過往專欄

　　今年哪個生肖的朋友最大機會跳出單身？老鼠仔、老鼠女，機會來了！

　　今年立春後老鼠朋友正式接收正桃花星「天喜桃花」的力量，即是有機會去找到、並發展可走下去的感情，所以為之正桃花流年。那麼出生於1960、1972、1984、1996年的朋友要把握啦！

　　但謹記桃花星雖好，都不會自己過到來你屋企找你，無論如何都要自己主動出擊，識多些新朋友、參加多些活動、朋友聚會，甚至是朋友的朋友聚會都要去，總之有機會就出擊，包你機會大增。

　　而且「天喜」桃花是有利人緣人際關係，不用怕別人說你老套白撞，因為like你的人在今年會大增，那麼還怕甚麼？！

　　單身有機會變成雙成對，那麼已婚人士呢？會否浪費這些桃花力量？

　　那麼又不必心灰，已婚人士就將桃花力量集中在工作中，等多些客人like你，又或者多點同以前不太friend的同事傾談。因為他們今年會發覺得你靚仔靚女了、順眼了，願意同你吹多兩句，工作時候會多個幫手、少個敵人也非常不錯。尤其是如果以前總是死在那些辦公室政治上的朋友，今年不妨主動出擊搞好關係，收穫會意料之外的好。

　　又如果已經有固定另一半的老鼠仔、老鼠女，今年有望感情更進一步，情侶關係更融洽。

　　視后李佳芯（Ali）向來是網民心目中人美心善的女神，不過女神至今仍然單身，唔少觀眾都開始戥Ali著急。Ali趁著「Chubby Hearts Hong Kong」活動，特意趕往跟紅心影相打卡，期間女神透露原來一直有人追，情人節更有收花，對於一眾追求者可有機會，Ali忍不住露口風…

　　Ali平日不太喜歡人多擠逼的地方，但趁著「Chubby Hearts Hong Kong」活動的最後兩日，她特地前來皇后像廣場的飄浮紅心所在地打卡追趕熱潮。她說：「今次好開心可以同Chubby Hearts打卡，希望日後都多啲舉辦呢類時尚設計藝術融和嘅打卡點，等我哋多啲機會去下戶外，感受熱烈開心氣氛，係一件賞心樂事！」Ali在現場巧遇小丸子和花輪同學追心，她曾在《好聲好戲》節目神還原小丸子而備受讚賞，她開心說：「佢哋係我細個最愛嘅漫畫人物！當然捉緊機會，同佢哋仲有兩個Chubby Hearts合照啦！」

　　訪問期間，Ali見到很多熱烈追心的市民，更有人送上用銀紙摺成心型的利是以表祝福，她希望今年工作順利、心想事成！久未有劇集新作的Ali，即將跟譚俊彥合作，開拍跟打麻將有關的新劇，她憶述說：「細個嗰陣，婆婆同媽咪每個星期都打麻將，所以好細個已經接觸呢樣興趣。我自己識打廣東牌，但唔識計番，所以同枱一定要有人識計番，仲要識摸位打骰，而其他十三幺、清一色等食糊規條，都唔會難到我！」她續說：「今年新年去朋友家拜年，都有圍埋一齊打麻將。雖然只打咗一次，但已經發咗新年財，係一個好兆頭嘅開始！」

　　不少人關心Ali的感情狀況，問到剛過去的情人節有收禮物嗎？她說：「有收花、朱古力同小禮物，我都習慣喺節日互送禮物畀朋友，所以情人節都會收到佢哋禮物，係一個表達心意嘅方式。」 另外，早前元宵佳節，Ali透露未有人相約，應該需要預備新劇工作，希望晚上有機會食湯圓應節一下。

　　問到現在有男士暗示或明示喜歡她嗎？Ali笑說：「我唔會話自己冇人追求，但依家都冇話好熱烈嗰種，或者覺得好好相處、可以發展嘅人。」看來追求者要加把勁。