過往專欄

　　虛擬實境（VR）大行其道，市調機構Zion本月初發表數據預測，全球VR軟硬件市場規模，會以年均54%的速度增長，至2022年將達268.9億美元（約2,110億港元）。

　　香港亦陸續有企業採用VR，惟以遊戲、地產業界及大企營銷為主。本港初企「亨威科技」營運支援VR的地產資訊平台「屋訊（MewMe）」，發現其他行業的中小企亦對應用VR有興趣，故調整公司方針，將MewMe的內容擴展至飲食、教育等內容，冀以DIY VR的概念吸引新客源。

 亨威科技聯合創辦人陳俊龍表示，希望能令更多本港中小企行業，在業務上採用VR技術。

　　亨威科技聯合創辦人陳俊龍（Eddie）受訪時指出，香港中小企非抗拒新科技，但需要便宜、快捷並可自己處理的方案，市面的VR拍攝方案收費動軏逾萬元，並需時幾星期，未必符合要求。

推應節主題 冀吸年輕人眼球

陳俊龍指很多大學新鮮人都會在校園內迷路，希望虛擬導覽可幫助他們尋找方向。

　　MewMe去年推出市面，之前集中在介紹樓盤資料，但漸有客戶查詢能否以VR拍攝其他如店舖、機構設施等內容，更希望能自行拍攝編輯，令Eddie開始構思調整業務，至今年中推出新的DIY VR方案。

　　該方案以操作簡易為賣點，中小企客戶只需配備入門價僅數百元的360度鏡頭，經基本教學，最快只需約半小時已可自行拍攝VR內容並上傳。「採用阿里雲的雲端技術，用戶可自己上傳內容至VR平台，毋須下載任何App，以網頁瀏覽器已可編輯。」MewMe用戶可免費上傳小量VR相片或影片，如需大量上傳則另有相應收費，並可另為客戶安排拍攝。

　　Eddie指不同行業均可VR應用，例如：１）餐廳：拍攝餐廳裝修環境；２）旅遊款待：將VR全程拍攝款待行程及設施，讓顧客參考；３）NGO：介紹機構內部環境、設備以至可提供的服務。

　　為增平台知名度，MewMe開始自行製作內容，首個大製作是大專院校的虛擬導覽，拍攝多間院校的VR 360圖片，趁大學聯招放榜時期推出，為新鮮人導航，冀吸引新一代認識VR。日後亦會推出不同的應節主題內容。他補充，用戶甚至可將運動、表演等片段上傳至平台，長遠而言，他希望MewMe能發展為綜合式VR內容平台。

　　亨威科技去年於阿里雲創客大賽香港站奪冠，Eddie指獲勝後，除了獲得雲技術支援，更因知名度提升而帶來其他新機會，如獲邀到內地分享香港初企發展經驗，並接觸新合作夥伴。眼前除了加強MewMe在港的宣傳，亦將會下月正式進軍內地，推出VR地產展銷業務。公司現正進行新一輪籌集資金，冀來年可將團隊人數由十多人倍增至約30人，並組建專業拍攝團隊。

　　蘋果喺上星期WWDC發布會上除推出多項新iOS新功能及新Macbook Air外，同時更推出全新MR（Mixed Reality）頭戴式眼鏡 Apple Vision Pro。MR 意思係混合式實境，同時利用AR／VR 打造出一個沉浸式體驗。可以同時將現實世界情況同虚擬畫面結合互動之外，玩家更毋須使用其他裝置，只要用眼球同手勢就可以操控Vision Pro見到嘅內容。大眾重點放於其零售價$3,499美金，高昂定位令人卻步。其實當蘋果推出Vision Pro後，重點並不在於其售價，而係大家可以從產品喺巿場中嘅定位，睇到不少玄機。

圖片來源：Apple

　　MR眼鏡再配合獨有iOS同App所塑造嘅效果，不少人認為同元宇宙概念十分相似，Vision Pro其中一個功能係可以掃描玩家頭像後創造自己獨有虛擬頭像，喺虛擬會議或不同場景上同朋友交流，同Meta等元宇宙公司概念十分相似。但蘋果喺整個產品發布中完全避開對元宇宙相關嘅詞語同內容，一來唔想同元宇宙拉上關係，繼而影響股價，二來亦唔希望令大眾誤解Vision Pro係同Meta元宇宙眼鏡係同類產品。不過只要大家細心觀察，可以見到今次推出Vision Pro時蘋果對其巿場定位確實有少少尷尬。唔能夠成為元宇宙一分子，亦唔可以只係普通VR眼鏡，最後只能定位為一半娛樂新體驗，一半係家中／辦公室嘅工作輔助工具。最後目標客群變得「兩頭唔到岸」，用嚟工作又覺得唔太大需要，用嚟娛樂又太貴，大多數人都冇一個入手嘅理由，結果只得超級死忠粉絲先會購買。

　　另一方面，其實呢類元宇宙工具於巿場上已經推出，尤其係Facebook早於2021年10月改名為Meta，宣布會大力向元宇宙巿場進發後，期間不斷對外公開不同AR／VR眼鏡設計原型，令全城期待。但期待還期待，事實係元宇宙項目燒錢速度遠超於回報，令項目至今停滯不前。而當Vision Pro推出後，更接間對Meta 大大力來一巴掌。當Meta連設計原型都未能確定嘅時候，就可能因為Vision Pro而要作出大改動，以加強產品優勢去應對來年巿場競爭情況，Meta又再一次雪上加霜。

　　從蘋果今次推出Vision Pro，可以見到現時產品係站於元宇宙嘅入口，好想入去但又唔敢行太近，有「試水溫」嘅感覺。其實連蘋果作為巿場龍頭都對元宇宙前景抱有懷疑態度，可見元宇宙又再一次減速。