過往專欄

　　【晴報專訊】距第6屆政府上任尚有不足兩周，昨再流傳新班子完整名單，其中政務官出身的局長聶德權和邱騰華將不留任，商經局或由大灣區航空行政總裁丘應樺接掌，部分現任副局長或常秘會坐正。

林鄭愛將聶德權（右）及三朝元老邱騰華（左）傳會在今屆任期後離開政府（資料圖片）

　　另傳新民黨主席葉劉淑儀將成為行會召集人，民建聯主席李慧琼及工聯會會長吳秋北亦將加入行會。

　　被視為特首林鄭月娥愛將的公務員事務局局長聶德權傳不過渡到新政府，由該局現任常秘楊何蓓茵接任。該局一向由公務員任局長，直到聶在前年破例。「三朝元老」邱騰華亦傳離開政府，職位由商界出身的丘應樺接手；丘稱暫不評論。

　　由林鄭提拔的運房局局長陳帆曾傳留任，但拆局後料運輸及物流局由發展局前常秘林世雄接掌，建築署署長何永賢則出任房屋局局長。同樣由林鄭邀入「熱廚房」的勞福局局長羅致光，近期疑似在網誌談離別感受，一度傳由社署署長梁松泰接任，但昨午傳出由勞工處處長孫玉菡出任。現任保安局常秘葉文娟傳將任特首辦主任。

　　另多位立法會議員傳將入閣，如張國鈞任律政司副司長，工聯會麥美娟和城大學者孫東分別接掌民政及青年事務局與創新科技及工業局。日前立法會在政府重組方案表決投票時，剛好3人都缺席投票。麥昨解釋是當時另有工作，指外界毋須揣測；孫則稱目前要專注議員工作，有新消息要待候任特首李家超公布。

葉劉或接任行會召集人

　　行會現任召集人陳智思表明去意，傳現為行會成員的葉劉淑儀會接任，而李慧琼與吳秋北則接替各自的黨友葉國謙及黃國健加入，其中李或相隔6年重返行會。3人均無正面回應。

　　林鄭卸任後可獲政府提供辦公室，但位於堅尼地道的前任特首辦公室已達容量上限。行政署指，正準備在金鐘太古廣場為林鄭設前任特首辦，規模及編制將與現時標準相若。

　　仲有唔夠兩星期，特區政府將會換來全新氣象，而經過市場多輪嘅傳聞同猜測之後，新班子亦都隱約成形。有意外失落連任嘅局長，亦都有意外獲新任特首睇中嘅新丁，不過整體來講，問責班子仍然係以政務官（AO）體系為核心，問題就係，呢班用返同一套系統訓練出來嘅「猛將」，究竟又可以畀到幾多新風氣呢一屆新政府呢？

（資料圖片）

　　噚日媒體已經流傳一份新班子嘅名單，據聞有關名單都應該99%係最後人選。15局之中，連任嘅得三位局長，分別就係保安局、政制及內地事務局同埋財庫局，計埋由教育局調任去文化體育及旅遊局嘅楊潤雄，同埋教育局副局長蔡若蓮升正做局長，即係現屆政府有四位正局長順利過渡、一位副局就升上正局。

　　另外十位「新將軍」就可以分成為兩個幫派，分別係未入個政府嘅局外人，另一批就係傳統政務體系出身。「局外人」只有四個，現任立法會議選（選委界別）孫東同麥美娟將出任創科及工業局同埋民政及青年事務局；醫務衛生局長就會由港大深圳醫院院長盧寵茂出任；仲有擁有幾十年航空公司管理經驗嘅丘應樺將會做商經局局長。

　　其餘六人，呢度唔再一一列出，但全部都係現任嘅常秘或者處長升任，呢個就真係幾出乎政圈意料之外。據Tina所知，唔少政黨話事人近年一有機會就會大篤公務員團隊背脊，經常掛在口邊嘅係話呢班人「自恃擁有獨有嘅AO文化，不懂民間疾苦」，令到政府施政往往唔能夠貼地，甚至話班AO拖政府後腿。而睇返呢個傳聞嘅局長名單，文官AO 佔大多數，政圈中人估計，唔係李家超唔想換人，實際上係佢仍然要仰賴傳統公務員團隊去施政，計過度過，一啲真係需要有新思維同埋大刀闊斧改革嘅政策局，就會由外來人士出任，而一啲只需要穩打穩紮做實事嘅局，就交返畀AO處理。

　　而另外一個講法就係，李家超始終係武官出身，咁多年都無乜政圈人脈，一下子做特首要去搵人的話，都難以說服有真材實料嘅人才加入，所以惟有繼續倚重一班文官管治。