過往專欄

　　現代社會，當女強人要走入感情生活，很易面對「女尊男卑」窘境。有網民指同事的女兒身居高職，未婚夫僅是普通文員，擔心二人日後情路難行。有男女配對專家指，二人相處最重要有溝通，只要對關係有信心，困難自可迎刃而解。

　　女士身居高職，隨時變高嶺之花。有網民指同事的女兒是專業人士，起薪點已高達4萬元，但未婚夫僅是普通文員，事業發展空間有限，認為二人不匹配。帖文指︰「女方外表不差，未來薪金可望升至6位數字，但她的未婚夫收入和學歷都很普通，屬基層職位，不會有太大發揮。如果是你個女，你點睇？」

男方自尊心或會受損

　　有過來人指，有女親友任職投資銀行，丈夫僅是銀行櫃位職員，婚後甚至當「家庭主夫」十多年，二人亦相安無事，直指外人意見並不重要，「這種事是你情我願」。有網民認同此說法，認為「不用理社會怎樣看，兩公婆相處溝通到，恩愛咪得。」但有網友指出，隨年月增長雙方差距或再拉大，「初初不介意，耐了男仔自尊心受損就有問題。」且當家庭重擔落在女方身上，恐怕會埋怨丈夫「唔長進」，而令感情生變。

　　極速約會公司214 Dating活動負責人Tammy指，曾有個案是一對情侶已計劃結婚，並預期將來收入有差距，女方家長本來反對，「但見到男仔對個女好好，性格都純品友善，又承諾會上進及轉工，最終獲長輩接納。」她指，女尊男卑的困難主要在雙方心態，只要女方注意相處時勿表現得太「女強人」，或因收入高而「話事」，男方亦多照顧家頭細務，或為家庭儲蓄，自可融洽相處。

宜多關心伴侶感受

　　配對博客容會表示，類似個案多不勝數，最重要是男女雙方有溝通，知道彼此底線︰「有個案是女方任高職，公幹時會坐頭等機位，但與丈夫出遊時會坐回經濟客位，不會將工作地位帶回家中。」另有個案是女方任投資銀行，收入遠高於男方，但男方亦是總經理級人馬，自感在行內有地位，故沒有因而自卑。

　　容會又指，任高職的女士多數聰明及善解人意，與人相處技巧高，只要留意及關心伴侶感受，即使長輩和家人有埋怨，二人關係亦不會受影響。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」