過往專欄

　　空櫈又多幾張！Jenny講緊嘅係立法會啲櫈。今日政界大事一定係四個議員被DQ，建制派議員個個開香檳慶祝，泛民就苦瓜乾咁口面，皆因泛民已經失去分組點票嘅否決權，你話唔愁就假喇！今次判決喺行家之間都議論紛紛，因為研究完判詞之後，可能Jenny悟性低啦，都依然理解唔到尊唔尊重、真唔真誠嗰把尺係點樣訂，但官既然已經判咗，為免畀人話小妹藐視法庭，都係唔好喺度講太多喇！之但係，引伸出來新東、九西同港島嘅補選就勢必係一場大混戰，而潛藏喺建制派之內嘅心病似乎又會再浮面。

判詞話，梁國雄被DQ係因佢不符合莊重規定，指他開遮、叫口號及撕紙張，與宣誓真正目的無關。

泛民失否決權 各派補選大計早已「開波」

　　今次一次過DQ 4個議員都咪話唔震驚政界，4人「死因」各有不同，根據判詞Jenny其實覺得呢啲嘢真係好主觀噃，好似黃定光第一次宣誓時漏讀香港呢兩個字，結果都要宣第二次誓，係CY無去覆核佢啫。呢件事同梁游宣誓最唔同就係，梁游二人係連主席同監誓人都過唔到，但當日今次被DQ嘅4個人，當日係經立法會主席承認宣誓嘅，究竟而家咁判會唔會令人有違反三權分立之感呢？不過都係嗰句啦，Jenny唔係法律專業人士，都係在此提出一個疑問，亦歡迎讀者賜教，所謂活到老學到老吖嘛！

　　判就判咗喇，上唔上訴就仲未知，不過各派嘅補選大計一早已經「開波」。未DQ前，泛民喺地區直選有19席，建制就16席。今次一次過DQ多4個議員之後，九西、新東及港島就一共有５席要補選。而家泛民冇咗分組否決權，加上立會暑假後應該都未會完成補選，呢個「空窗期」足夠政府將所有具爭議的議案放上立法會審議，由建制派齊舉手通過，可謂零難度呀！唔通林鄭所謂嘅「合適的時機」就係呢個？

　　再者，除咗港島區只有1席要選之外，九西同新東都有2席。相信泛民各攞1席就唔係難事，但因為有兩區有2個位，喺比例代表制下，泛民又冇建制咁優質嘅配票機器，睇嚟都好難拎得返晒（連埋功能組別）全部共6張票喇！換言之，泛民同建制好有可能變成17對18席，分組點票否決權都係RIP！我估最開心嘅一定有一班問責官員份，皆因箍票功夫慳好多。

工記民記齊內訌 爭出戰打餐懵

　　九西同新東仲有兩個議席咁「肥仔」，兩大建制派梗係吼住唔放啦！喺新東嘅工記「阿彪」鄧家彪，一早就好勤力咁落區拉票，朋友仔同Jenny講佢仲朝朝嗌咪Morning Call，但街坊好似唔係好領情；佢仲好豪咁包晒一條線小巴嘅車身廣告，貼自己個嘜頭上去添！呢個位有傳MC興（王國興）都有意思來Battle一下！

　　民記當然唔會坐以待斃啦！早有準備開咗個特別中委會決定邊個去補選。咁民記喺新東又有咩人呢？Jenny就聽講，北區區議員姚銘、沙田區議員李世榮都第一時間舉手話自己想選，大埔區議員胡健民亦聽聞有意參加，但Jenny一睇！阿哥，有啲生面口噃！Jenny個「新東之友」朋友都話，唔好話其他區，就算新東人都未必識得晒佢哋喇！不過咁多人想玩，睇嚟未去到補選，喺民記裡面就已經爭崩頭、打餐懵先喇！

　　而九西暫時嚟睇，就應該係葉傲冬同鄭泳舜兩個最有機會出嚟。計Jenny話，既然兩個想咁想選，咪一齊出嚟選囉，皆大歡喜啦！只係但「爺爺」就頭痕些少喇，Jenny估最後總要犧牲一個，被丟低嗰個唔好嬲豬太耐啊！國家總會有任務畀你嘅！

泛民協調難度高 隨時畀人偷雞

　　其實一早有人話工記喺上次冇份玩配票就「嬲嬲豬」工記有人講起仲拍晒枱咁款，早前Jenny已收到風，民記想讓新界東個議席畀工聯會，但現而家突然喺黨入面搵人去選，好難唔令人覺得民記非但唔想讓位，更加想霸多個位，咁工記點算好？今次會唔會反枱㗎？

　　建制嗰邊就蠢蠢欲動，心病返晒嚟，但Jenny頭先都講咗，喺建制優質配票機制下，反而係泛民就應該要頭痕喇！咩派物派，N咁多山頭，唔係個個都易溝通，玩吓手會唔會連嗰3個議席都保唔住呢？而家Jenny聽聞民主黨、公民黨、工黨都探討緊出選可能性，雖然預計民主黨派人出選機會較高，但係除咗被褫奪議席嘅青政游蕙禎，似有意捲土重來外，學聯前常委張秀賢又話會積極考慮補選，而上年出選超區嘅民協何啟明，亦都宣佈積極考慮出戰九西補選。嘩！民協何生你都出嚟，咁咪好易同另一個何生（工聯會何啟明）炒埋一碟囉！

 　　過去一年，法院就多宗極具爭議性的案件頒下判詞，例如：四名立法會議員被高等法院裁定宣誓無效、高等法院覆核「雙學三子」衝擊公民廣場案的刑期、終審法院駁回青年新政梁頌恆和游蕙禎的上訴申請，部分港人開始質疑香港的司法制度是否不再獨立，社會上批評「香港法治已死」的聲音漸多，港島區立法會補選候選人之一區諾軒早前更明言311補選將會是一場「法治和人治的對決」。

香港的司法制度奠基至今逾百載，司法獨立受《基本法》保障，法治一直是港人珍而重之的核心價值。(iStock圖片)

　　部分港人對法院的判決或許會有異議，但只要我們細閱上述案件的法庭判詞，便會發現香港法院仍堅定不移地捍衛法治，法官依舊按法律理據不偏不倚地作出裁決。其中，我認為本月初終審法院就「雙學三子」上訴案所頒下的判詞尤富參考價值，反映目前本港的司法機關仍保持一貫的獨立。

「雙學三子」衝擊公民廣場案

　　2014年9月26日晚上，「雙學三子」香港眾志主席羅冠聰、秘書長黃之鋒及學聯前秘書長周永康號召群眾衝擊政府總部東翼前地（又稱公民廣場）。「雙學三子」於2016年被裁判法院裁定非法集結及煽惑他人參與非法集結罪成，但裁判官認為他們三人只是表達訴求，暴力程度不高，三人結果分別被判社會服務令或監禁緩刑。

　　去年，律政司認為裁判法院判刑過輕，又指「雙學三子」當日行為近乎「暴動」，遂向高等法院提出刑期覆核，要求法庭改判三人即時監禁。上訴庭副庭長楊振權於去年8月17日宣判，指鑑於案件罪行嚴重並涉及暴力，法庭必須判具阻嚇性的即時監禁刑罰，故改判三人即時入獄六至八個月，有輿論甚至質疑判決是「政治檢控」。

　　「雙學三子」其後向終審法院提出上訴，終審法院於今年2月6日宣判，五名法官一致裁定三人上訴得直，維持原審判刑。終審法院首席法官馬道立在判詞中指出，鑑於終審庭認為原審裁判官在原則及量刑上並無出錯，在上訴庭新判刑指引不具追溯力的前提下，決定維持社會服務令及緩刑原判。

律政司可依法申請刑期覆核

　　馬官在判詞中清楚指出律政司有權根據《刑事訴訟程序條例》第81A（1），基於該刑罰並非經法律認可、原則上錯誤、或明顯過重或明顯不足的理由，向上訴法庭申請刑期覆核。因此，終審庭在判詞中申明律政司申請刑期覆核是合符法理的做法，否定了這是政治干預司法的結果。

　　不過，終審庭在判詞中逐點反駁上訴庭的說法。首先，原審裁判官量刑時明顯知悉本案屬大規模集結，亦知道判刑須具阻嚇力，只是考慮到各人行為並非十分暴力，故認為原審判刑無犯原則錯誤。其次，在裁判法院作出判決時，非法集結的司法慣例是判以社會服務令，只有極少數案例會判處監禁，因此原審判刑並非明顯過輕。

新判刑指引不具追溯力

　　鑑於香港出現愈來愈多混亂及大型公眾示威，終審法院常任法官鄧國楨認同上訴庭指，法庭有充分理由訂立更嚴厲的判刑指引，重判涉及暴力的非法集結，以提高判刑阻嚇力。判詞同時引用了2000年，高等法院將當時肆虐本港的「扑頭劫案」之量刑起點增至八年，成功令同類案件驟減的案例，論證加重刑罰能夠以儆效尤。

　　儘管如此，新的判刑指引只適用於上訴庭頒令後（即2017年8月17日後）發生的案件，並不適用於「雙學三子」的案件。因此，上訴庭覆核刑期時，以大幅度及更嚴峻方式判刑，明顯是不恰當引用判刑指引。再者，案發時黃之鋒未滿21歲，上訴庭卻錯誤地認為毋須考慮監禁以外的刑罰，違反了《刑事訴訟程序條例》第109A條。

「公民抗命」並不適用於此案

　　馬官指出法官判刑時要考慮「公民抗命」元素，更引用John Rawls著作A Theory of Justice中的「公民抗命」定義：行動必須是和平、非暴力；違法者亦要在事後接受法庭懲罰。根據案例，示威者一旦涉及暴力或威脅使用暴力，破壞社會安寧，法庭有責任重判違法者，「公民抗命」將不能成為有力的減刑理由。

　　馬官續指，一般而言法庭傾向容忍終審法院非常任法官Leonard Hoffmann在2006年英國案例R v. Jones & Others 判詞中列明的「公民抗命」行為。但馬官強調不管「雙學三子」動機為何，三人在犯案過程中衝擊公民廣場鐵閘，明顯涉及暴力，已經跨越合法表達意見的界線。因此，「公民抗命」的概念並不適用此案。

法庭判決證法治健全

　　對於終審庭就「雙學三子」上訴案的判決，社會上難免充斥支持和反對的聲音，但大家應該認真閱讀判詞，避免作出不負責任的指摘。我認為終審庭的判決有兩個主要影響：即時的影響是有助減少社會的仇恨，以免社會進一步撕裂；長遠的影響則是為日後任何涉及暴力的示威行動畫下一條紅線，希望示威人士行動前三思。

　　我相信是次終審庭的判決是香港依然擁抱法治的鐵證，即使社會對法院的輿論壓力與日俱增，本港法官在審理案件時將繼續秉承普通法傳統，並獨立進行審判，不受任何干預。香港的司法制度奠基至今逾百載，司法獨立受《基本法》保障，法治一直是港人珍而重之的核心價值，我們不可亦不應輕易對法治失去信心。