過往專欄

　　【晴報專訊】12名涉潛逃台灣港人被內地拘捕近2個月，警務處處長鄧炳強昨稱，12人是自行計劃潛逃台灣，非外界指「串謀綁架」，更點名斥前香港眾志秘書長黃之鋒「含血噴人」。此外，對九龍城區議會14人聯署拒絕他出席今日會議，認為做法不合理，質疑是否怕他「道破謊言」。

鄧炳強認為九龍城區議會14人聯署拒絕他出席今日會議，是有負居民所託。

　　鄧炳強昨再以「罪犯」形容12名港人，強調他們是自行計劃潛逃台灣，被捕非他人責任，更點名回應黃之鋒指警方「串謀綁架」12人的指控是「含血噴人」。

　　鄧炳強在9月底曾否認警方對行動知情，惟事後被揭發，飛行服務隊在拘捕當日，即8月23日曾執行「警方行動」。他昨重申，自己亦是看新聞才得悉12人被捕，對多次被問到警方是否有參與當日行動，他僅指警方每日都有不少行動，與不同部門合作，但不宜公布細節，否則或有人利用資料逃避警方追捕。

被拒出席九龍城區議會 鄧斥不合理

　　另鄧炳強原定今出席九龍城區議會會議，但副主席鄺葆賢等14名區議員聯署，要求主席蕭亮聲剔除有關議程，批評政府及警方拒絕理性討論，以「交流」之名到區議會，實為「政治樣辦戲」，特別鄧在其他區議會拒絕聆聽，僅不斷重複警方立場，將會議當成警隊宣傳平台。蕭稱因聯署議員過半數，同意剔除，最新議程已刪去相關事項。

　　鄧批評區議會做法不合理，若議員有質疑，更應安排他出席會議，用證據證明指控，公眾自有判斷，強調每次到區議會「都係講事實，不卑不亢」，只是內容未必是議員希望聽到，而過往會議出現失控、打斷別人發言及低級粗口，亦是來自議員，反問「係咪擔憂我嘅正義呢？係咪擔憂謊話會被我道破？佢哋有14個人，我得1個，你驚咩呢？」他稱，不會強迫區議會，但指議員「無勇氣」與官員對話，有負居民所託。民政事務局昨晚稱，對事件感不滿和遺憾，認為議員企圖關上交流大門，籲務實向政府提供地區事務意見。

　　行政長官李家超上星期去立法會出席互動交流會，其中一個環節係專講《基本法》23條立法，議員發言發問極為踴躍，大家發言嘅方向，同當年由葉劉淑儀做局長推銷23條立法時真係天淵之別，議員全程零質疑，掉番轉頭係全面配合立法。

　　23條立法如箭在弦，咁站在政府嘅角度，擔心嘅當然唔再係條例會唔會過，而係條例掟咗出嚟之後，外界特別係外資、外國領事、所有嘅外部勢力，對條例嘅睇法係點，任何可能會觸動到反對聲音嘅「星星之火」，都要盡可能喺擴散之前整熄佢。

　　所以李家超先會特別提到，會設立「應變反駁隊」，專門去監察所有網上輿情，做好應變工作。至於「應變反駁隊」由邊個主導，據聞就會由玩社交媒體特別出色，兼且係主責立法工作嘅保安局局長鄧炳強親自操刀，其他相關嘅司、局、處，例如律政司、新聞處等等，都會喺「應變反駁隊」中有一席位，負責協調工作。

《基本法》23條是有關國家安全的條款，禁止七類危害國安的行為。（資料圖片）

　　有政圈中人就指出，今次23條立法，感覺上重視程度仲緊要過《香港國安法》，而用「反駁隊」呢個名，好明顯睇得出，政府係預咗會有好多針對23條立法嘅不實言論喺網上傳出，甚至係用懶人包等方式，喺社交媒體、通訊軟件等快速傳播。政圈中人仲話，呢啲不實言論估計都係由海外傳番過嚟香港，要執法係非常困難，所以最快嘅做法唔係澄清，而係反駁。所以特首用「反駁隊」呢個名，就係想採取一個主動權，一有不實，就撲出嚟反駁，而「反駁隊」成員更可能要分更長時期運作，避免一啲不實言論喺凌晨時分傳出，到早上先反駁就已經處於下風。

　　另外聽聞，立法會每一個板塊都將會全方位工作去配合23條立法，地區、功能組別同選委界別都各自會被安排任務，要做到滴水不漏。至於重中之重，當然就係成立法案委員會去審議23條，聽聞唔少議員都相當踴躍，已經打定開口牌，估計要抽籤先入到去委員會。而頭牌做主席嘅更會係「名流青史」，所以幾個大牌議員都表示有興趣，自由黨張宇人已經話自己乜嘢委員會主席都無，就係為咗審23條。過去佢都立咗不少汗馬功勞，包括中大改革等等，但係佢身兼行會成員嘅身份就似乎有欠公正性，再加上佢唔係法律界，要審呢條法律似乎未必安到政府嘅心。如果要喺有律師背景嘅議員之中搵個「定海神針」，似乎廖長江或者梁美芬就最大可能，不過都要睇睇背後各方勢力嘅角力，先能夠定到主席人選。