過往專欄

　　一名菲傭疑趁離職前「大報復」，把有腐蝕性的漂白水混入沐浴露中，結果僱主的6個月大B女用以洗澡後，皮膚即出現紅點，要送院治理。涉案菲傭因涉嫌虐兒，已被警方拘捕。

　　涉案菲傭39歲，在沙田樂霞坊艷霞花園1座一單位工作一年半，但與僱主關係不佳，早前她已經辭職，昨天是最後一天工作。

女嬰洗澡時 皮膚現紅點

　　事發在昨天中午12時許。現場消息稱，35歲陳姓女戶主為6個月大女兒洗澡，當她把嬰兒沐浴露倒在手上時，已感到有點刺痛，惟未有為意。之後她替女兒塗抹沐浴露和清洗，未幾女兒皮膚即出現紅點。

（設計圖片）

　　女僱主覺得箇中大有問題，即向外傭大興問罪之師，期間有人承認曾把漂白水加入沐浴露中，又辯稱「加料」沐浴露是用來洗廁所云云。

涉案菲傭昨最後一天在艷霞花園一單位工作，事件疑涉離職前向僱主報復。

　　女僱主聞言大怒，懷疑有人在離職前作報復，立即報警求助。稍後警員趕到，立即安排B女送院，並在了解情況後把涉案菲傭拘捕。據悉，女嬰經治理後並無大礙。

　　根據法例，案中女傭涉及的「對所看管兒童或少年人虐待或忽略」罪名，一經定罪最高可判處監禁10年。

嚴重或致潰爛 宜即用清涼水沖洗

　　皮膚科專科醫生侯鈞翔指出，漂白水屬高強度化學劑，若用漂白水為嬰兒洗澡，或會令幼嫩皮膚出現紅腫、刺激性皮炎、甩皮及灼傷等情況，嚴重或會出現皮膚潰爛，但若即時用清涼水沖洗，一般能穩定情況。

　　侯鈞翔表示，只要及時處理受影響的皮膚，一般不會造成永久損害。他建議，漂白水等化學用品與沐浴用品宜分開擺放，並於化學用品貼上「交叉」標示，以免混淆。

　　中大兒科學系教授韓錦倫則指，用漂白水為嬰兒洗澡，除令其感痛楚外，更可能會影響其心理，令其對洗澡留下陰影，之後或會抗拒洗澡。

　　退休，加上仔大女大，再加上疫情限聚令，等於乜？等於有大量空間時間，正如某人名句——All I have in this world is TIME！

退休者擁有最多的是自由時間，可以善用，可以浪費，睇人。

　　更碰啱菲傭姐姐莎莉放大假返鄉，今次強制兩地隔離，大件事，最少離家三個月！

今天外傭回鄕渡假，連兩地隔離，僱主要「痛苦」近三個月。

　　三個月，邊個洗衫抹屋買餸煮飯……？當然係……老婆大人啦。因佢對整潔要求極高。假若由為夫做，必被罵「食嘢唔做嘢，做嘢打爛嘢！」老虎乸省完之後，佢又再做多次，盞搞。

我做家務雞手鴨腳，做乜都俾老虎乸省，因要佢再做一次。

　　咁咁咁，點呢？分工囉。我的第一份「工」，是冧佢氹佢安撫佢情緒。中午帶佢歎茶煑少一餐。然後，四出搜羅最好的外賣，包括油雞滷味潮州鵝，全部現成，即買即食，慳功夫。

　　菲傭離港已近一月，本來預咗慘情，結果……係，家中工作量大增，但出現三個良性現象：

　　一、小弟更了解區內各式美食所在，因幾乎日日買外賣。故此，那間食肆出品得，那間水餃雲吞標青，那檔潮州滷水有料到，不停有新發現，真係正！

限聚令加冇菲傭放大假，我立即變「外賣之星」。

　　二、晚餐食材質素大幅提高。眾所周知，蠱惑街市佬最愛呃菲傭，因佢哋來自窮鄉僻壤，根本冇優質豬牛肉及海鮮。所以，尤其肉檔，多以當日最劣質的貨色呃菲傭，小弟周不時食到火都滾。如今，好嘞，所有肉類蔬菜老婆大人親自出馬，海鮮則我自己選購（昨晚才歎咗條野生杉斑，正到飛起！）。結果，晚晚開餐時就是全日最快樂時光，有口福也。

　　三、老婆廚技大躍進。正所謂工多藝熟，任何事，起初難，但日日做，只要用心，必定進步。呢呢呢，為夫就見證老婆大人廚技，一個月內，不停進步。由「也也嗚」到普普通通。再由普普通通到有點料到。再由有點料到出現強項！小丈夫我立時封佢為家中廚神。總之，晚晚老婆大人出品我就掃清，一碟不留，汁都撈埋，以示欣賞！（冧到佢失暈）。

老婆大人廚功飛躍進步，泡製蒸海斑及蜜糖燒雞亦已具事業水平。

　　不過，冧完，全日最令人厭惡的工作，又要展開。正是清洗如山積肥淋淋的碗碟及煲鑊。

餐後最頭痛，解決山積油淋淋碗碟。

　　哎吔，真真又辛苦晒老婆大人。

　　到最後，仍是非常掛念菲傭莎莉姐姐。究竟，佢幾時先可以回來幫我全家甩難呢？

我與小狗哈仔都日日在問：「莎莉，你幾時返來俾我哋甩難呀？」