過往專欄

　　前立法會主席曾鈺成今日於報章專欄撰文批評特首參選人林鄭月娥，質疑她曾任政務司司長及發展局局長，亦要為現時的教育及土地問題負責。曾鈺成直指，林鄭於現屆政府有影響力，最近卻推出標榜「新風格」的政綱，會被認為是「今日的娥打倒昨日的娥」。

（資料圖片）

林鄭對現政府施政有影響力

　　曾鈺成提到，林鄭月娥曾指自己是現屆行政長官梁振英的「緊密合作夥伴」，又指考慮參選是要延續現政府的施政理念。不過，她又標榜「管治新風格、政府新角色、理財新哲學」，顯然是看到人們對現政府施政不滿，因此提出要改變。

　　曾鈺成質疑，林鄭貴為「好打得」的政務司司長，為管治團隊第二把手，不可能對現政府的管治方式和風格沒有影響。

教育局屬政務司轄下

　　曾鈺成直指，政務司司長不會沒有發言權。他舉例指，林鄭最近批評教育政策「在理念及執行方面出現問題」，但教育局是屬於政務司轄下，反問林鄭當上司時「有察覺到嗎？」

　　而林鄭有「奶媽」之稱，曾多次為教育局局長撐場，「如果奶媽對教育政策提出甚麼意見，局長敢不聽從？」

　　文章又指出，本屆政府已「盡洪荒之力覓地建屋」，如果地荒屋缺的問題是由上屆政府留下，時任發展局局長林鄭月娥便要負責。

質疑「打倒昨日的娥」

　　曾鈺成於結尾寫道，另一參選人、前財政司司長曾俊華提出稅務改革時，曾被林鄭質疑「為甚麼管財政時沒有推行那些改革」。既然林鄭亦提出「新」政綱，人們也會問「是不是今日的娥要打倒昨日的娥？」

編輯：特寫組

　　「完善選舉制度」之下嘅立法會，果然係五光十色，更加係閃到火花四射。

　　工聯會立法會議員、自稱係KOL（意見領袖）嘅陳穎欣，日前喺佢自己擁有超過30萬粉絲嘅YouTube頻道，向立法會前主席曾鈺成發炮，批評呢位民建聯殿堂級人物就《基本法》23條立法發表嘅觀點係「關鍵時刻造反」。一片激起千重浪，兩年立會經驗挑戰元祖級人馬，結果民建聯何俊賢要喺咪兜前面發炮還擊，暗批陳穎欣行為係「博取流量及違反愛國者治港」，仲話強烈譴責。

　　唔係陳穎欣咁樣提起、唔係何俊賢咁樣回應，Tina都留意唔到曾鈺成嘅講法，證明曾所言其實係幾咁mild，難以講到話會影響到23條立法，更加唔會令市民反對23條立法。再加上，曾鈺成政治智慧之高，唔由得Tina評論，一個堅實愛國者之口講得出嘅，又點會係「造反」之言？「博取流量」呢個形容，絕不為過。

建制派後輩陳穎欣在網上批評元祖級人馬曾鈺成「關鍵時刻造反」，惹來政圈熱論。（陳穎欣YouTube影片截圖）

　　事件發生之後，立法會內私底下議論紛紛，據聞大部分人都認為，陳既然貴為立法會議員，一言一行確實應該謹慎，唔可以因為自己有另一頂帽係KOL，就可以喺社交平台口沒遮攔去博取流量，有議員更加形容：「我就唔信佢夠膽喺議事堂上對阿曾發出同一樣嘅批評，既然係咁，即係佢應該都知道有啲咩應該講、有啲咩唔應該講。」

　　有政界中人就指出，今次事件更加反映出，現時愛國陣營之中已經出現不少裂痕，長此下去會唔會為政局添煩添亂，真係未知之數。嗰個政界中人又話，何俊賢咁高調企喺咪兜反擊陳穎欣，其實係將事件放到最高層次，等同係代表民建聯向工聯會下戰書，將兩個以前一直合作無間嘅基層藍營政黨放喺對立面，「根本就等於話畀大家知，兩個最大基層政黨依家已經無合作空間」。

　　至於裂痕從何而來，應該係由完善選舉制度之後，多次嘅選舉，包括立法會選委會議席補選、區議會選舉等等，工聯會都明顯大幅落後民建聯，聽聞「工記」內部已經有不少微言，話「民記」以大欺小、盡攬資源等等。早前立法會爆出一單感情糾紛，當中主角更傳聞係「民記」中人，據聞最大嫌疑嘅爆料者，亦正正係陳。綜合一路以來嘅脈絡，睇得出「工記」「民記」兩大政黨已經難以再有合作機會。