過往專欄

　　有史以來襲港最強風暴「山竹」終於走咗啦！不過被「山竹」蹂躪完嘅香港就慘喇！周圍都「此路不通」水浸、冧樹、跌招牌、爆玻璃舉目皆是。教育局噚日下午就快快手宣布咗停課，睇見「山竹」威力如斯強勁，Jenny有唔少住新界嘅朋友直頭停水停電，小妹不禁暗暗希望林鄭可以「先打工仔之憂而憂」，「一錘定音」叫埋停工。

呢張改圖真係刺中一眾打工仔要害!(網上圖片)

林鄭fb群情洶湧求宣布停工

　　可惜，結果係冇嘅！最後林鄭都只係10點幾喺Facebook到叫大家「保持警覺，唔好咁快鬆懈」；今朝政府新聞處仲叫大家「預留足夠時間出行」。所以今日Jenny同一眾打工仔一樣，喺冇巴士、行人路被冧樹封死、半條東鐵線壞咗嘅情況下，都係要繼續返工嘅！Thats why林鄭fb群情洶湧到呢……

　　經過「山竹」半日嘅摧殘，Jenny返到公司，幾乎個個同事都話屋苑嘅樹冧咗一半，大家返工變咗好似行山咁款，仲時時刻刻都好驚又冧一棵壓中自己！特首叫大家「唔好鬆懈」，可惜要返工嘅「工蟻」們又邊有得揀呢？人人只好化身「孖寶兄弟」，玩住障礙賽咁「浩浩蕩蕩」上班去。

全港打工仔 血汗「大遷徙」

　　有位住東鐵沿線嘅姐妹同Jenny呻，因為今日大圍站一邊月台供電系統故障，東鐵線只能夠單邊行車，仲要十分鐘先有一班，即係等成廿分鐘先有架啱佢嘅車，近千個打工仔就係咁樣逼爆大圍站，結果佢就喺大圍站焗咗4個鐘頭「桑拿」先返到公司，妝都溶晒吖，慘慘豬！有個住粉嶺嘅，仲專程北上從皇崗口岸轉巴士到深圳灣口岸，再轉搭西鐵出九龍返工。

　　Jenny返工沿途都見到地面有好多玻璃碎、樹枝等，如果一大風起上嚟都真係不堪設想！諗到呢樣，小妹都要搵返個口罩護一護個靚樣先！行行下仲聽到有行人話：「一跌低就真係『跪玻璃』啦！」呢句說話簡直係笑中有淚……反觀同香港一河之隔嘅深圳、澳門同遭「山竹」蹂躪，交通、基建同樣受損，但係人哋噚日早就講明都停工停課，而香港就只得停課咁大把，政府之前又話要緊貼大灣區嘅？特首可以「特事特辦」就好喇！

　　未知大家有否聽過這句「自己的牙痛，要比別國的統治者殺死百萬人民來得重要」，此話有點涼薄，但好現實，因為自身感覺永遠是最強烈的。

　　情況就好似打風，大家都有身處其中的經驗。若問，香港有記錄以來最強颱風是哪一個？找找資料，可能是1962年颱風「溫黛」，因為它釀成183人死、388人傷、108人失蹤。今時今日，颱風不常死人，1962年，好多人都未出世，對颱風「溫黛」未必有太多「代入感」。

　　所以你問我，最強颱風是哪個？我覺得一定是「山竹」，因為我身處其中，親歷其境，颱風翌日那滿目瘡痍的情境，一眾打工仔攀山涉水去上班的畫面仍歷歷在目。

　　尤其，身處颱風中的那天，感受更加強烈。「山竹」來襲時，若你在低窪地區，怕水浸。若你在當風位，會怕爆玻璃窗。每時每刻聽著狂風暴雨的聲音，看著各區的破壞情況，等「落波」的時間特別難過。

　　事件過去了之後，再難過的處境，最後也只會變成一些數字。「山竹」在香港零死亡，翌日一眾打工仔於全城交通癱瘓之下如常上班，這記錄在歷史之中。別國統治者殺死百萬人民，也是一個歷史上的數字。牙痛，記錄了脫下多少顆牙，付了多少牙醫費用。多年後，看見這些數字，與當時身處其中是兩碼子事。

　　香港近期社會事件持續四個多月，好多人問我如何處理投資事宜，骨子裏都擔心香港前途問題。實不相瞞，小弟也只是一名小小市民，也害怕，也迷茫，不知前路如何，不知香港能否過到此關。

　　近月大家有如身處颱風中央，時間特別難捱，前景亦迷糊，唯有看看歷史，看看香港以前有何危機、背景如何、結果如何？

　　看資料，原來香港自60年代至今，經歷不少大大小小的危機，政治、經濟的有，群眾運動的也有，英國統治、中國統治時都有出現，而且程度亦不下於今次。

　　當然，有些事件小弟還未出世，或者還未入世，感受不會太深。這些歷史事件都變成了一堆數字，只能從數字與新聞形容去評估當時情況，但單是這樣，也感到當時應該頗大件事。

　　之後我得出一些頗心安的想法，即使再亂，都有完的一天，即使改朝換代、主權移交，香港依舊愈來愈好，希望今次也不例外。早前看完資料，錄製了一條youtube影片(見連結)，有興趣不妨看看。

　　總結，當太過迷茫時，不妨多看歷史作比較，尤其作個人投資部署之時，身處風暴之中，好容易把感受倍大了而作錯決定。最後想到兩句話「旁觀者清 當局者迷」、「年關難過年年過」，天佑香港。

相關連結：