過往專欄

　　【晴報專訊】隨着香港復常步伐加快，特首李家超亦親自率團赴中東外訪一周，冀爭取更多商機。昨抵達外訪首站沙特阿拉伯的他表示，希望爭取落實「相當數目」協議，亦會尋求沙特國營石油企業「沙特阿美」及子企業赴港第二上市。

李家超與沙特投資部大臣Khalid Al-Falih會面（李家超fb）

　　他指，本港作為國際金融、資產管理及風險管理中心，資金可自由來往，且有眾多專業人士支援，加上新上市規則允許未有實際業績的初創科技企業來港上市，相信可吸引更多新企業。

　　李家超昨率領主要官員，及逾30名本港商界、專業服務界、金融服務界及創科業界代表到中東外訪。代表團昨經歷10多小時航程抵達首站沙特阿拉拍，沙特投資部副大臣Badr AlBadr、沙特駐港總領事Hamad Aljebreen，及中國駐沙特大使館臨時代辦殷立軍在首都利雅得機場親自迎接。李指，中東地區是祖國「一帶一路」倡議重要節點，冀通過外訪，加強與沙特及阿聯酋的貿易、投資及文化聯繫，他亦會介紹本港「背靠祖國、聯通世界」優勢，並會鼓勵中東官員及大型企業來港設立辦公室，開拓業務範圍。

李家超在航機上認識了兩位年輕企業家，了解他們的從商經驗，以及他們與中東的緊密聯繫。（李家超fb）

　　李續指，隨着沙特和阿聯酋尋求加強投資能力，實現經濟多元化，及推行智慧型城市計劃，本港金融、商業、專業服務及創科初創企業均可找到龐大機會。

晤沙特投資部大臣 將啟促進投資談判

　　對於今次行程目標，他指期望有「相當數量」協議可落實，感覺沙特政府亦非常積極。他其後在facebook表示，昨晨與沙特投資部大臣Khalid Al-Falih會面，當地政府已允與港府啟動促進和保護投資協定談判，冀相關協定可加強經濟及投資聯繫。

　　至於會否爭取「沙特阿美」來港上市，李承認行程中會到訪「沙特阿美」，因其業務很多元化，不單涉石油，尚有很多子企業和公司，冀鼓勵他們赴港上巿。上巿門檻方面，李謂，新上市規則允許無實際業績的初創科技企業參與，希望可吸引更多初創來港。

　　行政長官李家超上星期去立法會出席互動交流會，其中一個環節係專講《基本法》23條立法，議員發言發問極為踴躍，大家發言嘅方向，同當年由葉劉淑儀做局長推銷23條立法時真係天淵之別，議員全程零質疑，掉番轉頭係全面配合立法。

　　23條立法如箭在弦，咁站在政府嘅角度，擔心嘅當然唔再係條例會唔會過，而係條例掟咗出嚟之後，外界特別係外資、外國領事、所有嘅外部勢力，對條例嘅睇法係點，任何可能會觸動到反對聲音嘅「星星之火」，都要盡可能喺擴散之前整熄佢。

　　所以李家超先會特別提到，會設立「應變反駁隊」，專門去監察所有網上輿情，做好應變工作。至於「應變反駁隊」由邊個主導，據聞就會由玩社交媒體特別出色，兼且係主責立法工作嘅保安局局長鄧炳強親自操刀，其他相關嘅司、局、處，例如律政司、新聞處等等，都會喺「應變反駁隊」中有一席位，負責協調工作。

《基本法》23條是有關國家安全的條款，禁止七類危害國安的行為。（資料圖片）

　　有政圈中人就指出，今次23條立法，感覺上重視程度仲緊要過《香港國安法》，而用「反駁隊」呢個名，好明顯睇得出，政府係預咗會有好多針對23條立法嘅不實言論喺網上傳出，甚至係用懶人包等方式，喺社交媒體、通訊軟件等快速傳播。政圈中人仲話，呢啲不實言論估計都係由海外傳番過嚟香港，要執法係非常困難，所以最快嘅做法唔係澄清，而係反駁。所以特首用「反駁隊」呢個名，就係想採取一個主動權，一有不實，就撲出嚟反駁，而「反駁隊」成員更可能要分更長時期運作，避免一啲不實言論喺凌晨時分傳出，到早上先反駁就已經處於下風。

　　另外聽聞，立法會每一個板塊都將會全方位工作去配合23條立法，地區、功能組別同選委界別都各自會被安排任務，要做到滴水不漏。至於重中之重，當然就係成立法案委員會去審議23條，聽聞唔少議員都相當踴躍，已經打定開口牌，估計要抽籤先入到去委員會。而頭牌做主席嘅更會係「名流青史」，所以幾個大牌議員都表示有興趣，自由黨張宇人已經話自己乜嘢委員會主席都無，就係為咗審23條。過去佢都立咗不少汗馬功勞，包括中大改革等等，但係佢身兼行會成員嘅身份就似乎有欠公正性，再加上佢唔係法律界，要審呢條法律似乎未必安到政府嘅心。如果要喺有律師背景嘅議員之中搵個「定海神針」，似乎廖長江或者梁美芬就最大可能，不過都要睇睇背後各方勢力嘅角力，先能夠定到主席人選。