過往專欄

　　成日話人大咗好難識朋友，特別係喺爾虞我詐嘅職場，隨時唔知道邊位同事會做金手指。想和同事成為真心朋友，每日返工都係嘻嘻哈哈咁過？就要留意同事有無潛質升呢做朋友啦！

1／志趣相投最重要

　　就算普通人識人，要成為朋友都要有共同話題啦，更何況係同事。因此要由同事升呢做朋友，有相似嘅興趣和話題就更易打開隔膜。例如講下有咩好食的餐廳、近排有咩手機遊戲可以一齊玩等等。不過，如果你們之間就只係單純會講是非嘅關係，就要小心對方分分鐘會向上司打小報告了。

2／職位無利益衡突

　　要由同事成為朋友，當然就是兩個人之間沒有最直接嘅利益關係。例如互相比拼業績、爭取上司的信任等等。又或是兩team人之間不存在互相競爭，否則你們的友誼就會像羅密歐與茱麗葉一樣受到眾人嘅目光注視。

3／有來有往

　　要成為朋友，當然不能只有你單方面有咁嘅諗法，如果你主動私下whatsapp對方，但對方只係覆你表情公仔，咁你就知道對方未必想同你深交，就要知難而退，保持同事之間嘅距離。

4／小心處理否則朋友不成變仇人

　　如果以上3點都做到嘅話，恭喜你，你同那位同事有機會成為朋友，更有甚者，有機會發展為情侶，但要小心，如果處理得唔好嘅話，分分鐘office會變成地獄。例如情侶分手，又或者你唔覺意將對方同你講嘅說話，轉個頭就「大喇叭」周圍唱。又或者其實你係想利用對方喺office收風，咁樣隨時朋友做唔成兼面阻阻。

　　同事有分好多種，避免成為豬般隊友，首先你要......睇下自己有無呢啲稱號。

　　我的洞察力、判斷力、解決問題的能力，的確非常之強。所以朋友們讀者們，不論是公事還是私事，總之一出事，尤其是急事，第一時間都會想起我，立即向我求救求教。

　　總以為問我是基於對我的信任，亦明白不知如何是好的徬徨。既然問得我，我就有責任清心直說，但義不容辭、急人之所急、仗義幫忙地解決了難題，結果竟然是我被解決了？多謝都冇句，還留低牙齒印？甚至成為仇人？

　　說沒耿耿於懷是騙人的，實在意難平！原來經一事，我都未能長一智，做了60年人才能長一點智。以前我總認為凡事一定有對錯，亦堅持必需分出對錯。為了證明我是對的，事無大小，打爛沙盤問到篤，堅持判出誰對誰錯！結果我認為的，反而造成了我的錯！

　　最近發生了一件大小T覺得我十分反常的事。面對客戶出爾反爾、反口賴帳，說無賴無恥亦不為過。以我往常的性格作風，肯定即時反面反枱冇得傾，皇帝都無面畀！憤怒到極點的我，竟然一反常態繼續與對方斡旋。大小T都覺得不可思議，點解我會忍？又竟然忍得到？

　　人在江湖，吃四方飯，不看僧面看佛面。這個客戶是我好友，知我搵食艱難，極力撮合拉攏的。為了不令好友難做，避免好友和客戶之間產生芥蒂，搞不好分分鐘朋友都冇得做；只好調整心情、控制情緒，原則底線堅持不讓不退，不過冷靜處理，不在情緒上計較，只在事實上交代清楚就算。

　　即使當場反面、大發雷霆有何用？對方擺明車馬就是要賴帳，訴諸法律告上法庭就能維護權益，得到我要的公義公正？冷靜計一計數先，不講律師費肯定6位數字，入稟、排期、律師信往來，肯定拖幾年時間，勞民傷財，即使打贏，扣除付出的律師費，費心力精力，結果都是輸！

　　以前的我，認為妥協是懦弱，忍讓是買人怕。今日的我，時刻提醒自己︰小不忍則亂大謀，審時度勢無可避免；忍常人所不能忍，成常人所不能成。能夠改變就改變，不能改變就放下；改變不了事情，就改變心情。說穿了不是放過別人，只是放過自己！

　　到了耳順之年的我，不管聽到甚麼、遇到甚麼，都應能做到冷靜不激動，順應事物規律，不暴躁，不氣餒，不悲傷，不退縮，寵辱不驚，始終如一。說是這樣說，但自問修養、修為未夠，只能繼續努力！