過往專欄

　　大家有冇興趣去廉署飲返杯咖啡呢？唔好誤會，雖然Jenny返工係返廉署……附近，但都唔係咁想入廉署飲咖啡，不過！今次係廉署開放日吖！大家入咗去都可以好似CY咁平安出返嚟㗎！

走前特首都走過的路

　　今日廉署先發新聞稿，話為紀念ICAC成立45周年，將於下年2月及3月連續兩個周末，向公眾開放多項設施，畀大家親身了解香港嘅反貪歷史，同埋最新嘅肅貪倡廉工作。

　　開放日就會喺北角渣華道303號廉署大樓舉行，開放時間為2月23日（星期六）09:00至18:00、2月24日（星期日）09:00至17:00，仲有3月3日（星期日）09:00至17:00。有飛嘅市民就可以導賞形式參觀多項廉署設施，包括睇下首次開放予公眾嘅扣留中心、廉署展覽廳、模擬錄影會面室、列隊認人室、槍械設備同攤位遊戲等。每場導賞團大約係1個鐘零9個字左右啦！

開放日唔係年年有 5300張要靠抽

　　廉署唔係年年都有開放日㗎！對上一次已經係上年嘅6月中嘅事嚕，所以有興趣嘅你就記得要喺今個月28日之前申請拎入場券呀！因為得5300張㗎咋！如果申請數目超過限額，就會用電腦抽籤。2017年嗰次都已經有成萬六人報名，上次抽唔到嘅朋友，今次再試下運氣啦！

　　至於想飲遠近馳名嘅廉署咖啡要點做？Jenny記得上年收費係一杯$10.5，並唔係免費㗎！不過正所謂：「免費的最貴」，當你有得飲免費廉記咖啡，即係代表你已經被人拉咗or協助調查中啦！Jenny梗係希望大家奉公守法，做個廉潔香港人喇！咖啡都係自己畀錢買好！

　　近幾任的天文台台長即使卸任也周不時解答天氣資訊，而且天文台專頁經常用動畫、相片解答一些冷知識，既生鬼又可以令人長知識！如果你平時也緊貼天文台資訊，一定不能錯過天文台開放日！活動當日更可以參觀天文台總部，了解運作日常！事不宜遲，即睇開放日詳情！

天文台開放日2024 ︳連續開放2日、最多可獲4張門票！

　　天文台於3月23至24日（星期六及日）舉行開放日，是次活動會採用今年世界氣象日的「走在氣候行動最前線」主題，透過展覽介紹天文台如何應用嶄新科技提供各項服務，包括天氣預報、航空氣象、微氣候監測及輻射監測，讓大家更關注及了解氣候變化。除了詳細地解答天文資訊，大家還可以參觀天文台總部看看他們的工作日常！

　　自問是天文狂迷的話，一定不能錯過，有興趣的話可以在3月1日中午12時之前上網登記，如果報名人數超出限額，就會以電腦抽籤，中籤者將於3月12日或之前經電郵收到二維碼入場券，最多可獲得4張門票，快點約實親朋好友一同參觀長知識！

（圖片來源：古物古蹟辦事處）

（圖片來源：香港天文台HKO Facebook）

天文台開放日

活動日期：3月23及24日（星期六及日）

時間：上午9時半至下午5時（每節參觀時間約1小時）

地點：九龍彌敦道134A號香港天文台總部

登記門票詳情

登記日期：即日起至3月1日中午12時前

登記方法：於網站申請入場券，如報名人數超出限額，將以電腦抽籤形式處理。成功獲取入場券人士會於3月12日或之前經電郵收到二維碼入場券。入場人士必須持有有效入場券，方可參觀。

登記網址請按此