過往專欄

 　　男女平等是世界主流，惟婚後「職務分配」仍有既定框架？有網民稱「人夫聚會」時，丈夫的朋友提起「老婆唔煮飯」，全家都要食外賣，因此怒氣橫生。輔導專家稱，家務分配隨時成為婚變引爆點，促夫妻在婚前應有溝通協調。

　　有無「住家飯」食，隨時觸發婚變？有網民分享聽到人夫狂呻「冇飯食」慘況，斥責妻子無工作又無小孩也不煮飯，令他「內心好嬲」；另有人夫說起妻子不下廚時，甚至「目光中有恨」！事主不禁感嘆：「男人真係會介意老婆唔煮飯。」

網民：妻子非免費工人

　　有網民表示認同，作為妻子若沒有工作，「煮餐晚飯好應該」；也有人認為女性廚藝高超便「娶得過」，笑言：「高登仔都話，肥媽後生肯娶佢」！不過，亦有人對此不以為然，更揶揄：「唔通男人以為娶老婆等於有免費工人」。

　　圓滿關係中心總監暨心理輔導學家蔡綺文表示，夫妻因家務瑣事爭吵的個案幾乎「每日發生」，年初已處理30宗類似個案，爭拗點如誰人煮飯、洗碗，甚至到父母家用膳後由誰收拾都有，「好容易變成婚姻不咬弦的導火線」。

　　她說：「好多人婚前幻想有愛心牛扒，但現實卻有很多『頂心頂肺』的牛扒」，建議夫妻謹記感情會因小紛爭消磨。她又指，兩性對婚姻的分工也時起衝突，曾接觸「全職爸爸」個案，她坦言當男士要處理家頭細務時，雖然口稱「不介意」，但「內心世界唔係好高興」。

　　蔡提醒，夫妻經營一段感情，有時候其中一方要付出較多，倘二人都怕蝕底，婚姻便很難圓滿。她告誡男士，若太太不喜歡煮飯，則不應勉強，而應欣賞對方其他優點。

兩人怕蝕底　婚姻難圓滿

　　香港公教婚姻輔導會堅道中心主任鄭靜文指，男女在不同環境下長大，亦會影響他們對家務分配的概念，例如，男方認為回家「有飯香」才算溫馨，女方卻因為在雙職家庭長大，將不開爐火視作平常。鄭稱，夫婦出現問題時，應檢討不開心的感覺是否源自比較，例如「因人有我無」才覺得「無面」，她又提醒，婚前宜對婚後的家務分工，早作溝通及協議。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」