過往專欄

 　　噚日先公布完首批嘅副局同政助名單，今日有幾位就正式返工喇！第一日返工當然要蒲一蒲頭、上一上鏡嘅，畀各位傳媒認識認識！所以今朝特首一講完嘢，教育局、發展局同埋勞福局就輪流出嚟打返個靚卡喇！

正所謂：「男女授受不親」，所以兩位見記者時冇搭膊頭合照。

蔡若蓮氣場勁 楊潤雄都企定定

　　今次教育局副局長蔡若蓮係最多爭議聲嗰個，教協嗰邊噚日一知道，即刻嘈到拆天。不過唔緊要，特首林鄭都知惡搞㗎喇，所以今朝「特別關照」蔡副局，見傳媒時都主動幫佢講盡好說話！林鄭嗰頭見完記者，蔡副局就同楊潤雄局長一齊現身，嘩！佢行出嚟見傳媒嘅時候，個氣場仲勁過行喺佢前面嘅楊局長呀！咁又係嘅，蔡女士話晒都做過校長吖嘛！慣咗帶住壓場感出席學校早會，相反楊局長政府出身，個樣又咁溫文，氣場係爭咗啲嘅。

一睇就知發展局呢三位係好「巴打」啦！

發展局三兄弟老友鬼鬼

　　緊接住就係發展局出場喇！局長黃偉綸一出到嚟就好開心咁搭住副局廖振新(CS)同埋政助馮英倫(Allen)嘅膊頭影相，笑到見牙唔見眼！仲勁興奮咁同大家講佢個局終於齊人，真係等到「望穿秋水」！後來Allen同Jenny講，原來局長一直好想有個暑假陪吓屋企人，而家終於有個副局幫手睇住個檔口，唔使走去麻煩隔離局嘅局長幫手署理，可以去旅行都去得安心喇！下個星期局長就會飛去渡假喇，係新任副局嘅第一個考驗。

　Casper今次好彩有羅局長幫你解圍咋，下次記得做功課喇！

勞福副局唔知最低工資？

　　大家睇上面張相佢哋係咪好Friend呢？唔講唔知大家記唔得記，噚日Jenny先提過勞福局新副局徐英偉(Casper)係民建聯底，而勞福局局長羅致光就係民主黨出身，嘩！呢次真係世紀合作喇！

　　而羅局長入咗政府之後都幾關照啲細噃，事關今日有記者就問徐副局知唔知而家最低工資係幾多，仲話「這是常識吧？」，殺徐副局一個措手不及，一時之間口啞啞，只能夠繼續背已準備好嘅講稿應對，而記者當然咬住唔放，結果就疊晒聲。Jenny都聽得幾辛苦，淨隱約聽到徐副局話會留意呀、落區呀、努力呀……，Jenny就緊係同一眾行家就企埋一邊食花生啦！羅局長見勢色不對，笑笑口咁同徐副局解圍，話徐副局都係返咗幾個鐘頭工啫，就算係佢自己都會一時間記唔起綜援個金額數字，仲反問返記者記唔記得小童嘅綜援基本金額係幾多。嗱！局長，最低工資幾多真係常識嚟㗎！同綜援基本金額不可同日而語噃！徐副局，下次見記者，記得做功課喇！

　　香港現時的法定最低工資為$40，大家或會覺得這個水平太低，趕不上通脹，又有些人覺得這是一個不錯的保障。原來香港的最低工資並非最低，有一個國家的每月最低淨收入只有68美元（即約532港元），連基本糧食需求也滿足不了！究竟哪個地方生活水平如此不如理想？香港在最低工資排行榜排列第幾？

最低工資排行榜｜尼日利亞每月不足$600！香港排列第39名！

　　優惠平台Picodi最近發佈一項全球最低工資排行榜，調查了67個國家及地區，分析了當中的最低工資變化、基本食品價格的上漲情況以及「生存籃子」的成本與最低工資的比較，並以每月淨收入排次序。結果發現的最低工資水平是最低，僅得68美元（約532港元），雖然已比去年同期增長83.3%，但當Picodi以牛奶、麵包、米等設計出足以一名成年人維生一個月的食物「生存籃子」並觀察當地物價，發現尼日利亞（Nigeria）食物物價佔最低工資116.5%，即是當地人若賺取最低人工並不足以購買維生食物，是唯一一個國家出現此情況！而第二及第三低是烏茲別克（Uzbekistan，約586港元）及印度（約774港元），烏茲別克的維生食物物價亦佔最低工資96.1%，幾乎難以負擔日常生活所需，而印度的情況較好，只佔58.5%。

（圖片來源：Envato）

　　香港的情況不至於這麼惡劣，在排行榜中排列第39位，最低工資淨收入有887美金，即約6936港元，比去年同期增長6.7%！香港人經常說「收入趕不上通脹」，但在港居住的「生存籃子」只需每月1801港元，物價比去年上升1%，佔今年1月最低工資中的26%，排名更高於馬來西亞（約2205港元）、印尼（約1439港元）、泰國（約1587港元）、菲律賓（約1220港元）。

（圖片來源：Picodi）

全球最低工資排行榜（每月淨收入最低Top 10）

1. 尼日利亞（約532港元）
2. 烏茲別克（約586港元）
3. 印度（約774港元）
4. 巴基斯坦（約891港元）
5. 亞美尼亞（約1063港元）
6. 烏克蘭、菲律賓（約1220港元）
7. 哈薩克共和國（約1251港元）
8. 越南（約1259港元）
9. 白俄羅斯（約1282港元）
10. 俄羅斯（約1408港元）

（圖片來源：Picodi）

5大國家生活水平最舒適！食物物價不足工資10%！

　　雖說香港的最低工資也可以支撐到維生食物的物價水平，但人人都想自己的人工可以帶來更舒適的生活，可以吃好住好，不用擔心「柴米油鹽」的問題。英國、愛爾蘭、荷蘭、盧森堡和紐西蘭5大國家的食品雜貨與最低工資的比例最低，介乎7.2%至8.6%，佔人工不足10%！

（圖片來源：Envato）

（圖片來源：Picodi）

　　而最低工資中最高水平的屬於盧森堡，有2459美元，即約19,228港元。緊隨其後的是荷蘭及澳洲，分別有2326美元（約18,188港元）及$2,150美元（約16,812港元）。

全球最低工資排行榜（每月淨收入最高Top 10）

1. 盧森堡（約19,228港元）
2. 荷蘭（約18,188港元）
3. 澳洲（約16,812港元）
4. 愛爾蘭（約15,795港元）
5. 紐西蘭（約15,459港元）
6. 英國（約15,146港元）
7. 德國（約13,520港元）
8. 加拿大（約12,769港元）
9. 美國（約12,660港元）
10. 比利時（約12,644港元）