過往專欄

 　　前美國國安顧問博爾頓(John Bolton)新書《事發的房間︰ 白宮回憶錄》今日出爐，呢本書搞到滿城風雨，大爆特爆侵侵（特朗普）過去所做嘅「秘聞」，包括佢點樣求習主席保佢連任，以及點樣同金仔（金正恩）對話，唔怪得侵侵之前急住出禁制令啦！

（Shutterstock圖片)

侵侵要求習主席幫佢手連任

（Shutterstock圖片)

　　新書入面講到，侵侵2018年尾參加G20國峰會時候，侵侵同習主席見過一次面，席間侵侵突然暗示中國經濟實力強大，請求習主席出手保佢連任，如果中國可以向美國增加採購大豆同小麥就Very Good啦！因為想當年侵侵獲勝都係因為班農民Fans幫助極大！

　　不過當時談及中美貿易細節時，習主席引用一戰及二戰歷史作例，講到明中國唔會簽訂不平等條約，暗示中國如果受到污辱，中國人民都會反美！

特金會：金仔問博爾頓「你覺得可以信我嗎？」

（Shutterstock圖片)

　　2018年「特金會」嗰陣，全世界都睇實，因為當時雙方期望不一，美國要求北韓完全無核化，但北韓希望可以分階段棄核。博爾頓曾經提議過以「利比亞模式」解決朝鮮核問題，即「先棄核，後補償」，不過金仔又點會肯放過你呢？

　　喺會談期間，話題轉談過博爾頓提及嘅「利比亞模式」，因為佢擔心如果答應「階段性棄核」會成為政治籌碼，不過侵侵講笑話博爾頓以前好強硬，相信而家態度會軟化；突然金仔話題一轉，問博爾頓：「我知道有啲難答，但你覺得可以信任我嗎？」

　　博爾頓當堂耍太極：「如果侵侵信任你（金仔），我哋就以此作為起點邁進。」

侵侵唔知英國有核武，問過荷蘭屬唔屬於俄羅斯？

（Shutterstock圖片)

　　博爾頓不下數十次大鬧特朗普無知成性，2018年侵侵與時任英國首相文翠珊會面時，有個官員提到英國屬於核武國家，而侵侵就接話：「哦？原來你哋係核武國家？」事實係，英國係繼美國同前蘇聯之後，第三個擁有核武嘅國家，侵侵真係Old News is so ......

　　書中描述嘅侵侵出醜，就梗係唔止一次，侵侵曾經前往過芬蘭首都赫爾辛基，預備同「戰鬥民族」之首普京會面，據稱侵侵曾經問過：「芬蘭係唔係俄羅斯嘅衛星城市？」佢又覺得，侵侵份人好長氣，經常喺簡報會上發表好多偉論係同個會無關。　

　　呢本新書可以話係核彈級資訊炸落美國政壇，民主黨仲唔日提夜提？

　　雖然白宮曾經申請過禁制令，希望阻止博爾頓呢本新書面世，但遭到法院駁回；不過法院都認為博爾頓「一直是玩命」，且有機會面臨刑事檢控。點都好，我會買多兩盤花生先慢慢嘆。

撰文：李皆穎

　　係咪覺得近期黃金越炒越貴呢？其實有無思考過炒下其他貴金屬？白銀都係一個投資市場熱門選擇！除左係有儲備同避險需要之外，其實白銀係未來工業市場都佔一席位，同黃金一樣有需求！

*升勢由黃金開始，接著由白銀接力*

　　白銀近期價格一直係28美元每盎司上落，但係過去兩個月急升23%，據業內人士分析指，過去貴金屬升勢入面，黃金會係主導第一輪，當黃金金價爆發幾個月之後，就會由白銀接力，而且升勢會比黃金更勁更強，慢慢貴金屬升幅入面，就會過度到由白銀作為升幅主力。

　　有數據顯示，印度近年來積極買入白銀，因為目前太陽能電池板係需要消耗白銀作為原料，而目前世界各地建造太陽能電池板的速度亦係到提升；另外，其他科技產品亦少不了需求白銀，例如交通、納米科技、生物科技、醫療保健、消費穿戴設備、計算和數據中心能源。

＊白銀可買期貨，可買實體＊

　　白銀又叫「窮人黃金」，皆因入場費相當宜人，常見可以直接以合同方式購買「紙白銀」，比較多人參與就係「白銀差價合約(CFD)」，呢種買賣係以合約形式的高桿槓白銀買賣交易，當中不涉及實物；另外仲有白銀ETF、白銀期權等等，基本上玩法萬變不離其宗。

　　而如果你喜歡實物在手，都可以選擇銀條、銀幣，常見有瑞士PAMP999銀條，1盎司都賣僅435蚊港幣，其他出名銀幣例如中國熊貓999銀幣30克都係售價321蚊港幣，假如買入放個十年白年，部分係稀少產量銀產品，可能會有收藏價值大於實際價值，未來銀價提升又可以賺一筆，假如手頭上資金有限，都係一個唔錯選擇！