過往專欄

時事要聞
26/04/2022

取消強積金對沖修例 羅致光︰盡力今屆政府完成

#取消強積金對沖 #羅致光

  【晴報專訊】近日有商界團體及立法會議員憂經濟前景不明朗,提出暫緩取消強積金對沖修例,引起勞工界8大工會發表聯合聲明強烈反對。勞工及福利局長羅致光昨指,政府會盡最大努力,在今屆政府任期完成取消強積金對沖修例,他說若成功修例,要到2025年才全面實施,相信到時經濟已較現時大有改善,故即使現時經濟情況欠佳,亦非押後的好理由。

 

(資料圖片)


  工聯會8名立法會議員向特首候選人李家超發聯署信,指絕不認同有聲音要求暫緩修例,批評有人以經濟狀況有變為由拖延立法,並指要提防有人蓄意推翻由勞、資及官方達成共識的取消對沖安排。

10/06/2022

芬姐緣何未能入政府?AO將成大贏家?

#立法會 #副司長 #梁美芬 #政務官 #取消強積金對沖 #選委會界別議員

  呢個星期政壇太多事發生,今次轉一轉寫法,就以下三件「趣聞」逐一講評。

 

(資料圖片)

 

芬姐撻Q未能入政府

 

  早兩日芬姐梁美芬澄清自己唔會「全職」加入政府,粉碎咗佢入去到副律政司長嘅傳聞。之前Tina收到風話芬姐會加入政府,其實當時都已經十拿九穩,辦公室嘅同事都已經做好「芬手」嘅準備,點知最後撻Q。Tina再同政圈中人八料,政圈中人強調,芬姐本身的而且確係預備好入政府,如果一早都無咁嘅打算,就已經早早出來澄清。

 

  至於點解最後無緣服務李家超政府,政圈中人聽返來嘅消息只可以用「峰迴路轉」去形容。原先嘅安排就係鄭若驊留任芬姐做副,點知臨尾鄭若驊唔想再落水,就爆出資深大律師林定國上陣。要知道芬姐雖然係法律學者,並無太多官司經驗,但以佢政壇地位同資歷,要屈居於林定國做副就點都難以落台,所以到最後就連副司長都情願唔做,繼續留守立法會。

 

  不過芬姐嘅澄清亦都可圈可點,事關佢話「唔會全職加入政府」,係唔係「半職」呢?半職的話又係唔係加入成為行會成員呢?呢個就要等最後拍板。

 

新政府AO將成大贏家

 

  雖然唔少政黨人士,特別係深藍陣營,一直以來對政務官AO表現非常不滿,覺得AO多年來嘅官場文化拖低政府施政效率,但聽聞嚟緊新政府嘅官員,骨幹仍然係以AO為主。Tina聽聞,各政黨交咗唔少「人才名單」畀李家超,但最終獲選者寥寥可數,甚至係副局、政助等等職位,都唔會有太多政黨人出任。據講新特首最終只係交咗司局長名單畀阿爺過目同等待任命,所有副手都係會由局長自己去揀卒,希望咁樣可以令到局長副局長能夠更加通力合作,搞好施政,所以最終AO將會成為大贏家。

 

強積金取消對沖「沖擊」選委會界別議員

 

  噚日三讀通過嘅取消強積金對沖草案最終89名議員之中,得到72票贊成通過,其他嘅一係反對一係棄權,打工仔終於都可以唔使受到對沖之苦。

 

  呢條條例爭議極大,因為唔係企喺工人嗰邊,就係企喺工人嘅對面,無乜中間立場可言。據聞議案投票之前,商界選委動員佢地最大嘅力量,向選委界別議員力陳條例嘅影響有幾深遠,希望議員投下反對票。一眾選委議員都感受到「選民」嘅龐大壓力,不過草案已經箭在弦上,反對議案對社會影響難以估計,所以大家都係含淚投票。不過含淚投贊成票都好,大家都諗盡辦法喺發言時責罵政府做唔夠諮詢、落水唔夠深等等,希望可以一舒「選民」嘅怒氣咁話。

 

#食譜 #素食 #數碼營銷 #電影 #移民 #減肥 #創科 #Netflix #外賣 #辦公室貼士 #疫情 #在家運動 #WFH #抗疫不悶 #限聚令 #Pantry熱話
more on etnet.com.hk