過往專欄

　　【晴報專訊】候任特首李家超尚有不足2個月便上任，他昨透露正開始組班，已有政務司司長人選，強調不注重背景或職系，冀找到有能力、經驗及理念相同的人才，但直言因國際關係複雜，部分人憂被針對或婉拒加入政府。

李家超昨早簽署法定聲明，表明不屬於任何政黨及政黨成員，左為競選辦副主任譚志源。

　　他又說，不希望公開太太個人生活，會盡力照顧家庭。

　　李家超表示，不會太注重人選的背景或職系，而是考慮其能力、經驗及理念是否符合，包括公務員或任何社會人士，強調要找到最好的人才，以不同經驗互補長短，但沒透露會否招攬現屆政府官員留任，稱要尊重雙方意願，未有最終成員名單前不會公開。他指本港情況現時雖相對穩定，但國際關係複雜，部分人憂被針對或婉拒加入政府。

李慧琼：李未向民建聯招手

　　民建聯主席李慧琼指，李沒向民建聯招手。據悉李今日將與經民聯及民建聯立法會議員會面。

　　至於架構重組，他說原則上傾向由特首林鄭月娥提議的方案，已將意見交特首辦，雙方正融合方案，稍後提交行政會議討論，現階段不宜披露細節。對於是否設副司長及重設中央政策組，則有待行會討論，認為重組後應加強政策分析、釐定及統籌能力，有利新一屆政府施政。

　　李家超又表示，上任後會優先設公務員緊急動員機制，及協助劏房初中生發展的「解決跨代貧窮試驗計劃」，均可以「關鍵績效指標」（KPI）方式檢視成效，強化「以結果為目標」的做事方式，又認為有空間將10年房屋策略的後5年供應目標提早推出，長遠要設立土地儲備，他重申並非魔術師，如有空間可達到，每一個環節都要快。

　　對於「612基金」多名信託人被捕，包括天主教香港教區榮休主教陳日君樞機，李指政府會依法處理，針對的是犯法行為，與任何人背景及思想無關，又稱新聞自由已在大家袋中，但要防止有人魚目混珠，「政府是協助市民不會被人打荷包」。

　　他又透露，太太因長時間照顧家庭，身體亦需人照顧，但不願公開太太的個人生活，未來會盡量照顧家人。至於特首夫人會否出任公職，他說讓太太選擇。

　　行政長官李家超上星期去立法會出席互動交流會，其中一個環節係專講《基本法》23條立法，議員發言發問極為踴躍，大家發言嘅方向，同當年由葉劉淑儀做局長推銷23條立法時真係天淵之別，議員全程零質疑，掉番轉頭係全面配合立法。

　　23條立法如箭在弦，咁站在政府嘅角度，擔心嘅當然唔再係條例會唔會過，而係條例掟咗出嚟之後，外界特別係外資、外國領事、所有嘅外部勢力，對條例嘅睇法係點，任何可能會觸動到反對聲音嘅「星星之火」，都要盡可能喺擴散之前整熄佢。

　　所以李家超先會特別提到，會設立「應變反駁隊」，專門去監察所有網上輿情，做好應變工作。至於「應變反駁隊」由邊個主導，據聞就會由玩社交媒體特別出色，兼且係主責立法工作嘅保安局局長鄧炳強親自操刀，其他相關嘅司、局、處，例如律政司、新聞處等等，都會喺「應變反駁隊」中有一席位，負責協調工作。

《基本法》23條是有關國家安全的條款，禁止七類危害國安的行為。（資料圖片）

　　有政圈中人就指出，今次23條立法，感覺上重視程度仲緊要過《香港國安法》，而用「反駁隊」呢個名，好明顯睇得出，政府係預咗會有好多針對23條立法嘅不實言論喺網上傳出，甚至係用懶人包等方式，喺社交媒體、通訊軟件等快速傳播。政圈中人仲話，呢啲不實言論估計都係由海外傳番過嚟香港，要執法係非常困難，所以最快嘅做法唔係澄清，而係反駁。所以特首用「反駁隊」呢個名，就係想採取一個主動權，一有不實，就撲出嚟反駁，而「反駁隊」成員更可能要分更長時期運作，避免一啲不實言論喺凌晨時分傳出，到早上先反駁就已經處於下風。

　　另外聽聞，立法會每一個板塊都將會全方位工作去配合23條立法，地區、功能組別同選委界別都各自會被安排任務，要做到滴水不漏。至於重中之重，當然就係成立法案委員會去審議23條，聽聞唔少議員都相當踴躍，已經打定開口牌，估計要抽籤先入到去委員會。而頭牌做主席嘅更會係「名流青史」，所以幾個大牌議員都表示有興趣，自由黨張宇人已經話自己乜嘢委員會主席都無，就係為咗審23條。過去佢都立咗不少汗馬功勞，包括中大改革等等，但係佢身兼行會成員嘅身份就似乎有欠公正性，再加上佢唔係法律界，要審呢條法律似乎未必安到政府嘅心。如果要喺有律師背景嘅議員之中搵個「定海神針」，似乎廖長江或者梁美芬就最大可能，不過都要睇睇背後各方勢力嘅角力，先能夠定到主席人選。