過往專欄

　　俗話說凡事要「門當戶對」，如果情侶的背景相差太遠，拍拖也有難題。有男網民指女友是公司太子女，帶她去「掃街」嫌污糟，又形容她自理能力奇差。有極速約會公司指，曾有富二代光顧茶餐廳時，想以信用卡找數，被女友人埋怨太離地。

　　發帖文的男網民指，最近跟太子女交往，雖然女方不介意雙方背景懸殊，食飯時甚至會「埋單」，但他有感太子女太受保護，對日常生活常識亦「離地」。事主形容某日他生病，想請女友幫他探熱，但她連探熱針是甚麼都不知。帖文指，「佢諗住幫我探熱，問我枝針要拮邊度，我話擺入口，佢差啲直插落我喉嚨！」事主又指，曾帶女友到葵芳「掃街」，但她嫌食肆污糟，感覺要對她百般遷就。

富二代去茶餐廳 信用卡埋單

　　大部分網民揶揄事主除了當男友外，也是工人，要湊太子女。亦有網民批評離地的其實是事主，因現時極少人使用探熱針。

　　Speed Dating FEVER總監黃新發指，過去曾有女會員反映，與內地富二代光顧茶餐廳，對方竟要求以信用卡找數。「也有男生說女友來自中產家庭，在男友家煮飯時，竟以洗潔精洗菜。」

　　黃續指，配對男女主要以性格及年齡行先，背景及生活習慣屬其次。「即使一個是太子女或富二代，生活習慣較離地，但他們可改變，另一半也可遷就。」但他提醒如男、女朋友從小被家人寵慣，自理能力較差，另一半需有心理準備多加照顧，對方也較依賴。

　　行政人員婚配服務公司「緣來這麼近So Klose」總監Carolyn Chan指，曾有男生的家人從事珠寶生意，惟女友是來自單親家庭的文職「屋邨妹」。「每次男生到訪女家，女方家人也向他訴說生活艱苦，言詞間想他接濟。」後來，男生有感不對勁，認為與女方交往有壓力，最終「知難而退」。

　　Carolyn指即使雙方相距懸殊，但貧窮一方勿抱「掘金」的心態，「例如甫見面就談婚論嫁，或要求對方送貴重禮物，否則會予人感覺如賣女。」

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」