餐飲」及「酒店及旅遊」平均每周工作時間分別為54.8個小時及50.2個小時。有56%打工仔願意延長每天的工作時間，去換取4天工作周。調查發現。有80%受訪者的工作壓力達到中至高水平，最大的壓力來源為「沉重的工作量」（42%），其次是「工作要求變化及超出自身能力」（35%）。但他們又有沒有想轉工呢？根據調查結果，有36%的受訪者認為就業前景不明朗，有48%受訪者自認人工低於平均水平，但仍然選擇留下來。其中三個最大因素如下：

1.  已計劃離職24%

2. 就業困難或新工作不穩定 23%

3. 經濟下行令工作選擇減少22%

圖片來源：Unsplash @Florian Wehde

　　過去12 個月內，只有22%受訪者選擇「裸辭」，54%人士要有著落才會決定辭職。24%受訪者計劃在未來三個月內跳槽，有29%人選擇不變應萬變，短期展望更謹慎。在預計求職所需的時間上，由 2023年的平均4.8個月，增加至2024年的平均5.1個月，所以要找工作的人都要留意了。

　　最後，就要講講工作地點，有近四成的受訪者有意到香港以外地方工作，其中熱門的目的地Top 5為：

1. 澳洲 38%

2. 中國內地（包括大灣區及其他中國各地） 37%

3. 新加坡 35%

4. 台灣 22%

5. 日本 21%

　　而值得留意的是，中國內地（包括大灣區及其他中國各地）是近5年來第一次打入打工仔心儀境外工作地點三甲，更是25歲或以下打工仔往外闖的首選地。

完整報告按此