過往專欄

　　噚日Jenny先同大家八完今年民建聯嘅年度漢字係個「貴」字，反映市民覺得百物騰貴嘅心聲。不過去到下個星期一就踏入新一年，又有唔少嘢都要加價喇！Jenny今日就同大家細數有啲乜係即將加價啦！準備好銀包未？

咩都加，係人工仲未有得加......(設計圖片)

兩電齊加1.9%

　　第一個就係大家都會用到嘅電費，而且今次係港九新界都冇得避！皆因中電同港燈將會喺元旦起一齊加價1.9%。加價之後，中電淨電費由113.2仙，加到去115.4仙；港燈就由110.4仙加到112.5仙。經過咗兩年減電費嘅「蜜月期」，睇到佢下年要加返價，Jenny都感覺到淡淡的哀傷，聽講港燈本身仲話想加雙位數添！不過呢個諗頭一出就過唔到林鄭嗰關，仲被窒：「點解中電做到（加單位數），港燈唔得？」所以先向中電睇齊，加1.9%咁大把！

郵費個七加到兩蚊

　　第二個就係郵費啦！郵政署話，由元旦日起，30克或以下的本地信件郵費由1.7元調整至2元；平郵郵件20克或以下寄往中國內地、澳門和台灣的信件郵費由2.2元調整至2.6元，而寄往其他地區的郵費由2.8至3.7元調整至3.2至4.8元；空郵郵件20克或以下寄往中國內地和台灣的信件之郵費由2.9元調整至3.4元，而寄往其他地區的郵費由2.9至3.8元調整至3.7至5元。

　　其實郵局對上一次加價已經係2013年嘅事，再加上而家加咗都只係兩蚊，就有專人（郵差叔叔）服務，Jenny覺得都幾合理嘅！不過Jenny在此要提提之後要參加補選嘅朋友，寄宣傳單張就要記得貼夠兩蚊郵票，等郵差叔叔送信純熟迅速送出喇！如果郵資不足又冇回郵地址，封信就會被銷毀，到時小妹就算識法術都幫你唔到喇！

泊車位未加先加泊車費

　　第三個係泊車費，房委會轄下151個停車場、3萬個車位，同埋港鐵商場停車場都會加價。房委會轄下嘅私家車泊車位時租加1蚊，日泊就加5蚊，輕型貨車就加2蚊。而月租停車場就會加6%租，露天泊車位同有蓋車位月租都係加6%左右。仲有港鐵商場啲停車場，時租都一樣要加1至6蚊。不過啲議員成日同小妹呻個個區嘅泊車位都唔夠，就算加價，睇嚟啲車主都係要焗食㗎啦！

海洋公園︰加9.6%

　　除咗「老鼠公園」迪士尼喺今個月加咗價之外，香港另一個主題樂園──海洋公園都喺元旦加價喇！成人日間飛將會由438蚊加到去480蚊，小童飛就加到240蚊，加幅係9.6%。不過據Jenny所知，香港居民直到2月28日都仲可以用原價買飛，想去嘅朋友就要趁早啦！ 

私院生仔都要加

　　而家生存已經好「貴」，連生仔都唔平㗎！兩間私家醫院話將於下年加價，以養和為例，除咗私家房外，普通房同半私家房嘅分娩套餐收費都會加價，當中加幅最大係普通房，3日2夜自然分娩套餐將由現時19,200蚊，加到2萬2300蚊；而5日4夜剖腹分娩套餐都加到2萬8800蚊，仲有附加服務費都要加添！而荃灣港安都有新收費，1人房由2萬8800蚊加到3萬2500蚊，而剖腹分娩計劃1人房、優質私家房、尊貴私家房分別要加差唔多10%至16%！Jenny成日聽到人哋話養一個小朋友要400萬，嚟緊元旦之後，如果想去私家醫院生仔嘅話，都至少要擺低兩、三萬嚕！

　　眾人皆知，香港醫療制度為人詬病，公立醫院人手不足，醫療事故頻生，有時急病看醫生，輪候時間起碼5至6小時，也許只是港人移民的其中一個誘因，畢竟生命誠可貴。究竟外國的醫療制度是否比香港更完善？移民英國後才發現，所謂醫療制度完善只是一個都市傳說，睇醫生難過登天，還是好好照顧自己身體，學定急救，起碼出事時可自保。

英國醫療福利好？經費不足NHS瀕崩潰

　　在大家的認知裡，英國醫療制度完善，居民及公民可使用當地的國民醫療服務（National Health Service, NHS），家庭醫生、急症、住院甚至大病如癌症治療、生育都是免費的，NHS亦為合資格人士提供免費檢查，如為18歲以下的國民提供免費的牙齒保健服務；為25歲或以上女士提供免費的定期子宮頸檢查；為年滿55歲的國民提供免費的大腸鏡檢查等，是吸引很多人移居至當地的一個重要因素。

　　申請BNO簽證人士在獲批簽證及繳交移民保健附加費（Immigration Health Surcharge, IHS）後，亦與英國公民一樣，可直接使用NHS，例如家庭醫生/全科醫生（General Practitioner, GP）、醫院和產科服務，現時IHS收費為每年624鎊。其實對比其他醫療保險，交5年IHS就可享有與英國公民同等的醫療福利，相當抵玩。不過天下沒有免費的午餐，醫療福利的背後，需要龐大的經費支撐，近年英國庫房赤字令NHS的營運面臨崩潰。

初級醫生工作超過12小時，時薪僅14鎊

　　NHS的營運面臨崩潰，其中一個主因是醫護薪酬過低，出現人手流失。英國醫學會（BMA）表示，初級醫生每天工作超過12小時，時薪只是略高於14鎊，與連鎖快餐店收銀員及部份咖啡店高級員工相近。英國一個護士組織亦表示，資深前線護士的薪金加幅完全跟不上通脹，去年的數據顯示，他們的實際年薪平均較10年前低6,000鎊。為了增加薪酬，自2022年中開始，不同階層的醫護開始罷工。根據BBC報道，在4月中旬，約有超過8.6萬名初級醫生罷工96小時，估計約有25萬至35萬次的預約診症和手術需要取消，嚴重影響NHS運作。

家庭醫生難預約，「睇急症」要等4個鐘

　　英國醫療制度還有不少問題，例如看專科必須由家庭醫生專介，但家庭醫生相當難預約，有點像香港排隊拎籌，要在診所剛開門時打電話「搶籌」，排除萬難才能得到見醫生得機會。若遇上意外需要「睇急症」，在英國亦有處理同樣問題的急診意外部門（Accident and Emergency Department，A&E），病患人士不需要預約都可以應診，結果造成「大擠塞」。根據英國獨立研究智庫QualityWatch分析及NHS數據，有接近五成人需要在急症室等候4小時以上才能看診，如獲安排住院，有三成病人都要再多等4小時以上才能入院。

英國睇私家醫生有幾貴？

　　若不想漫長的等待，到私家診所是一條捷徑，亦有機會得到較好的醫療服務。不過，診金卻不是人人負擔得起。一般來說，普通科門診醫生（Private General Practitioner）一次收費大約700鎊，專科醫生（Specialist）收費則需200鎊以上。據了解，英國只有8%人會使用私家醫院服務。所以對新移民來說，好好照顧自己，保持身心健康才是王道。