過往專欄

　　臨近歲晚，各位嘅公司都應該已經設計好賀年紀念品，製造緊嘅都應該開始入直路。呢段時間，大家有冇發現，同事又多一個奇怪習慣，就係大家對住上述賀年紀念品虎視眈眈，想伸出狼之手，將紀念品借啲意放入手袋中走人。呢個現象唔止出現係平時已經充滿師奶特質嘅中年女同事，連要面子嘅高冷男同事都搶埋一份，點解？

　　唔知大家公司會製作啲咩賀年紀念品，但我公司就整左好幾樣，例如月曆、利是封、頸枕、USB等等，忙到procumbent班同事由聖誕到而家都不停OT。不過，近日佢地嘅成品終於出世，一箱二箱嘅心血送到公司。各位同事即刻出手，幫procumbent拆箱、點貨，當中緊係不乏美言幾句同順手牽羊啦。但你會發現，有啲野你拎一件其實都夠哂數，但同事都總會大量入手，最簡單例子如月曆。一個人要咁多本月曆做咩呢？唔通唔同月曆要mark底同唔同女朋友約會嘅日子？但，分開用多本月曆，咪冇左「整合行程」嘅意義？咁佢咪變左一支太陽能電筒？另外一班未結婚、甚至末有男／女朋友嘅年青同事，點解又要一疊一疊利是封咁拎走？有人可能話，「佢地係咪拎出去派俾啲客啊？」？不過公司規定，要派俾客就要officially每個部門向procumbent入紙要求所需數量，方便procumbent mark數，所以呢啲「搭膊頭」、私底下拎嘅禮物，一定唔係用於送客公事上。

　　原來，大家拎咁多呢啲賀年禮有幾大用途。第一，派派派，派俾屋企人！送俾客嘅賀年禮，當然要以實用為大前提，果啲冇咩用嘅畫啊、獎牌啊，真係送俾人都俾人藐爆，所以實用嘅賀年禮拎走送俾屋企人、朋友，真係一家便宜幾家著，反正唔洗錢，no harm 嘅～

　　第二個用途就係換換換！上文都講過，公司雖然會製造多種賀年禮，但總有好多野係「人地有、我地冇」的。所以當自己手上有多餘物資，最好緊係同其他公司嘅朋友「以物易物」啦。對於對方黎講，就算所持物資貴過你所持嘅，但因為本身得來就NO COST，所以都會願意同你交換。最終，當然係唔同公司嘅打公仔都可以WIN-W```IN啦～

　　所以，日後如果公司花紅少或人工調整幅度少，不妨拎多啲呢類型嘅免費品去彌補金錢上損失。有時，同人換到啲名牌野日後再拎出去用，都可以賺到幾分面子丫嘛～

　　剛畢業初出茅廬，未知道自己興趣的小薯仔，決定搵份part-time做住先，是非常正確的決定。最近決定唔做，原因是被Old Seafood欺凌，究竟點樣被欺凌？

　　話說公司制度，只有full-time孭數，part-time不需要，一返工小薯仔就被要求有客戶簽單的話，全部要入那唯一的full-time數。初初小薯仔覺得反正自己冇Target冇所謂，但做落之後就出問題。那位full time日日返工懶懶閒，疊埋心水等part-time做完全部入自己數。小薯仔唔忿氣向店舖主管反映，主管的反應是，更加闊佬懶理，Full-time繼續肆無忌憚！最終因為一次full-time放假，小薯仔簽單用自己的名義簽，full-time發現之後發爛渣責罵小薯仔點解唔跟規矩用full-time個名簽？小薯仔被駡個狗血淋頭，頂唔順決定辭職，原因是full-time態度惡劣！繼而寫了一封投訴信給人事部投訴被惡劣對待。

　　小薯仔被欺凌是事實，但整件事和Old Seafood完全無關，是被這間公司習非成是，上有政策下有對策的欺凌。小薯仔一返工一開始覺得沒有的問題，自己做的單全部入full-time數，偏偏正正就是問題的最大核心所在！為甚麼店舖只得一個full-time？因為多一個就要孭多一個full-time的數！點解請part-time？Part-time是請來幫full time跑數填數的！管理層只會睇數據，只要店舖到數，大家過骨就得啦！

　　其實當日小薯仔搵工有得揀做full-time或者part-time，因為full time有sales target part-time冇，不想要有孭數的壓力小薯仔決定做part-time。以為唔使孭，結果孭全舖，被利用剝削到體無完膚。不過沒有經歷，何來經驗？經一事長一智，最怕是經了事，依然未有長智，混淆是非曲直錯判形勢，捉錯弄神嬲錯人，連保護自己都唔識。

　　一步錯，步步錯，其實那間店舖的行為是集體詐騙，利用公司的漏洞；題外話，大家相不相信公司管理層不知道有這個漏洞的存在？那位full-time明明放假不在場，員工邊日返工邊日放假，公司是有記錄的，小薯仔要是把單簽在他的名下的話，一樣是詐騙，是刑事罪行來的！

　　至於決定唔做之後寫信去人事部投訴，跌落地揦返拃沙，是純粹自我感覺良好的行為。我說會有作用，大家信不信？明明那些要求不單止不合理，根本不合法，還要被侮辱羞辱，都不敢反問反駁，不夠膽捍衛自己，日後如何在職場生存？

　　不是所有飯都啃得落的，嗟來之食，不食也罷！待人接物恭敬有禮，是必須的。做事無需要斤斤計較，但是非黑白要看得清，分得清。道理是這樣講的，但怎樣做如何處理的技巧，有排學。可以肯定的是小薯仔今次的經歷，識得學好好學，真正受用無窮。