過往專欄

　　第十二屆全國人大常委會在第二十四次會議上全票通過《全國人大常委會關於香港特別行政區基本法第一百零四條的解釋》，內容列明宣誓人拒絕宣誓，即失公職資格；不符合人大解釋的宣誓，就應視為無效宣誓，不得重新安排宣誓。

　　今次的釋法風波源於青年新政兩名立法會候任議員所製造的宣誓風波，坊間有不少人都估計兩人是「無間道」，先有兩人以「支那」以及粗言穢語宣誓，激起民憤令梁振英政府得以大做文章，亦為梁振英增添連任籌碼，其言行衍生出來的發展，足可說明他們立下的「功勞」。

　　自由黨榮譽主席田北俊就在電台節目中透露，早前與梁、游飯敍，引述兩人席間表明，最想是一國兩制維持下去，但目前則覺得一國兩制「變緊樣」，才會想到「談港獨」。田北俊相信二人並非無間道，但就認同宣誓風波或增加梁振英連任機會的說法，因為「越講港獨、北京越㷫」，而且亦只會逼到中央更加企喺「一國」立場。

　　網友的意見眾說紛紜，有網友不相信二人可以如此好戲當上「無間道」，網友LAWRENT表示「若果（兩人是「無間道」）屬實，二人演技可媲美奧斯卡男女主角。」網友Patrick Tam指「什麼無間道， 啲人真你諗得太多， 睇戲太多了。佢地兩個白痴 就真。」網友Davis Man 認為「呢個世間往往有人以混淆視聽來渾水摸魚，佢兩件同後面的智囊，只係白癡低能，以為好威其實幫倒忙而已。無間道？憑咩？」

　　不過，另一方面亦有網友認為兩人的言行「太過火」，明顯促成今日人大釋法的局面，網友Edward Ching表示「呢個幾月以來，梁、游對傳媒既對答，加埋尋日梁頌恆在街上既表現，已令政治中立者傾向政府一邊了。」網友Leo Liu指「梁，游係咪無間道好快知，起碼佢地暫時立法會既功績係成功爭取釋法。」網友RickyChan303慨嘆「兩條友係將泛民的形象不斷貶低（當然這兩人未必明白，佢地只係扯線公仔），泛民今回係企開又死、企埋又死……如果今勻不能解釋清楚，劃清界線，下次選舉必定大敗！」

　　負責為全港超過19萬公務員制定薪酬調整幅度指標嘅「薪酬趨勢調查委員會」，剛剛喺噚日（16日）公布最新嘅2024年薪酬趨勢調查報告，各級公務員加薪淨指標，分別係高級公務員4.01%、中級公務員4.32%同埋低級公務員5.47%，遠遠超過之前市場預期嘅3%至4%。

　　消息一公布，市面「嘩嘩聲」四起，事關成4%至5%人工加幅，對私營市場九成打工仔近幾年嚟講，都係遙不可及。有熟知政府運作嘅政界中人就話，每年嘅薪酬趨勢調查委員會報告，都令到政府高層頭都大埋，佢形容：「私營機構加幾多人工，梗係睇吓公司去年盤數同埋預測未來2、3年經營狀況去決定，簡單好多；但政府加幾多人工畀公務員，要考慮嘅因素唔單止係自己個荷包，仲要睇埋對私營市場嘅影響，絕對係政治學上一門高深學問。」

　　今年公布呢個遠超市場預期嘅加幅，絕對係令到政府處於幾尷尬嘅局面。如果跟足建議去加人工，好處當然係公務員士氣獲得提振，有助現屆政府繼續積極推行各項政策，等下面嘅公務員「攰死」之餘，起碼荷包得以充實。不過現時市場經營環境並唔係一面向好，以往一直係「天之驕子」嘅金融機構更加出現裁員情況，中小企更加喺北上消費熱潮之下「得個做字」，街上、商場吉舖處處，如果政府帶頭加足5%薪酬，對私營市場絕對係沉重打擊。

薪酬趨勢調查委員會建議嘅公僕加薪幅度，遠超市場預期。(Shutterstock)

　　喺面對千億財赤、儲備跌到得番7000億元、政府甚至要加大發債去支持基建項目嘅時候，加薪5%，講緊每年開支要增加超過60億元，政界中人就話：「呢頭你話政府唔夠錢要研究加呢樣收費、減嗰樣使費，到頭來加人工就要每年使多60億至70億元，試問又點樣同市民交代？」

　　而加唔足嘅話，對政府運作亦有唔少影響。有公務員朋友形容，呢幾年行政主導勢頭之下，個個局都要交足功課，上面有任何諗頭，做細嘅就要出頭，唔少部門嘅中高層都做得辛苦過出名工時長嘅四大核數師行，夜晚10點後收工都係等閒事，「人工加得唔夠好，可能就會令到人手流失加劇，特別係30幾歲中層嗰班，佢哋有政府工作經驗，行出去好多私營機構都爭住要，政府人工加唔夠，呢班中堅走咗就好難再填補」。

　　有立法會議員就私底下透露，早排都已經有評論認為公務員要減人工去同政府庫房共度時艱，不過佢自己就覺得，呢種講法無非都係社會嘅一種怨氣，「要解呢口怨氣好簡單，只要最高嗰班官員唔加人工之餘仲自願凍薪，甚至減人工，輿論就自然會覺得高層有承擔，呢啖氣就自然吞得落，下面加得足又點話呢！」