【率先睇！】港版築地無敵海景 歎盡即捕浜燒＋足料海鮮丼＋龍蝦包
#美食地圖 #試食報告 #覓食灣仔 #新餐廳 #築地 #海鮮 #鱈場蟹 #龍蝦 #海鮮丼 #海膽來到十月，大家期待已久的「港版築地」將於月中開幕，而灣仔碼頭的二樓即將打造為佔地約 11,000 呎的「築地‧山貴水產市場」！
除了每日由日本築地直送的海鮮外，亦會從世界各地引入最時令的食材，成為一個集鮮活海產、即買即燒、零售購物多種享受的市場！
場內大致劃分為飲食區及超市區兩大部分，日前就邀請了傳媒率先參觀，到底內有甚麼乾坤？就等小編帶大家遊一圈啦！
小編帶大家率先睇！
下頁介紹 即捕浜燒海鮮區＋海鮮丼飯區
現在就先介紹大家最期待的飲食區，當中包括：即捕浜燒海鮮區、海鮮丼飯、龍蝦包專門店、生蠔區以及立吞壽司區！
即捕浜燒海鮮區
於浜燒海鮮區，大家可以在水池中揀選生猛鱈場蟹同龍蝦，即撈即燒！
燒烤時，師傅會為海鮮輕輕調味，加上少訐鹽，以及噴灑清酒，帶出海鮮最原始的鮮甜，香味四溢，相當吸引！
浜燒龍蝦（未定價）
浜燒鱈場蟹（未定價）
海鮮丼飯區
海鮮丼飯區擁有180度海景，不過卻只得 36個座位，大家若果要享受這個海景，可能就需要輪候一段時間了！
多種海鮮丼由 $98起。而大廚特別推介的海膽丼，就包括：特上山貴丼($238)以及海膽丼（$268）！
特上山貴丼($238)
特上山貴丼選用原隻蟹箝、龍蝦肉、三文魚籽及 10多款角切魚生鋪滿丼飯，師傅建議先直接品嚐魚生的原始鮮味，再加入芥末醬油，用紫茶包著刺身及壽司飯，自製手卷；最後可以加高湯，即成茶漬飯食，是品嚐海鮮丼的三重風味！
足料海膽丼選用時令海膽，包括：加拿大海膽、北海道馬糞膽及紫海膽，肥美鮮甜海膽鋪滿飯面，睇到都流口水啊！
海膽迷絕對不容錯過！
下頁介紹 龍蝦包專門店及立吞壽司區
龍蝦包專門店
外帶美食中，必試風靡日本的龍蝦包！剛剛在東京修讀完法國藍帶麵包課程的黃婉曼，為大家帶來了不一樣的的龍蝦包，她特別設計了數款法式麵包！
法包經24小時低溫發酵而成，口感特別煙韌，而所用的海鮮就由山貴水產提供，主打原隻龍蝦包（$168）及墨汁海膽包（$68）！
墨汁海膽包採用歐洲墨魚汁做成的法包，加上鮮海膽調製的醬汁及時令海膽，味道非常濃郁！而龍蝦包方面亦同樣出息，鮮拆的波士頓龍蝦肉質彈牙，伴上清新蔬菜醬汁，清新又惹味！
原隻龍蝦包（$168）
墨汁海膽包（$68）
生蠔區及立吞壽司區
場內最矚目的當然要數擁有無敵維港靚景的立吞壽司區以及生蠔吧啦！大家可以一邊品嚐師傅即製的手握壽司，一邊欣賞海景，簡直是最高的享受！
即叫即開生蠔，肉質非常飽滿，蠔味十足！
（左起）小公主中度海水味，甜味回甘，肉質肥美幼滑；
Victoria 1842口感幼滑，海水味不重，帶子位較大，鹹甜適中；
Special Lady口感爽脆，鮮香的海水味與蠔肉的鮮甜味非常突出！
立吞壽司區
立吞壽司區提供一系列手握壽司盛合（$88），師傅會選用當日最新鮮的 5種材料製作壽司。
另外，海鮮拼盤（$368）亦是招牌菜之一，頂層有原隻波士頓龍蝦，下層有生蠔、翡翠螺及鮑魚，份量十足！
下頁介紹 超市區以及現切鮪魚
市場的入口處是超市區，可以買到日本直送的零食、水果及清酒等，亦有日式醬油、麵條以及日本米。
場內設有外帶專區，售賣多款便當和壽司！開放式的廚房，製作過程一目了然！
另外，晚上更不時有師傅表演劏鮪魚，除了欣賞專業師傅嘅精湛刀法外，亦可以即時品嚐最新鮮現切鮪魚，機會難逢！
市場還設有梅酒吧，八款獨家供應的梅酒，大家可以選擇當中五款為一SET！
上梅酒的方式亦十分特別，大家可以依照順序逐一品嚐！
「港版築地」集鮮活海產、即買即燒、零售購物於一身，大家可以一嚐日本築地直送的海鮮！場內的設計更貼近台灣的上引水產，無敵維港景致卻是香港獨有，海鮮壽司刺身的質素屬上等，不過定價暫時都未落實，性價比高低有待確認。大家不妨在開幕以後去朝聖一下吧，可能會有所斬獲呢！
築地．山貴水產市場
地址：灣仔碼頭二樓
開幕日期：預計 2016年10月中
（詳情留意我們的更新）