【晴報專訊】前年年初二旺角暴亂案中，涉及10名被告於區域法院審理，昨分別被判囚2年4個月至4年3個月，其中19歲被告被判最重刑期，法官斥被告無法無天，完全蔑視警察。
19歲最年輕被告莫嘉濤（左）犯案時僅17歲。
法官判刑時指，本案暴動規模大，直言不會考慮本案的背景，貪玩及受人影響亦非減刑因素。法官又稱，暴動罪為集體暴力罪行，被告須為集體行為負責，判刑須具懲罰及阻嚇性。
法官︰刑罰須具阻嚇性
法官指其中首被告莫嘉濤（19歲）於群眾的前排位置主動攻擊警方防線，共不下於16次擲磚，莫亦曾向警車擲磚及向警察擲膠樽，令警車提早退役。法官斥他無法無天，完全蔑視警察，考慮莫犯案時只有17歲，減刑後判處他囚4年3個月。
其餘被告鍾志華、何錦森、霍廷昊、陳和祥、鄧敬宗、李卓軒、林永旺及葉梓豐（19至72歲），各就1項暴動罪分別被判囚2年9個月至3年9個月，葉則被判入教導所。
案件開審前承認暴動罪的吳挺愷（27歲）曾3度擲磚，法官指超越了可判處社會服務令的程度，但因他患自閉症及認罪等原因而給予減刑，最終判處2年4個月監禁。
自從新一屆特區政府上場以來，先不論政績，單從政府官員嘅態度，就可以睇得出行政有幾咁主導，面對一啲對政府嘅不實批評，官員回應硬過石頭，絕對不留情面，稱得上係「戰狼式」回應。
剛剛就發生另一單同類事件。
沙中線紅磡站於2018年被揭發剪斷鋼筋醜聞。 （資料圖片）
話說港鐵沙中線紅磡站於2018年5月被揭發剪斷鋼筋醜聞，總承建商禮頓被控違反《建築物條例》，嚴重偏離獲批准圖則，搞到成鍋粥但最後今個星期二只係被法院判罰款4萬元。法庭作出裁決之後，政府粒聲未出，到第二日一直有跟進沙中線工程問題嘅中科監察主席潘焯鴻，以及一向關注事件嘅立法會議員田北辰，喺電台節目中評論事件時，分別引述傳言指政府不希望港鐵披捲入檢控，仲話政府好可能已停止跟進事件。
兩人回應一出，政府大內宣機器立即運作，即日發出措辭強硬聲明，駁斥有關沙中線工程質量事件調查工作言論失實，並不點名批評二人言論「完全是無中生有和不負責任」，批評說法「全無事實根據，居心叵測，政府一定直斥其非，以正視聽。任何試圖揑造事實抹黑政府的行為，不會得逞」。屋宇署亦都重申，正與律政司研究判刑，考慮會唔會作出上訴。
措詞用到咁強硬，令唔少市民覺得同政府駁斥港獨嘅力度差唔多，似乎係過重，仲要係對建制陣營嘅田北辰發重炮，政界當時都百思不得其解。更有趣嘅係，有傳媒就引述消息話，政府強硬回應，其實只係針對潘焯鴻，事後亦有高官親自向田北辰解釋，並且同田北辰達成諒解。
政府「戰狼式」回應，近呢一年半載市民其實都已經習慣晒，本身問題係不大嘅。但如果真係如傳媒所講，寫回應嘅人其實只係無為意相關言論究竟出自何人之口，反而呢個就帶來另一個問題。假如寫嘅人落筆之前確認到有關言論真係田議員所講，咁佢最後係咪會用另一種更溫和嘅說法？定係連回應田議員說話都唔回呢？如果係咁，政府係唔係對人不對事呢？同一番說話由兩把口講出來，政府回應可以大不同？呢個就真係令大家感到可怕。
而事實上，政府只要係法庭作出裁決之後立即發聲明話會研究判刑同會唔會作出上訴，Tina相信潘田兩人亦未必會作出同一番嘅抨論，某程度上，政府「延遲」回應令到各方有所猜測，責任其實係喺政府身上。Tina但願政府能夠將「戰狼」性格放喺社會更多不公義嘅地方，做好實事好過事後回應補鑊。