過往專欄

　　去旅行真係可以去到盡？有網民指妹妹為了去旅行，不單零儲蓄、零家用，甚至碌卡欠下10多萬元而向家人借錢。有社工表示，部分家長明言毋須子女給家用，以致年輕人覺得家庭負擔不重，對理財及儲蓄的自律性相對減低。

　　有網民在討論區上訴說，妹妹已工作數年，但完全沒有儲蓄，同時無給家用，惟每年維持數次旅行。最近妹妹因「碌卡」欠下銀行10多萬卡數，甚至向事主借錢。事主在帖文說︰「阿媽『哦』咗佢好多年，唔好唔儲錢掛住去旅行、睇演唱會及買化粧品，但佢都係我行我素。」

　　部分網民認為事主及其家人不應對妹妹心軟，要讓她嘗過惡果才會悔改；亦有人分享經歷，稱勸說親戚勿過分花費，卻被人惡言相向。另有人認為，若事主借錢給妹妹還卡數，必需要她寫下借據，避免她「走數」。

年輕人難上車寧去外遊

　　香港基督教女青年會督導主任蘇艷芳表示，香港樓價高企，部分年輕人有感難儲錢上車而氣餒，「部分人覺得儲不到錢買樓，反而覺得去旅行是自己可控制的事，甚至為撲到平機票而有成功感。」加上廉航不時推出機票優惠，令部分人覺得一年去數次旅行也很平常。

　　蘇艷芳又說，曾有家長反映毋須子女給家用，部分年輕人只需自給自足，沒有經濟負擔的憂慮，「有父母知道子女將大部分收入花在旅行及購物上，甚至先使未來錢，例如申請新的信用卡套現現金，以償還舊卡數等，都會擔心他們愈使愈大。」

家用分配問題易爭拗

　　香港長者權益協會總幹事李立航指出，過去聽聞有年輕人工作數年後仍繼續進修，例如攻讀學士或碩士課程，因經濟緊絀而沒有給家用，「大部分長者均理解子女的需要，甚至會將子女支付的家用儲起，將來再給他們置業或進修等。」但也有零星個案是長者不滿子女亂花錢，將收入全用於旅行或購物，更對家人苛索金錢而起爭拗。

　　對家用金額，李立航認為，難以單方面決定，要視乎家庭經濟情況及兄弟姊妹間的收入而定，「例如有些年輕人讀大學已借下學生資助貸款，初初打工收入不高，償還貸款後，可給家用未必太多。」建議他們跟家人商量，以調節家用的金額。

　　蔡卓妍（阿Sa）2022年曾於內地節目《她的雙重奏》中，冇開名提及被好友借錢一事，當時阿Sa提及呢位「老友」都相當嬲，不過邊個咁衰，始終無從稽考。然而尋日就有人公開張致恒（Steven）嘅錄音，自爆自己向阿Sa度水，語氣仲毫無悔意，令人髮指。

　　阿Sa喺節目中表示：「有一個很好的朋友，他問我借錢就說了一句他最近有點困難，然後二話不說我就去銀行，我就給他打款，後來我發現原來他在說謊，我就把他拉黑了，但是你已經知道這個人不會還你錢的了，我就直接把他刪掉了，我連錢都不要了，太生氣了。」當時網民已經估阿Sa所講嘅係Steven，但阿Sa之後公開活動被問起同Steven有關的事宜都馬上落閘，以「唔想講」、「唔想提」等回應。。不過網民就去到Steven其抖音直播洗版留言：「仲唔還錢畀阿Sa」、「快啲還錢呀」、「點解你要呃阿Sa啲錢」、「聽講你問阿Sa借錢唔還」。

　　一直都冇人真係求證到係邊個咁衰仔，「聰明仔」Steven就各其他人「自爆」佢就係呢個「好朋友」。昨日（21日）網紅Sean分享咗幾條張致恒嘅聲帶，錄音中Steven極晦氣：「唉，我而家好X煩，因為阿Sa之前做咗個節目，喺上海做咗啲訪問節目，話有個朋友借咗佢錢，然後仲要拉黑咗，冇再聯絡。跟住啲人個個就話係我，然後衝晒過嚟係咁叫我還錢畀阿Sa，嗰啲咁嘅嘢，唉，我好頭痛呀呢兩日。」言談中佢仲嫌自己被「影響」：「最煩係影響到我吖嘛！人哋阿Sa又冇開名，啲人又過晒嚟係咁話我，我真係好頭痛！」最後佢仲補多一句：「我爭佢10萬呀。」

　　Steven周街債主，日前被女紋身師公開追債，其他街數都開口追錢，多到數唔清。除咗一啲不知名嘅人，唔少圈中人都受害，Steven曾向各個舊愛借錢，而最大債主係上一任女友梁皓恩（April），於Steven公開「婚訊」後，曾在該帖文下留言：「你仲爭我好多錢，right？你唔打俾我嘅話，醫院見。」據知過往兩人在灣仔同居期間，每月$15,000租金大多數由April墊支，有指最少爭佢10萬。BOYZ拍檔關智斌（Kenny）同Yumiko都曾無條件借錢畀Steven，經理人霍汶希當時代Kenny回覆傳媒：「佢話咁多年來兩兄弟嘅嘢都冇計，我都已經唔係好記得。」另外，其中張彥博、林盛斌等對追債嘅態度都係當「潑咗出去嘅水」一樣，咁計法，個個都唔使佢還，唔怪之得Steven借得咁爽，真係一門大生意，好快就可以上市！