吃喝玩樂

　　無懼體重直線上升，都要同大家「瓹窿瓹罅」尋找港九新界十八區的美食！今次小編就帶同攝影師一齊挑機，來到位於坑口最新的地下美食街，以有限的肚皮試盡各式各樣的街頭小食，當中有「黯然銷魂」的美食，同一時間有令我們大叫「中伏」的選擇，想知我地掃街有甚麼笑料？即刻去片啦！

 

 

　　美食街TKO Gateway Food Lane集合了十多間小店，食物的種類都相當國際化，除了有港式的地道小食，亦有台灣的夜市美食、日本的立食壽司、中東的咖哩薄餅烤卷等，一定可以滿足到大家不同的口味！不過情侶約會的話，就要小心搶食的情況啦！

 

「Gourmet Tasty」台灣夜市美食

（推介度：★★★★★）

 

　　講到掃街美食，不得不提港人最愛的台灣夜市小食，這店有齊手抓餅、鹽酥雞粒、芋圓豆花、大大塊雞扒等地道美食，猶如瞬間置身在台灣夜市之中，味道更是相當正宗！

 

原味雞蛋手抓餅　$16

 

　　接過手抓餅，裏面的餡料仍然滾燙，餅皮香酥焦脆，餡料相當豐富！

 

流心芝士雞扒    $28

 

　　啖啖肉的吉列雞扒，內嫩多汁，裏面爆漿流心芝士，外層炸到脆卜卜，但絕對唔油膩，睇住啲芝士湧出嚟，簡直將「邪惡」的恐懼拋諸腦後，瘋狂地一口接一口！

 

 

「Smuki」甜品打卡控

（推介度：★★★☆☆）

 

泡芙條    $22

 

　　店內主打泡芙條，有不同的口味，如：抹茶、士多啤梨、榴槤等，泡芙條表面有「菠蘿包」般的脆皮口感，中間的吉士醬香滑，味道近似雪糕，是場內必試的打卡甜品！

 

 

「豪園小食」雞翼中的皇者

（推介度：★★★★☆）

 

　　這店打從美食車開始經已人氣爆燈，招牌的炸一字雞翼確是香脆惹味，新店更不定時推出多款創新口味，包括蒜醬豉油、車打芝士等，更有近期熱爆的咸蛋黃味「黃金脆脆」炸一字雞翼！

 

車打芝士炸一字雞翼  $25/6件

 

　　雞翼皮脆肉嫩，老闆細心雞翼切成單骨，掃街必食之選，皆因佢真係相當方便易食，當然味道都超班啦！

 

黃金脆脆炸一字雞翼  $28/6件

 

　　原味雞翼加入新鮮鹹蛋黃、牛油及自家製蒜米炒成，香脆的雞翼表面被蛋黃碎碎包裹著，鹹香惹味，大家都食不停口！

 

 

「Snacks Factory」新派港式小食

（推介度：★★★☆☆）

 

泡菜肉醬腸粉    $30

 

　　腸粉是經典的港式街頭小食，甚至是不少人的早餐之選，平時大家都是配豉油、甜醬、麻醬，店主就玩玩新意思，混合西式肉醬以及韓國泡菜，重新演繹新口味的腸粉，似是肉醬意粉的味道，而腸粉相對比較彈牙，口感更出色，但泡菜就起不了甚麼作用，因為被肉醬的味道完全蓋過了，所以小編會建議大家試返原味比較好。

 

黑松露碗仔翅    $25

 

　　另一款中西合璧的新派港式小食，碗仔翅比較稀，與黑松露的味道有點格格不入，而且油分偏重，若果是碗仔翅的粉絲，可能會失望了！

 

 

「中東風格」超足料味覺驚喜

（推介度：★★★★★）

 

　　將軍澳唯一的 「中東風格」，外表雖然平平無奇，卻是令小編為之驚喜，選擇都相當豐富，有中東卷、雜錦海鮮薄餅等，全部由正宗中東師傅炮製，而且更貼心考慮到素食者的需要，提供各式各樣的素食選擇，讓每個食客都品嚐到最地道的中東美食！

 

杜拜烤雞卷　$45

印度咖哩雞薄餅  $45

 

「亞哥滷水」老香港情懷

（推介度：★★★★★）

 

阿哥狗仔粉　$18

滷水細拼　$45

 

Food Lane 

地址：TKO Gateway 東翼地下(港鐵坑口站A1出口) 

營業時間：上午10時至晚上10時