過往專欄

　　九龍西補選剩返3個月，民主派嗰邊，原議席擁有人劉小麗就繼續孖住李卓人落區跟議題；而建制派竟然有別於以前，到而家都未公布今次補選嘅「真命天子／女」係邊個！

　　不過建制派嘅心思點會咁簡單，之前出現過話有意選、疑似會選、被人推出嚟選，閒閒地都有幾個名，但係經過前食衛局局長高永文（高醫生）話唔GO、自由黨李梓敬話唔選，淨返經民聯梁文廣，同埋「繼承」高醫生嘅陳凱欣（阿欣）。

「健康大使」風頭無兩 殯儀館後掛Banner

　　梁文廣之前一直都話建制未有最終協調結果，阿欣就淨係話「諗緊諗緊」，不過心水清嘅九龍西街坊，相信都會見到阿欣呢排曝光率急升，皆因做咗「健康大使」，周街都掛滿大大小小嘅大頭Banner，仲開咗個新Facebook Page日日更新添！

　　而梁生上一個Facebook Post都已經係13號，疑似係讓路畀阿欣咁噃！話口未完，又有網民發現阿欣個大頭Banner喇！仲要係巨型版，掛咗喺一座好高嘅大廈外牆，相信成公里外都會見到！其實Jenny同好多行家都係等了又等，只不過係等阿欣開金口講一句：「我參選喇」啫！不過見阿欣咁多搞作，都同真係宣布咗差唔多嚕，咁又有個問題喇！一旦宣布參選，競選經費又計唔計埋而家呢啲呢？

小麗呻無錢 望Poster獲街坊借位放

　　至於小麗嗰邊自然係冇咁多資源，Jenny就見小麗個小編噚晚就出咗個Post，話「今日大家都睇到保皇派有幾多錢！在紅磡世界殯儀館後面，出現了一幅高牆。我哋唔夠保皇派咁多錢，所以要抗高牆，就要更多小市民集氣。」網上呼籲希望大家可借出小小嘅宣傳位畀佢哋貼Poster喎！以密食當三番嘅戰略，可唔可以撼動到建制派強勁嘅資源呢？睇嚟要3個月後先知喇！但係Jenny睇住呢兩位女士喺唔同途徑互片，突然就諗起一句歌詞：「女人何苦為難女人！」不過，現實終歸現實，唔互片就冇選舉氣氛啦！

　　【晴報專訊】一代歌后李玟（CoCo，原名李美林）上月5日於瑪麗醫院離世，終年48歲，家屬昨日為CoCo假香港殯儀館設靈，現場有過百中港台傳媒守候，大批CoCo歌迷在炎熱天氣下，於殯儀館外排隊數小時，只為等候入場送別偶像。

靈堂布滿鮮花，橫匾寫上「永遠懷念一代歌后李玟」。

　　李玟大姐李秋林、姐夫及二姐李思林昨日先到殯儀館打點，惟未見CoCo母親。李思林為CoCo歌迷開放公祭時段外，亦安排網上直播追思會，大會播放多位藝人的悼念片段，包括劉德華、成龍、張學友及鄧紫棋等。只見靈堂布滿鮮花，中央擺放CoCo笑容滿臉的遺照，靈柩前擺放CoCo母親及姐姐送上的心形花牌。CoCo摯親坐在家屬席，而CoCo丈夫Bruce及兩名繼女亦出席，但被安排坐第二行。

CoCo陽光般的溫暖笑容，永遠留在歌迷心裏。

Bruce與兩名女兒現身。（網上截圖）

歌迷拉橫額向偶像道別

　　CoCo的前輩甄妮及好友蕭亞軒（Elva）在追思會上致辭，甄妮哽咽道：「（本來）今晚（昨晚）我同佢約咗食飯，就係依家，我好唔鍾意佢用呢個方式同我見面，我好嬲，我唔歡喜，佢令我好心痛。」她並以普通話說：「7月5日是我女兒（Melody）的生日，她（CoCo）選擇這一天離開我們，她跟我開了很大的玩笑…以後每一年的這一天，我是要做生日還是要做忌日？」而Elva淚流滿面指自己情緒低落時，CoCo一直安慰她：「她跟我說不管怎麼樣，就當她是大姐姐，她會保護我。」另外，追思會至尾聲時，靈堂上突然有女聲爆喊道：「佢害死我個妹！」隨後現場收音一度中斷。

甄妮帶女兒Melody到場。

李思林強忍悲傷致辭。（網上截圖）

蕭亞軒激動痛哭。（網上截圖）

　　除了甄妮及Elva，韓紅、李克勤、杜德偉夫婦及曾比特等到場送別，而張惠妹、莫文蔚、許志安及鄭秀文等大批藝人亦致送花牌。而昨晚六時起為歌迷拜祭的公開時段，下午二時已見歌迷在附近公園排隊等候，有人舉起橫額及旗幟向偶像道別。

CoCo母親及胞姊送上心形花牌。

歌迷在殯儀館外的公園等候送別偶像。