過往專欄

　　【晴報專訊】特首李家超昨在北京列席人大會議開幕，獲國家主席習近平主動揮手打招呼；而總理李克強則在工作報告稱，港澳台工作過去五年取得新進展，未來要繼續落實愛國者治港，支持港澳發展經濟。李家超稱，對報告內容感鼓舞，未來會堅定不移貫徹一國兩制、港人治港。

　　政府工作報告提到，港澳台工作取得新進展，過去五年依照憲法及《基本法》有效實施對特區的全面管治權，制定《香港國安法》，推動香港進入由亂到治，再走向由治及興的新階段，未來要全面準確，堅定不移，貫徹一國兩制、港人治港、高度自治方針，維護特區憲制秩序，落實愛國者治港，支持港澳發展經濟改善民生，保持港澳長期繁榮穩定。

習近平離場期間，指向站在全國政協副主席劉奇葆及最高人民檢察院檢察長張軍後排的李家超，向他揮手打招呼。（電視新聞截圖）

　　開幕會議結束後，習近平離場時一度停步，指向李家超，向他揮手打招呼，李家超即作揖向前抱拳回應，身旁的澳門特首賀一誠亦有抱拳示意。李家超昨午參觀中國共產黨歷史展覽館，今午回港，下周會再上京列席人大閉幕禮。

　　李家超稱，對工作報告內容感鼓舞，會發揮愛國者治港的力量和價值，團結各界，全力拼經濟、拼發展，為市民謀幸福，把握十四五規劃、大灣區建設、一帶一路倡議等國家戰略，積極融入國家發展大局，提升國際競爭力。政務司司長陳國基稱，總理李克強為香港發展舉旗定向，認為香港已踏上全面復常的新征程，堅信社會各界會與特區政府繼往開來，團結一致乘勢而上。財政司司長陳茂波稱，報告提出擴大內需及綠色轉型等國家發展重點，香港亦要在有關方面着力。

學者指涉港篇幅較少 因已撥亂反正

　　全國港澳研究會顧問劉兆佳認為，工作報告提到的「新進展」是指《香港國安法》落實後，一國兩制踏入正軌，重複提及「愛國者治港」則提示本港要進一步提升愛國者的政治水平和管治能力，擴大群眾支持基礎。他認為，今次報告涉港篇幅不多，因習近平已表達會長期貫徹一國兩制，毋須再就一國兩制安撫人心，香港的政治問題亦在過去幾年已經撥亂反正。

　　行政長官李家超上星期去立法會出席互動交流會，其中一個環節係專講《基本法》23條立法，議員發言發問極為踴躍，大家發言嘅方向，同當年由葉劉淑儀做局長推銷23條立法時真係天淵之別，議員全程零質疑，掉番轉頭係全面配合立法。

　　23條立法如箭在弦，咁站在政府嘅角度，擔心嘅當然唔再係條例會唔會過，而係條例掟咗出嚟之後，外界特別係外資、外國領事、所有嘅外部勢力，對條例嘅睇法係點，任何可能會觸動到反對聲音嘅「星星之火」，都要盡可能喺擴散之前整熄佢。

　　所以李家超先會特別提到，會設立「應變反駁隊」，專門去監察所有網上輿情，做好應變工作。至於「應變反駁隊」由邊個主導，據聞就會由玩社交媒體特別出色，兼且係主責立法工作嘅保安局局長鄧炳強親自操刀，其他相關嘅司、局、處，例如律政司、新聞處等等，都會喺「應變反駁隊」中有一席位，負責協調工作。

《基本法》23條是有關國家安全的條款，禁止七類危害國安的行為。（資料圖片）

　　有政圈中人就指出，今次23條立法，感覺上重視程度仲緊要過《香港國安法》，而用「反駁隊」呢個名，好明顯睇得出，政府係預咗會有好多針對23條立法嘅不實言論喺網上傳出，甚至係用懶人包等方式，喺社交媒體、通訊軟件等快速傳播。政圈中人仲話，呢啲不實言論估計都係由海外傳番過嚟香港，要執法係非常困難，所以最快嘅做法唔係澄清，而係反駁。所以特首用「反駁隊」呢個名，就係想採取一個主動權，一有不實，就撲出嚟反駁，而「反駁隊」成員更可能要分更長時期運作，避免一啲不實言論喺凌晨時分傳出，到早上先反駁就已經處於下風。

　　另外聽聞，立法會每一個板塊都將會全方位工作去配合23條立法，地區、功能組別同選委界別都各自會被安排任務，要做到滴水不漏。至於重中之重，當然就係成立法案委員會去審議23條，聽聞唔少議員都相當踴躍，已經打定開口牌，估計要抽籤先入到去委員會。而頭牌做主席嘅更會係「名流青史」，所以幾個大牌議員都表示有興趣，自由黨張宇人已經話自己乜嘢委員會主席都無，就係為咗審23條。過去佢都立咗不少汗馬功勞，包括中大改革等等，但係佢身兼行會成員嘅身份就似乎有欠公正性，再加上佢唔係法律界，要審呢條法律似乎未必安到政府嘅心。如果要喺有律師背景嘅議員之中搵個「定海神針」，似乎廖長江或者梁美芬就最大可能，不過都要睇睇背後各方勢力嘅角力，先能夠定到主席人選。