過往專欄

　　政府想急推《逃犯條例》修訂，不過世事又豈會盡如人意呢？今次真係「一波三折」！以為趁泛民甩轆，極速成立法案委員會，再咋咋臨開第一次會就一定趕得切7月休會前過？真係唔好太一廂情願！泛民講明全力接招，又點會令你好過！話說今日法案委員會第一次，又鬧出風波，開咗兩個幾鐘頭會，都選唔到正、副主席，真係「出師不利」呀！

難得有機主持大局 唔係唔「拉布」呀？

　　修訂《逃犯條例》法案委員會咁趕急，左攝右攝，攝咗喺今朝8點45分召開。第一項議程就係選出法案委員會嘅正、副主席。按照議事規則，喺選出正、副主席之前，就由最資深議員主持會議，數數手指，委員會入面，最老資格就係民主黨涂謹申（阿涂），所以呢個重任當然就落在阿涂身上喇！

　　一開波，阿涂先讀出62名議員嘅名，要主持咁多人關注嘅會、讀咁多個人名，竟然畀議會陣線區諾軒提出規程問題，話阿涂讀錯咗民建聯張國鈞個名！而自由黨張宇人就質疑有議員拉布，仲話要睇返Play Back！

郭偉强小學雞上身 鬧阿涂「唔好扮垃圾」

　　轉頭議會陣線毛孟靜又不滿會議安排太倉卒，想傾咗先繼續選主席，但建制派多名議員就質疑涂謹申是否有權處理呢件事。工聯會郭偉强仲唔知點解「小學雞」上身，叫資深議員兼會議主持阿涂「唔好扮垃圾」，又唔肯收回言論；咁阿涂只好請郭偉强離開會議廳，令郭偉强成為立法會史上第一個被叫離會議廳嘅建制派議員。

　　謝偉俊（阿Paul）同Jenny講笑咁講，郭偉强今日獻出咗「第一次」，要封返封利是畀佢！而呢個第一次亦驚動咗一班建制派議員，紛紛出嚟指責阿涂同泛民拉布！仲話會諮詢法律意見，同要求修改議事規則，唔再由最資深議員擔任會議主持，而係靠議員互選產生喎！

　　嗱！Jenny睇返議員資歷排名，資深議員除咗阿涂，同埋唔鍾意開會嘅白頭忠之外，跟數落去嗰10個有9個都係建制派嘅議員，如果真係要互選，唔知會唔會協調得仲耐呢？

阿Paul話仲有絕殺 但會一拍兩散？

　　做會議主持甚艱難，今次被建制派鬧到飛天嘅阿涂事後就同Jenny講，佢已經係按議事規則公正主持會議，經得起任何法律挑戰！而立法會法律顧問都同Jenny證實咗阿涂是次主持會議係按議規。

　　阿涂又話一知道自己有機會做會議主持，就即刻暫停出席民主派同其他組織嘅會議，私下亦唔會談論呢件事，話各位睇到開會經過嘅人，相信都會睇得出佢係公正主持會議咁話！

　　咁對家又點睇呢？阿Paul就同Jenny講，今次建制就「硬食」㗎喇！但係咪冇方法解決？咁又唔係噃！阿Paul話仲有一招絕技可以出，但就會一拍兩散？究竟係咩呢？阿Paul就封實把口，話秘密武器唔可以公開。Jenny真係好想知啊！

　　有一單新聞，不起眼卻被刻意煲大，卻又煲不起來。

　　話說這新聞標題是《政府員工查詢宣誓細節被炒》，十分嚇人。一個政府員工，只是查詢一下宣誓細節，就被炒掉了，這是個甚麼樣的世界！

　　際此敏感之時，給人一種政府咄咄迫人的架勢，令人不安。但現實究竟是甚麼一回事呢？

(iStock)

　　這位聲稱在政府任職的公務員，投訴在6月初被通知3周內須簽署宣誓聲明，在限期前一天她去信所屬部門查詢20條問題，包括條文內對政府及特首「完全忠誠」定義、如何「支持和配合政府施政」等；部門回信說如要了解聲明便自行參閱通告。

　　她說沒有拒絕簽署聲明，只因對宣誓聲明有疑慮而發問，卻不獲直接回覆，對最後被解僱感到難受失望，形容「睇唔到條線喺邊度」，重申只是想釐清聲明，說「都要面對一個可能會被解僱嘅恐懼，我覺得接受唔到。」

　　搞清楚的是這位女士，她收到要簽署宣誓聲明是6月初，被通知3個星期內須簽署，但她卻在限期前一天才去信查詢20條問題，包括條文內對政府及特首「完全忠誠」定義、如何「支持和配合政府施政」等。

　　關鍵先不在於她問甚麼問題，而是在她在限期前一天才問。不是通知了3星期內簽署嗎？你的疑問理應在第一天收到通知便出現，理應第一時間便要向所屬部門提出，為甚麼拖到限期前一天才問？

　　要知道作為公務員，又工作超過一年，理應知道支持和配合政府施政是天經地義，還要問「如何支持和配合政府施政」，是否多此一問？

　　她可以對被解僱感到難受和失望，但形容「睇唔到條線喺邊度」，請問看不到是甚麼線？成千上萬公務員都簽了聲明，偏偏你一個人看不到？

　　既然重申自己想釐清聲明時，都知道面對一個可能會被解僱的恐懼，即是說她是有預計過被解僱的後果。她說「覺得接受唔到」，不是接受不到被解僱，而是接受不到要宣誓效忠吧。

　　《港區國安法》第六條訂明，任何出任公職的人須簽署聲明或宣誓擁護《基本法》和効忠香港特區，這是去年7月生效的法例，有甚麼理由拖到限期前一天？一口氣問20條問題，目的不就是想拖到過了限期，這是小學鷄的把戲。

　　媒體竟以「政府員工查詢宣誓細節被炒」為標題，有誤導成份；若有關媒體在標題上補多一句「限期前一天問20問題」，肯定會持平一點。說到底，很多人就是抗拒一國、反對國安法；他們在自己「崗位」上玩很多小動作。

　　像另一份報章於東奧期間一篇《媽媽的神奇小子》影評，寫蘇樺偉和媽媽，文章本應很好，卻意識不良。「兒子出生時有黃疸病，終生與痙攣和弱聽為伴，『蘇媽』不像100米蝶泳加拿大金牌選手麥妮爾的中國生父母那樣拋棄骨肉，而是千辛萬苦從廣州移居香港，為兒子尋覓更美好人生。」

　　文章可以寫蘇樺偉媽媽便好，但為甚麼刻意把她和拋棄麥妮爾的中國生父母比較，目的是甚麼？

　　不要說北京出手重，看看我們四周，還有多少不支持一國兩制、不認同特區政府的人，若只是普通人也罷。若這些既不服氣、又不認輸的人，若在政府之內、媒體之中，他們對社會的潛在傷害，可以十分巨大。