過往專欄

言歸政傳
29/06/2017

彭麗媛林鄭梁太三女爭艷品味高下立見 梁太「龍蝦」變「綠葉」

#襯搭 #OL打扮 #明星穿搭 #時裝熱話 #彭麗媛 #林鄭月娥 #梁唐青儀 #時裝災難

  以往國家領導人出巡,企喺隔離的第一夫人永遠都係最吸引人目光,著咩、戴咩、髮型係咩大家都會評頭品足一番。中國有習夫人彭麗媛做時尚指標大家應該冇咩異議,至於香港那位梁特夫人梁唐青儀則喜愛艷紅,佢件紅衫一出真係誰與爭鋒呀!之不過,品味果方面喇喎……咳!咳!你懂的。

 

牡丹雖好都要「綠葉」扶持

 

  今日習大大攜同夫人彭麗媛訪港,焦點當然就唔會係梁太啦,如果佢著上最愛的紅色豈非喧賓奪主?仲會同大紅地毯個色「黐底」,影相時幾核突呀!正所謂「牡丹雖好,都要綠葉扶持」,所以梁太今日接機時,決定著返條綠色嘅裙,襯托習夫人呢朵牡丹,而且同紅地毯成對比色,真係幾遠都見到佢啦!

 

  習夫人今日全日都一襲素色套裝,剪裁合身,望上去大方得體,低調用色中亦充滿細節,設計師都大讚佢今日呢身裝束從容清新,不過就少咁啲以往著開嘅中國特色。Jenny就認為唔係咩大問題啫,靚先係最緊要呀嘛!

 

朝早接機,「牡丹雖好,都要綠葉扶持」

素色套裝剪裁合身,望上去大方得體

 

三女爭艷品味高下立見

 

  講返梁太嘅「綠葉裝」,Jenny「好不爭氣地笑了」,之後問咗幾個設計師,大家有說不出的評語,最厚道嗰個就話「比較……特別咁囉」。Jenny就佩服梁太可以喺咁熱天時,著企領嘅黑色長袖褸喺停機坪行來行去,唔知以為冬天提早到咗添。可能,梁太最後都熱到頂唔順喇,下晝陪習夫人探訪幼稚園嗰陣,都係換返件橙色立體繡花上衣配黑色及膝裙,佢果然都係捨棄唔到艷色衣服!但一拍埋習夫人旁邊,品味真係高下立見。

 

 下晝探幼稚園,梁太件橙色立體繡花上衣......

 

  另外,林鄭今日衣著可說不過不失,一貫著旗袍出場,佢深明場合地位主次,接機時花樣旗袍外搭一件粉紅薄外套,唔會太浮誇又保持到喜慶感。下晝同習大大一齊去佢有份主理嘅西九文化區時,就換上搶眼嘅桃紅色旗袍,但依舊外披粉紅薄外套,成功將原本張狂嘅桃紅變得低調一啲,唔會搶咗習大大風頭,又可以喺一眾黑麻麻嘅西裝友當中顯得搶眼,唔使再好似朝早接機嗰時咁,淹沒人海當中。

 

  到咗夜晚禮賓府個宴會,天啊!梁太一身裝束只能以驚嚇形容,Jenny已經無力再吐槽落去,「時裝災難」真當之無愧,大家望望下圖就知道!

 

 

14/03/2018

【職場配搭】返工輕鬆配襯!編輯格價Mix & match最高性價比之選

#職場 #襯搭

  冬去春來,伴隨季節更替的不只是心情,更是能令你輕鬆自信地面對日常工作的新裝!上班服裝、由頭到腳的打扮,不只代表你個人的素質水平,更代表著公司形象,之但係買衫花費又大,可以點算?小編就為大家格價,找來價錢相宜又得體的服飾,希望幫助一眾「慳家」的打工仔!

 

格紋修身西裝長褲 $599

格紋兩件套西裝馬甲 $799

織紋長袖襯衫 $249

 

  正裝是男士職場上必備的制服,而合身的西裝簡易配襯已能予人端正的感覺。襯衫、領呔、馬甲及西褲配合淨色與格紋營造對比,可任意Mix & Match,呈現變化多端而又統一和諧的紳士風。

 

棉質斜紋布長褲 $399

格紋歐式雙面西裝馬甲 $599

休閒長袖襯衫 $249

 

  若想予人一種新鮮活力又不失型格的感覺,相比起黑色,可選擇淺色系的西裝,感覺簡約自由。

 

休閒西裝外套 $1,299

輕薄耐磨拼布剪裁長袖衛衣 $399

純色休閒修身褲 $399

 

  在非正式場合上,上身可外穿深色西裝外套,內搭簡單淨色polo或衛衣,又或外穿格紋馬甲,內搭牛仔色系襯衫。相反,若想營造出隨興自在的風格,上身可以配質感較重的淺色西裝外套,又或企領風衣。

 

可拆式蕾絲袖上衣 $450

格紋錐形褲 $450

 

  職場女性可嘗試穿著拼湊喱士元素的上衣及格紋長褲,將質感、層次、與細節提升,更加能夠突顯女性美的一面。

 

拼色修身連身裙 $590

 

  連身裙是職場女性上班最簡易的配搭,只需簡單配上一雙高跟鞋,已能盡顯優雅女性魅力,任何年紀的女性都可以輕鬆駕馭。

 

小方格布連身褲 $790

 

  若想表現出強硬女性化的印象,可考慮穿著西装式連身褲;又或內穿圓領恤衫,外搭修腰且下擺呈喇叭形狀的西裝外套,擺脫一般西裝外套帶來的死板木訥的感覺,又可令整體穿搭更有新鮮感。

 

CLUSE LA GARÇONNE ROSE GOLD $890

CLUSE LA GARÇONNE SILVER $1090

KLASSE14 VOLARE WHITE ROSE $1670

KLASSE14 VOLARE WHITE ROSE Mesh $1900

 

G2000銷售點:

  銅鑼灣東角道24號怡東商場地下25-30號舗

  尖沙咀海港城港威商場2樓2221號舖

  尖沙咀彌敦道88號地下及1樓

  旺角亞皆老街32-34號地下至3樓

  九龍塘達之路80號又一城L1層L1-39號舖

 

CLUSE銷售點

  尖沙咀海港城LCX 9A舖

 

KLASSE14專門店:

  香港中環雲咸街13號地下 [星期一至星期日早上11時至晚上8時]

  香港尖沙咀河內道18號K11, K11 Select, 1/F

 

#食譜 #素食 #數碼營銷 #電影 #移民 #減肥 #創科 #Netflix #外賣 #辦公室貼士 #疫情 #在家運動 #WFH #抗疫不悶 #限聚令 #Pantry熱話
more on etnet.com.hk