過往專欄

　　【晴報專訊】港鐵繼沙中線紅磡站月台鋼筋被揭剪短造假後，再爆出土瓜灣站大堂至月台梯間的結構牆鋼筋被削薄。據報道指，承建商將原為雙層鋼筋的結構牆削薄剪走，被削面積達24平方米。議會陣線立法會議員毛孟靜昨亦指收到投訴，懷疑因有人「計錯數」，遂將其中一層鋼筋削走，工程人員再以灌石屎掩飾事件，憂慮該牆有倒塌危機。港鐵昨確認事件，指會盡快修復。

沙中線土瓜灣站預計將於2019年中啟用。

　　據報道稱，該結構牆位於沙中線土瓜灣站連接車站最底層月台至車站大堂樓梯通道之間，承建商年初發現涉事牆壁厚度不一，部分位置較要求超出20至50毫米，判頭遂要求工程人員偷薄結構牆，將原為由雙層鋼筋組成的結構牆，剪走部分牆壁內其中一層鋼筋。涉事牆壁面積達240平方米，被削薄面積佔整體牆壁10分1達24平方米，集中在上層月台附近。

毛孟靜︰疑為掩飾計錯數

毛孟靜

　　毛孟靜昨指，約10天前收到沙中線前線工程人員投訴，懷疑有人計算出錯，尺寸不對，將土瓜灣站一幅位於車站月台層扶手電梯旁牆壁的鋼筋削走，並隨即「落石屎」掩飾錯誤。港鐵昨回應指，土瓜灣站車站及隧道工程合約承建商為「三星新昌聯營」，該站月台近樓梯旁邊的牆身，部分已完成工程，未依照批准圖則進行，有關情況對牆身結構安全無影響。港鐵又指待相關補救方案獲批後，會展開跟進及修復工序；並就事件進行調查。

毛孟靜指，圖中紅圈位置的牆身原為兩層鋼筋結構，但後因尺寸問題被剪走其中一層鋼筋。（毛孟靜提供）

　　另外，運輸及房屋局長陳帆昨指，去年9月局方收到沙中線紅磡站分判商中科興業電郵後，已即時轉交相關同事跟進，但未有知會他。另外，有消息指政府最快今天公布成立獨立調查委員會，跟進沙中線紅磡月台鋼筋被剪短事件。

　　建造業總工會理事長周聯僑昨回應沙中線紅磡月台鋼筋事件則稱，線工人沒有剪短鋼筋所需的磨機和壓力鉗，認為不應將責任推卸到工人身上。

　　自從新一屆特區政府上場以來，先不論政績，單從政府官員嘅態度，就可以睇得出行政有幾咁主導，面對一啲對政府嘅不實批評，官員回應硬過石頭，絕對不留情面，稱得上係「戰狼式」回應。

　　剛剛就發生另一單同類事件。

沙中線紅磡站於2018年被揭發剪斷鋼筋醜聞。 （資料圖片）

　　話說港鐵沙中線紅磡站於2018年5月被揭發剪斷鋼筋醜聞，總承建商禮頓被控違反《建築物條例》，嚴重偏離獲批准圖則，搞到成鍋粥但最後今個星期二只係被法院判罰款4萬元。法庭作出裁決之後，政府粒聲未出，到第二日一直有跟進沙中線工程問題嘅中科監察主席潘焯鴻，以及一向關注事件嘅立法會議員田北辰，喺電台節目中評論事件時，分別引述傳言指政府不希望港鐵披捲入檢控，仲話政府好可能已停止跟進事件。

　　兩人回應一出，政府大內宣機器立即運作，即日發出措辭強硬聲明，駁斥有關沙中線工程質量事件調查工作言論失實，並不點名批評二人言論「完全是無中生有和不負責任」，批評說法「全無事實根據，居心叵測，政府一定直斥其非，以正視聽。任何試圖揑造事實抹黑政府的行為，不會得逞」。屋宇署亦都重申，正與律政司研究判刑，考慮會唔會作出上訴。

　　措詞用到咁強硬，令唔少市民覺得同政府駁斥港獨嘅力度差唔多，似乎係過重，仲要係對建制陣營嘅田北辰發重炮，政界當時都百思不得其解。更有趣嘅係，有傳媒就引述消息話，政府強硬回應，其實只係針對潘焯鴻，事後亦有高官親自向田北辰解釋，並且同田北辰達成諒解。

　　政府「戰狼式」回應，近呢一年半載市民其實都已經習慣晒，本身問題係不大嘅。但如果真係如傳媒所講，寫回應嘅人其實只係無為意相關言論究竟出自何人之口，反而呢個就帶來另一個問題。假如寫嘅人落筆之前確認到有關言論真係田議員所講，咁佢最後係咪會用另一種更溫和嘅說法？定係連回應田議員說話都唔回呢？如果係咁，政府係唔係對人不對事呢？同一番說話由兩把口講出來，政府回應可以大不同？呢個就真係令大家感到可怕。

　　而事實上，政府只要係法庭作出裁決之後立即發聲明話會研究判刑同會唔會作出上訴，Tina相信潘田兩人亦未必會作出同一番嘅抨論，某程度上，政府「延遲」回應令到各方有所猜測，責任其實係喺政府身上。Tina但願政府能夠將「戰狼」性格放喺社會更多不公義嘅地方，做好實事好過事後回應補鑊。