過往專欄

　　今日情人節，Jenny一大朝早就畀不同嘅放閃post 洗板，當中最叫人「眼冤」嘅，斷估都係李偲嫣同佢未婚夫鋮浚哥嘅情人節專題報道….小妹今早成個facebook都係佢哋兩位你儂我儂嘅合照….只能講句：好勵志！

可以攞正牌放閃，偲嫣BB點會放過呢個機會！（李偲嫣fb截圖）

心臟夠強大 可上偲嫣fb

　　正義聯盟主席李偲嫣專上學院管理層的謝鋮浚嘅愛情故事大家未必好想知，不過由於偲嫣BB言行實在太出位，所以兩人情事難免會被擺上檯。接受咗專訪，可以攞正牌放閃，偲嫣BB點會放過呢個機會！仲響自己fb share 埋個專訪，再加一大段愛的宣言，小妹唔在此引述喇！大家有興趣心臟又夠強大，就去佢fb睇睇啦！

　　家下佢哋就定咗5月5日「拉埋天窗」，仲話婚禮當日立法會議員梁美芬一定會到。雖然未正式成婚，但偲嫣BB已經一早印定有佢同未婚夫嘜頭嘅利是封，準備大派親友…..使唔使咁趕呀?

網民食花生 封剪片做「勇者」

　　不過，有別於其他人公布婚訊時會得到來自各方嘅祝福，網民似乎就當趣聞睇，唔太睇好呢一對喇！有人仲封咗負責拍攝、剪片同寫稿嘅幾位行家做「勇者」添！其實Jenny都覺得佢哋好勇敢啊！

　　偲嫣BB講到明唔會淡出政壇，所以廣大網民唔需要擔心日後冇花生食，至於大家係咪咁想佢活躍於幕前，就唔知喇……

　　Anyway，見到偲嫣BB嘅愛情故事，確係令人覺得「生命滿希望」。Jenny在此祝各位讀者，有情人終成眷屬，冇情人早日脫毒！恭喜！恭喜！

　　視后李佳芯（Ali）向來是網民心目中人美心善的女神，不過女神至今仍然單身，唔少觀眾都開始戥Ali著急。Ali趁著「Chubby Hearts Hong Kong」活動，特意趕往跟紅心影相打卡，期間女神透露原來一直有人追，情人節更有收花，對於一眾追求者可有機會，Ali忍不住露口風…

　　Ali平日不太喜歡人多擠逼的地方，但趁著「Chubby Hearts Hong Kong」活動的最後兩日，她特地前來皇后像廣場的飄浮紅心所在地打卡追趕熱潮。她說：「今次好開心可以同Chubby Hearts打卡，希望日後都多啲舉辦呢類時尚設計藝術融和嘅打卡點，等我哋多啲機會去下戶外，感受熱烈開心氣氛，係一件賞心樂事！」Ali在現場巧遇小丸子和花輪同學追心，她曾在《好聲好戲》節目神還原小丸子而備受讚賞，她開心說：「佢哋係我細個最愛嘅漫畫人物！當然捉緊機會，同佢哋仲有兩個Chubby Hearts合照啦！」

　　訪問期間，Ali見到很多熱烈追心的市民，更有人送上用銀紙摺成心型的利是以表祝福，她希望今年工作順利、心想事成！久未有劇集新作的Ali，即將跟譚俊彥合作，開拍跟打麻將有關的新劇，她憶述說：「細個嗰陣，婆婆同媽咪每個星期都打麻將，所以好細個已經接觸呢樣興趣。我自己識打廣東牌，但唔識計番，所以同枱一定要有人識計番，仲要識摸位打骰，而其他十三幺、清一色等食糊規條，都唔會難到我！」她續說：「今年新年去朋友家拜年，都有圍埋一齊打麻將。雖然只打咗一次，但已經發咗新年財，係一個好兆頭嘅開始！」

　　不少人關心Ali的感情狀況，問到剛過去的情人節有收禮物嗎？她說：「有收花、朱古力同小禮物，我都習慣喺節日互送禮物畀朋友，所以情人節都會收到佢哋禮物，係一個表達心意嘅方式。」 另外，早前元宵佳節，Ali透露未有人相約，應該需要預備新劇工作，希望晚上有機會食湯圓應節一下。

　　問到現在有男士暗示或明示喜歡她嗎？Ali笑說：「我唔會話自己冇人追求，但依家都冇話好熱烈嗰種，或者覺得好好相處、可以發展嘅人。」看來追求者要加把勁。