過往專欄

　　嚟緊18號就係四年一度嘅亞運會喇！係咁多個體育項目入邊，Jenny重點留意嘅項目一定有劍擊份！事關呢項運動要優雅有優雅、要刺激有刺激，最重要嘅係，唔少劍擊嘅運動員都係靚仔靚女嚟嘅！齋係呢樣都夠晒養眼，值得關注啦！

香港劍擊亞運代表隊共有24人，總教練話希望可以有得「穿金戴銀」。

俊男美女輪流出場 林鄭都like

　　唔止Jenny like劍擊啊，特首林鄭上年去探訪全運會選手村嗰陣，都專登見下劍擊隊，仲讚香港劍擊運動近年發展得非常好，尤其係劍擊運動已進入校園，希望運動員繼續努力。

　　所以今日Jenny就去咗香港體育學院，八吓我哋港隊劍擊運動員嘅備戰情況！Jenny就最期待睇男子花劍項目，皆因呢個項目今屆港隊代表入面有「少年劍神」之稱嘅張家朗，同埋有「劍擊花美男」之稱崔浩然！淨睇佢哋兩位「小鮮肉」出場，相信唔少女讀者都會心心眼喇！

「劍擊花美男」之稱崔浩然，係咪靚仔先?

江旻憓諗起落敗淚灑當場

　　劍擊隊總教練鄭兆康就同Jenny講，上屆佢哋嘅成績係八面銅牌，希望今屆可以多返啲顏色咁話喎！佢仲話，今屆最有競爭性應該係男子花劍個人和女子重劍個人嘅比賽。

　　女子重劍方面，個人賽有佘繕妡同埋江旻憓做代表，鄭教練都好睇好佢哋兩個㗎！其中江旻憓（Vivian）6月嗰陣就係亞錦賽奪金，但係一個月後嘅世錦賽就輸咗。Vivian今日講起呢件事，都忍唔住好自責咁喊咗出嚟，仲覺得自己今日嘅訓練做得唔夠好，但係佢哋教練Tavi都冇鬧佢，仲話「有時都想佢多啲鬧我！」講完自己都破涕而笑添！

Vivian講講下淚灑當場。

　　鄭教練就勸勉Vivian，比賽就係唔係贏就係輸，經常都會有升有跌，好似今次6月上咗高峰，7月跌咗落嚟，嚟緊8月或者可以再上高峰！只要學識點樣面對失敗，同埋盡早調節心情就得喇！Jenny非常認同呀!

教練最怕食錯嘢 張家朗話唔驚喎！

　　今次印尼搞嘅亞運，聽講都出現唔少蝦碌事件，好似男足抽籤變鬧劇、選手村係歷屆最細等等……都幾令人擔心。鄭教練話最緊張嘅都係飲食同埋衛生問題，因為運動員嘅飲食好重要，希望大家到時唔好亂食嘢搞到肚痾喎！張家朗反而唔擔心，話相信選手村啲嘢食應該唔會有問題，大家留喺嗰度食就唔怕啦！

　　香港劍擊隊今個星期日（5號）會去廣州進行最後一次嘅賽前訓練，跟住就會飛去雅加達參賽啦！Jenny真係好期待各位靚仔靚女嘅表現，今次港隊會唔會真係如鄭教練所言，攞多幾面唔同顏色嘅獎牌呢？

　　最新一份《世界幸福報告》（World Happiness Report）出爐！芬蘭連續 7 年蟬聯最快樂國家，同屬北歐的丹麥、冰島也緊接其後，高居三甲位置。香港則連跌 3 年，排名更遠低於菲律賓、越南、中國內地及印尼等亞洲地區。即睇世界幸福報告詳情。

　　聯合國自 2012 年起公布《世界幸福報告》，由牛津大學領導的全球團隊分析 143 個國家及地區的受訪民眾對生活滿意度、人均國內生產總值（GDP）、社會支持度、健康預期壽命、自由度、慷慨程度以及貪腐程度等。結果顯示，打入 10 強的國家排名與疫情前大致相約，芬蘭以平均 7.7 分連續 7 年蟬聯榜首，其次依次是丹麥、冰島、瑞典、以色列、荷蘭、挪威、盧森堡、瑞士及澳洲。值得一提，排第 10 位的澳洲今年才晉升至 Top 10 位置。至於黎巴嫩、阿富汗僅得平均 2.7 分及 1.7 分墊底。

（圖片來源︰unsplash）

　　單計亞洲國家及地區的話，新加坡以 6.52 分排第 30 位，人均 GDP 表現極佳，國內貪腐程度更低於丹麥、挪威，於亞洲排名最高；台灣亦以 6.5 分排名第 31 位；日本、南韓、菲律賓分別排名第 51、52 及 53 位。要知道，菲律賓去年排在第 76 名，今年幸福指數突飛猛進。至於中國就由去年的第 64 位上升至第 60 位；印尼亦以 5.568 分排第 80 位。不過香港卻比去年下跌 4 位，以 5.31 分列第 86 位，連續 3 年下跌，僅較尼泊爾、老撾、烏克蘭為佳。

（圖片來源︰unsplash）

《世界幸福報告》頭 10 位名單

第1位︰芬蘭（7.741 分）

第2位︰丹麥（7.583 分）

第3位︰冰島（7.525 分）

第4位︰瑞典（7.344 分）

第5位︰以色列（7.341 分）

第6位︰荷蘭（7.319 分）

第7位︰挪威（7.302 分）

第8位︰盧森堡（7.122 分）

第9位︰瑞士（7.060 分）

第10位︰澳洲（7.057 分）

完整排名︰https://worldhappiness.report/ed/2024/happiness-of-the-younger-the-older-and-those-in-between/#ranking-of-happiness-2021-2023