過往專欄

　　女生入得廚房，出得廳堂，自然可加分。有女網民表示準備跟男友拉埋天窗，惟男家屬傳統家庭，難接受他們做「無飯」夫妻，猶豫是否要學習煮飯。有社工指，家長都會期望子女的配偶多照顧他們，提出要求屬好意，如有異議可由配偶代為出聲。

　　有女網民跟男友打算結婚，她形容雙方已見家長，但男家是較傳統的家庭，未必接受她在婚後做「無飯」主婦，故猶豫是否需學習下廚。她在帖文指，「有啲朋友叫我唔使理佢哋，有啲叫我不如學下煮飯，仲話住家飯可用嚟留住男人個胃。其實識煮嘢食嘅女仔係咪特別吃香？」部分人認為提升廚藝是好事，形容經常在外面進餐「都幾無癮」。亦有人表示經常要OT，很難去買餸，而且「兩個人的分量都唔知點煮」。

勿對四大長老抱敵意

　　循道衞理觀塘社會服務處助理總幹事蔣志恒指，四大長老在子女婚前向他們另一半「施壓」的情況常見。「例如說兒子由細到大獲細心照顧，婚後要煲多些湯水給他飲，令準新抱感壓力。」他建議夫妻間要協調，如遇到類似情況，應由另一半負責應付原生父母的要求，避免衝突。他又說，四大長老的出發點無非為關心子女，新抱或女婿勿認定對方是敵人，否則關係難以建立。

偶爾下廚可增情趣

　　行政人員婚配服務公司「緣來這麼近So Klose」總監Carolyn Chan指，大部分男士都會期望女士略懂廚藝。「有一位來自瑞士的律師，配對時說明希望對象略懂煮食，認為偶爾下廚有家的感覺。」

　　Carolyn又指，相比韓國及台灣的女生，香港女生的煮食技能略為遜色。「不少韓國女生在11至12歲時，已獲母親傳授廚藝，而台灣女生也會主動跟母親學習下廚。」她認為個案事主提升廚藝也是好事，即使不是每日煮飯，偶爾下廚也可增加夫妻生活情趣。

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」