過往專欄

　　 【晴報專訊】本港通脹維持穩定，打工仔的「血汗錢」亦更有保障。有跨國人力資源機構調查發現，受惠於低通脹，本港僱員今年實質薪酬增長達1.6%，不但跑贏新加坡，更是亞太區增長第5快地區，展望來年亦可維持實際增長幅度。有學者估計本港來年通脹維持低位，但人力顧問指經濟環境未見改善，港企來年加薪幅度仍「言之尚早」。

惠於低水平通脹，香港僱員今年實際增薪幅度於亞太地區前列。（資料圖片）

　　ECA International訪問來自68個國家的逾360家跨國企業，其中本港僱員薪酬今年錄得名義增長3.5%，按年多1個百分點，考慮1.9%通脹，實質增長為1.6%；而全球平均增薪4%，但78%國家及地區受通脹影響，實際薪酬均下降。

　　ECA亞洲區域總監關禮廉稱，香港僱員受惠於低水平通脹，今年實際增薪是亞太地區增長第5快，亦遠高於實際薪酬不加反減的新加坡。展望來年本港名義薪酬增長料達4%，扣除預計通脹2.4%，實質增長可維持同一水平的1.6%，全球則料增薪5%，但或僅37%地區能有實質增長。

受惠低通脹 預計來年維持

　　多國高通脹均受俄烏戰事帶動能源價格影響，中大商學院亞太工商研究所名譽教研學人李兆波稱，本港轉用較貴天然氣亦令能源價格上升，但幅度遠不如歐美般，同時食品及租金等多項影響通脹因素均保持穩定，受惠於強美元，進口成本降，料明年通脹維持在2至3%正常水平。

　　近年不少港人選擇移居外地，毅知顧問公司董事總經周綺萍指，港人在外受制於資歷互認、語言及文化不通等因素，通常難找回同等薪酬，連帶高通脹及稅率等因素，實質工資往往少過在港，長遠有機會令他們考慮回流；惟加息周期影響本港營商環境，加上疫情隨時有變，港企來年考慮加薪水平或要最後一刻才決定。

　　另政府向立法會提交文件，提到議員本月1日起加薪約1.7%至10.4萬元，醫津亦加約1.7%至3.65萬元。而特首會同行會亦接納司法人員薪常會建議，上調法官及司法人員的薪酬2.5%，追溯至今年4月1日起生效。

　　負責為全港超過19萬公務員制定薪酬調整幅度指標嘅「薪酬趨勢調查委員會」，剛剛喺噚日（16日）公布最新嘅2024年薪酬趨勢調查報告，各級公務員加薪淨指標，分別係高級公務員4.01%、中級公務員4.32%同埋低級公務員5.47%，遠遠超過之前市場預期嘅3%至4%。

　　消息一公布，市面「嘩嘩聲」四起，事關成4%至5%人工加幅，對私營市場九成打工仔近幾年嚟講，都係遙不可及。有熟知政府運作嘅政界中人就話，每年嘅薪酬趨勢調查委員會報告，都令到政府高層頭都大埋，佢形容：「私營機構加幾多人工，梗係睇吓公司去年盤數同埋預測未來2、3年經營狀況去決定，簡單好多；但政府加幾多人工畀公務員，要考慮嘅因素唔單止係自己個荷包，仲要睇埋對私營市場嘅影響，絕對係政治學上一門高深學問。」

　　今年公布呢個遠超市場預期嘅加幅，絕對係令到政府處於幾尷尬嘅局面。如果跟足建議去加人工，好處當然係公務員士氣獲得提振，有助現屆政府繼續積極推行各項政策，等下面嘅公務員「攰死」之餘，起碼荷包得以充實。不過現時市場經營環境並唔係一面向好，以往一直係「天之驕子」嘅金融機構更加出現裁員情況，中小企更加喺北上消費熱潮之下「得個做字」，街上、商場吉舖處處，如果政府帶頭加足5%薪酬，對私營市場絕對係沉重打擊。

薪酬趨勢調查委員會建議嘅公僕加薪幅度，遠超市場預期。(Shutterstock)

　　喺面對千億財赤、儲備跌到得番7000億元、政府甚至要加大發債去支持基建項目嘅時候，加薪5%，講緊每年開支要增加超過60億元，政界中人就話：「呢頭你話政府唔夠錢要研究加呢樣收費、減嗰樣使費，到頭來加人工就要每年使多60億至70億元，試問又點樣同市民交代？」

　　而加唔足嘅話，對政府運作亦有唔少影響。有公務員朋友形容，呢幾年行政主導勢頭之下，個個局都要交足功課，上面有任何諗頭，做細嘅就要出頭，唔少部門嘅中高層都做得辛苦過出名工時長嘅四大核數師行，夜晚10點後收工都係等閒事，「人工加得唔夠好，可能就會令到人手流失加劇，特別係30幾歲中層嗰班，佢哋有政府工作經驗，行出去好多私營機構都爭住要，政府人工加唔夠，呢班中堅走咗就好難再填補」。

　　有立法會議員就私底下透露，早排都已經有評論認為公務員要減人工去同政府庫房共度時艱，不過佢自己就覺得，呢種講法無非都係社會嘅一種怨氣，「要解呢口怨氣好簡單，只要最高嗰班官員唔加人工之餘仲自願凍薪，甚至減人工，輿論就自然會覺得高層有承擔，呢啖氣就自然吞得落，下面加得足又點話呢！」