過往專欄

　　好多公司都會訂閱雜誌，畀員工休息時可以睇雜誌放鬆一下。不過，你又知唔知其實公司訂嘅雜誌，都有好多潛在規定。而且好多時，同事間都會因為雜誌而交惡添！真係「邊個拎到雜誌，邊個就心情差！」，名副其實被詛咒的雜誌！ 

　　先講講訂閱雜誌有乜潛規則。首先，公司訂幾本雜誌返來，公開話使咗錢畀你哋班小薯娛樂，等你哋唔可以話公司無休憩設施、唔人道，真係連打工仔工會都忍唔住加你十分！而且公司使錢畀你哋休息喎！仲想點啊？咁擺明使少少錢想捂住你把口，等你哋班小薯唔可以再要求咁多！第二，邊個話雜誌一定係娛樂、消閒雜誌？好多公司都會訂返有關行業嘅雜誌，例如金融行業訂The Economist、Bloomerg等等，逼你喺休息時間都要吸收行業嘅全新資訊，逼你溫書啊，幾貼心！而且如果有客人上門開會，見到公司上下連pantry姐姐都睇行業相關雜誌，自然覺得貴公司相當專業，形象好啲，簽單都容易啲！但作為扮工仔嘅你，又會唔會因為睇呢啲雜誌而relax呢？ 

　　除咗呢種偽消閒雜誌，有啲公司真係會訂真消閒雜誌嘅。不過，詛咒之雜誌多數就係出現係真消閒雜誌身上！ 

　　首先，有冇試過搵極都搵唔到本雜誌？叫得「公家」雜誌，其實邊個睇完，邊個就有責任將本雜誌還返去common area，等其他同事可以拎嚟睇。偏偏有啲冇公德心同事，每次一有新雜誌就mark實，擺係自己個位，幾時有時間咪睇兩頁囉，未睇晒就長期擺係自己位霸住先，搞到其他同事等到下一期出版，都未睇到呢一期。 

　　第二，有機會畀你睇到雜誌，又有冇試過「睇完等於冇睇」呢？講到咁玄？需知道有時雜誌會有啲redemption 畀讀者拎試用裝或參加抽獎，唔洗講落去應該估到，係啊！本雜誌畀人剪到「一岩一忽」，睇睇下篇文，畀人剪咗個結局；睇睇下張教人化妝嘅圖，啲人好似囚犯咁冇咗對眼，點睇啊？自自然然，你會愈睇愈嬲，仲會遷怒於上一手睇完雜誌嘅人。其實明眼人都知道，未必係上手剪爛本雜誌嘅，只係想搵個發洩對象啫。

　　一本普通、簡單的雜誌，原來由高層角度出發，深藏咗咁多陰謀，仲搵埋打工仔去做演員！不過，呢本雜誌最可怕嘅地方，就真係會令到平時忙到心情差爆嘅各位打工仔心情更差！同事之間嘅關係更加差！你話，呢本係咪被詛咒的雜誌？

　　在搶人才的時代，快速獲取人員固然重要，但房地產私募投資管理公司柏衛資本（PACM）更關注新人是否適合公司，以及會否長期效力，所以會安排全體同事參與面試的環節；即使招聘流程平均需花兩個月，卻能有效降低流失率。

　　PACM於2018年成立，業務橫跨香港、澳洲、加拿大、新加坡、英國等地區，在人才難求的市況下，該公司在疫情期間逆勢擴張，團隊人數從2022年的9人增至現時的20人。

PACM董事總經理兼首席投資總監吳旨賢表示，公司會定期進行「站立會議」（Daily Scrum），有效防止溝通不良和信息誤差，凝聚團隊以發揮企業價值。（梁偉榮攝）

　　PACM董事總經理兼首席投資總監吳旨賢表示，該公司以富經驗的高管成員為骨幹，並注重培訓年輕人才，團隊的平均年齡只有30多歲，在金融行業裏算是相當年輕。

　　他指出，目前招聘初級人員頗為困難，最難招聘的職位是負責處理簿記（Bookkeeping）的財務會計師（Financial Accountant）。作為初創公司，要與四大會計師行等競爭對手搶人才絕非易事，該公司除會提供較市價高5至10%薪酬作賣點外，也會從香港科技大學等學府物色人才，為合適的大學生提供實習生計劃。

PACM將辦公室設計成開放共融的空間，鼓勵團隊加強溝通，讓不同職級的同事能隨時交流意見、獲取指導。（梁偉榮攝）

大學物色人才 提供實習生計劃

　　實習生計劃分為夏季和冬季兩節，每年目標是聘用4位實習生，他們將有機會參與不同部門的工作，提升技能的全面性。目前的全職員工中，不少人都是完成實習生階段後，再轉為正職長工。該計劃能為該公司建立可持續的人才庫，新人亦可提早了解其營運模式，到將來轉為長工時，可以更快融入公司文化。

　　「高透明度溝通」是PACM的核心文化，吳旨賢主張上至高管、下至初級員工，有關公司業務、營運和發展方向的意見，都應主動「拎出嚟講」。以請人為例，一般公司都會由高管或部門主管負責面試，並安排一至兩次會面；但在PACM，則是由全體同事參與面試流程，每次由2至3人負責，合共需完成5至6次面試，並會收集眾人的意見後，方會決定是否聘用一位新人。

新舊員工加深了解 利長期共事

　　他坦言，要動用所有同事參與新人面試，無疑需花上較長的招聘時間，也容易遇上被其他公司「中途搶人」的風險，但他認為這模式依然是很值得採用。

　　通過多輪的面試，求職者會更清楚不同部門的運作方式，有助深入認識團隊成員的做事風格，明白自己是否適合與他們共事；站在其他同事的立場，當他們有份參與面試，亦會感受到公司對自己的重視，並會更了解新人的個性、是否容易相處等，這對長期共事也是有利。

　　事實亦證明，採用全體面試的方式，為PACM帶來甚低的流失率。吳旨賢深信：「若求職者願意多次上來面試，其實也反映他是十分認真和有誠意來我們公司工作，並了解到這裏的文化是適合自己發展，最終也容易留下來長期效力，對公司而言，也為長遠留人才打好結實的基礎。」