過往專欄

　　今年特首林鄭月娥《施政報告》入面睇到唔少創科嘅政策，尤其係想培育年輕創科人才。近來Fintech都算係討論嘅熱話，咁啱數碼港就有個「數碼港.大學合作夥伴計劃」(CUPP)今日就輪到班學生去Pitch一班評判加未來投資者。創科局副局長鍾偉強，就話自己雖然係官，但其實都一樣學緊點樣去Pitch唔同嘅人！今次可以講真係「同行」喇！

城大嘅「Fund2Play」，成員包括：（左起）鄭志雄、陳泱澄、孫卓榮。

有得去史丹福大學上堂恨死人喇！

　　話說呢個計劃係想等班大學生試吓用科技創業，唔係齋Talk係堅畀Support！一行成59個同學仔今年仲有得去美國矽谷參加創業營，除咗去史丹福大學上堂外，話明今年FinTech做主題，梗喺唔少得去參觀Citi Innovation Labs、Nasdaq Entrepreneurial Center、ReadWrite Labs Networking Lunch、Wells Fargo Startup (Fintech) Accelerator。齋聽都羨慕死Jenny喇！點解小妹當年讀書冇呢啲計劃？（又可能有，但唔知。）

Pitch唔使驚 偉強喺大廳！

　　今日就係班學生嘅DemoDay，即係去Pitch一班評判加未來投資者，獲得青睞嗰10隊就會有10萬蚊種子基金同創業培訓機會。Jenny就覺得喺香港咩都貴，要創業10萬蚊真係唔夠使，與其10隊每隊10萬，不如揀5隊每隊20萬啦！好似開心啲噃！

　　今日都有出席嘅創科局副局長鍾偉強，話自己做咗副局長之後，因為《施政報告》提出咗唔少創科政策，都要周圍去同私人機構Sell橋，就好似啲學生咁樣，所以佢同學生一樣都係學緊點樣去Pitch。唔使驚，偉強喺大廳！

科大嘅「LEVERUS」，成員包括：（左起）周鉉淦、雷良祐、黃（羽弋）然。

區塊鏈融資平台　連投行都有興趣

　　Jenny同其中兩隊參賽者傾過，分別係來自科大嘅「LEVERUS」同埋來自城大嘅「Fund2Play」。佢哋都好有諗頭㗎！好似「LEVERUS」咁，佢地就係利用區塊鏈技術去做一個畀對沖基金融資嘅平台; 「Fund2Play」就會透過人工智能同聊天機器去幫保險公司賣旅遊保。其中「LEVERUS」已有銀行嘅投行部門對佢哋個平台表示有興趣！不得了！

　　同學仔仲大讚史丹福大學有一個好好創業環境添！咪住！即係香港嘅大學畀唔到呢個環境你哋?同學仔都好識做咁話，香港讀書係長時間，同去史丹福上密集式上堂係兩回事，唔可以就咁比較嘅！Jenny覺得呢班同學仔轉數都幾快，將來一定都有一番作為嘅！

　　金庸和古龍是上世紀兩大武俠小說作家，其作品不斷重覆翻拍成電影和電視劇，金庸先生寫的是江湖，貫穿在真真假假的歷史人物當中，而古龍說的是武林恩怨情仇，沒有記錄年代，瀟灑到一點歷史包袱也省得背上，江湖比武林複雜，因其包含武林以外的事項，但兩大高手文筆風格迴異，令人看得賞心悅目。

　　古龍先生以古代占士邦為題材的陸小鳳系列，而TVB在70年代拍的決戰前後更是令人記憶猶新，尤其是黃元申飾演的西門吹雪和鄭少秋破格做歹角的葉孤城在紫禁之巔一戰，筆者仍能津津樂道，很奇怪的是除了這幕之外，之前的故事很少人記得，原來這是第一次區塊鏈技術在此時發生。

　　兩大高手在皇上屋頂決戰，盲的花滿樓也想看，換了是今天也是一票難求，需求大便會有假票出現，為了杜絕假票便用了禁宮限量版的疋布做了五條緞帶成為入場門券，由於布疋手工精美和獨一無二，便令到緞帶難以複製，故成為劃時代的防偽標籤，陸小鳳便是第一位用了區塊鏈技術的人，很多別有用心或不懂而裝懂的人常常和加密貨幣混為一談，絕對是誤導群眾，加密貨幣只是用了區塊鏈技術其中一種產品而已。

　　區塊鏈就像鈔票中的防偽浮水印、或大閘蟹腳的防偽3D戒指一樣，只是用來區分辨真假貨品，舉例我有一家咖啡店，有一天有很多人到店裏展示電子優惠VIP 卡說可免費享用咖啡，我怎能區分真與假，就是要倚賴區塊鏈技術，因為它可以追溯到源頭是不是由我發出，中間經過甚麼人也通通知道，有些副本備案到不同人手裏，令到它不能作假而已，概念並不複雜，我們只要知道它有甚麼功能便可以，正如我們只需要知道怎樣分真假鈔票一樣，浮水印怎樣弄的技術就由專業人士負責，我們不需要為此操心，中國政府科技領先全球，正加大力度研究數字貨幣，便要利用區塊鏈技術去防數字偽鈔，令到使用者百分百安心，一出亂子便會影響國家金融體系，不得不嚴肅處理。