過往專欄

　　今日各大新聞媒體都引述消息話，律政司司長袁國強已經向特首林鄭月娥遞咗信，做到今年年尾就會唔Do，而接任人喺出面嘅資深大律師、人稱「公職女王」嘅鄭若驊。如果係堅嘅，咁就可以實現到林鄭上任時曾經高呼「想有多啲女性司局長」嘅願望喇！

早在林鄭公布新班子之時，已經傳袁司長唔會做足5年。

鄭若驊回心轉意肯入「熱廚房」

　　其實袁生辭職嘅消息成日滿天飛，不過就一直都冇明確嘅風講話搵邊個接任，Jenny記得聽過嘅人選有律政司法律政策專員黃惠沖、大律師公會主席林定國；去到近排又傳出消息，話鄭若驊回心轉意，肯入「熱廚房」喇！

　　點解話鄭若驊係「回心轉意」呢？據Jenny八返來嘅消息，事緣係喺林鄭當選之後，曾經一段時間因為組班嘅問題好頭痕，有幾個位都係冇人肯做，當然包括埋律政司司長一職喇。Jenny仲記得，當時有傳言仲講笑咁話，林鄭食咗太多檸檬，搞到胃酸過多先瞓得唔好，其中一粒檸檬就係鄭若驊請佢食架添！

睇嚟聖誕假後至有正式公布

　　林鄭一早就公開講對鄭若驊「非常欣賞和佩服」，明眼人一睇就知佢好恨搵鄭若驊入「熱廚房」，擴充佢嘅「娘子軍」啦！加上鄭若驊一向喺政治方面比較低調，相信都符合到律政司要中立嘅形象㗎。

　　不過，據悉當時鄭若驊就對呢個位冇咩興趣，結果都係由袁國強過渡去新政府，當時袁司長開出咗條件就講到明喺做完「一地兩檢」會走人㗎啦！果然，而家「一地兩檢」三步曲行到去第二步，袁司長辭職嘅消息就嘭嘭聲咁湧出嚟。Jenny今朝都即時問返律政司嗰邊，可惜發言人淨係覆咗句「我們不作評論」，睇嚟都要等司長係北京返嚟先至有正式公布喇！

「一世一生」這膚淺對白

　　正當傳言滿天嘅時候，咁啱港台今日都出咗篇林鄭專訪，問吓袁司長辭職嘅傳聞當言冇走雞，正當Jenny以為林太又係一貫地話「我係唔評論傳言」之類嘅時候，林鄭竟然答咗句「無人可以一生一世」，Timing真係夾到冇得再夾！唔通……林太呢排遇到啲咩傷心事？呢個Moment，Jenny睇嚟都要唱返句：「誰人又相信～一世一生這膚淺對白～」喇！

　　不論做人還是做事，我都不是一個會吃回頭草的人。不是說我不念舊情，或者做的每一個決定都是對的，我只不過是一個勇於面對現實、，以及自己過失的人。人，應該向前望、向前行，想當日自己做的每個決定，都是當刻最想做的；回頭再看，當然會看到自己的衝動，考慮得不夠周詳，所以經一事長一智，這些經歷就是經驗。這些經驗，令我們懂得以後做決定時應該如何考慮考量。

　　如果問我可不可以吃回頭草，我會反問為甚麼要吃回頭草？所以我幾時都話辭職，不是一時衝動的決定，而是一個深思熟慮的決定。經過深思熟慮、清楚知道為甚麼必須要走的話，無論轉工後遇到甚麼困難難關，都會想辦法面對克服，而不是心思思想吃回頭草。

　　最近有讀者來函，之前的工作因為壓力太大，導致精神出現問題，年初辭職了。最近幾個月一直都見舊公司同一職位的招聘廣告，思前想後想再次申請，認為會有發展機會，問我這樣做好嗎？

　　離職之後再申請入職，當然可以。因為沒有公司可以拒絕任何人申請，只不過會不會有機會，就很視乎當日離職時，是否做到好來好去、日後好相見。還有公司文化、人事部的慣常處理，當然還有和老闆上司同事下屬之間的關係如何。不過要想清楚的是，當日為甚麼決定走？當日令自己決定走的，不管是人、事還是環境企業文化，今日依然冇變的話，即使能吃回頭草，又能吃得了多久？

　　最重要的是，這位讀者因為承受不了工作壓力才辭職，可有想過想吃的回頭草是壓垮自己的稻草？知道自己根本吃不下，就應該放下。好好收拾心情，想一想甚麼類型的工作適合自己才是正路。

　　轉工大忌，是拿新舊兩份工作做比較。除了根本沒有可比較性，如果舊工作那麼好，為甚麼要辭職？新工作就是新挑戰，需要專注投入，盡快適應，建立創造自己的存在價值。

　　總是想著走回頭路，就永遠走不出新路。工作只是人生的一部份，但就影響了人生的大部份，所以沒甚麼比找一份適合自己做的工作更重要。