吃喝玩樂

　　快到聖誕節，唔去食餐好嘅都對唔住自己啊！但又覺得一個聖誕大餐要索價800大元好肉赤？咁不如去試下Made in HK Restaurant新推出的主餐牌吧，Made in HK一向主打港式西餐，雖然它不是打正旗號的「聖誕大餐」，但勝在CP值極高；「前菜＋餐湯＋鐵板＋小食＋甜品」都是三四百元，完全是聖誕抵食之選！

　　廢話不多說，睇完片就即刻看看小編的試食報告吧！

食肉獸最愛：Made in HK招牌鐵板餐

　　作為主打式西餐的Made in HK，當然少不了源於香港的鐵板餐啦，熱辣辣的鐵板上放滿豐富的食材，再淋上醬汁，每次聽到鐵板的「炸炸」聲都會特別興奮！今次的全新Menu中，還結合了多款鐵板据扒，真係好適合各位食肉獸！正啊！

荷蘭汁焗龍蝦拼肉眼扒 $238

　　聖誕節就要食好D，鐵板上放了半邊波士頓龍蝦，用上荷蘭汁焗香後，更加好味！除了龍蝦外，還有厚切肉眼扒，正啊！不過，想提提大家，記得要指定牛扒的生熟程度，叫4、5成熟都可以，因為牛扒放在鐵板上，熟得特別快。

威靈頓牛柳配黑松露蘑菇汁 $188

　　說到牛扒，又怎能少了經典英國菜式威靈頓牛柳呢？現在，來Made in HK都可以食到啦！用酥皮包住烤到剛好的7成熟牛柳，再蘸上松靈蘑菇汁，簡直一流啊！

鐵板黑松露豆豉汁原隻魷魚意粉 $138

　　真的不得不介紹這碟鐵板原隻魷魚意粉，因為這魷魚煮得「堅好味」，一咬就咬得開，加上豆豉汁超香的！小編真心推薦這個，必試！

焗俄國牛柳絲藜麥飯 $108

　　除了鐵板外，港式西餐又怎會少了焗飲呢？這款焗俄國牛柳絲藜麥飯又classic又健康！微酸的蕃茄醬加上營養很高的藜麥飯，真係又好食又有益！

新出特色小食　必試鹹蛋金薯條

　　除了港式鐵板餐做主菜外，當然也少不了各種前菜、小食，今次新推出的小食都好吸引，相信不會令大家失望！

法式焗田螺 $68 ＋ 鹹蛋金沙薯條 $58

　　大大粒的法式田螺啖啖肉，而且充滿了濃濃的蒜蓉味道，再加上底下沾上牛油香的薯蓉就更好食！另外，這個新出的鹹蛋金沙薯條真係食到小編停唔到，好想瘋狂地食呢鹹鹹香香嘅薯條～

酥皮金必多忌廉湯 $68

　　忌簾湯大家就飲得多，呢個「金必多湯」你又飲過未？這個湯在清朝末年已經出現，還是上流社會才飲到的。說真的，小編就覺得它像一個較淡味的忌簾湯，不過它裏面就加入了素翅、火腿絲、大白菜等材料，加埋酥皮就真係大滿足！

圖左：威靈頓牛柳配黑松露蘑菇汁

圖右：酥皮金必多忌廉湯

同場加映：威靈頓牛柳配黑松露蘑菇汁 $188

　　說到牛扒，又怎能少了經典英國菜式威靈頓牛柳呢？現在，來Made in HK都可以食到啦！用酥皮包住烤到剛好的7成熟牛柳，再蘸上松靈蘑菇汁，簡直一流啊！

招牌甜品為晚餐畫上完美句號！

　　吃過正餐後，又怎能缺少甜品呢？有食過Made in HK的應該會知道，它的招牌甜品就是吉列流心奶皇西多士。在新Menu中，還推出了另外三款流心西多，在晚餐的尾聲，與友人分share一份流心西多，絕對可為晚餐畫上完美句號！ 

圖上：吉列流心爆醬華田西多士 $68

圖左：吉列流心紫薯西多士 $58

圖下：吉列流心爆醬華田西多士 $68

　　除了流心西多外，還有即整的火焰雪山。如果一班朋友一齊去食飯，不妨嗌一個share啦！

火焰雪山 $68

　　香港地，一講起做飲食業，無論經營者或食客，皆多唉聲嘆氣。前者呻人工材料舖租樣樣貴，根本冇得做；後者呢，同樣呻樣樣加價服務差劣點解唔北上？

　　究竟這個是否真像？我肥碌觀察，中咗八成左右啦。剩返兩成，並非如此，反見有食肆日日排長龍兼訂位要三個月至半年！

　　隨便舉例，灣仔浙江軒，樂富海鱻城，以及，近日家中「排骨仔」介紹為父的生煎包點心專門店，全部旺到爆。

　　香港人口高速老化， 六十歲以上長者邁向三百萬 ，佢哋喜歡乜？十之七八喜歡「懷緬過去常陶醉」。就似小弟，搞親飯局，個個老友都話最好歎懷舊菜，愈舊愈好，若搵到已經消失的菜式更佳。

　　前排在九龍家全七福，正正試到瀕臨絕種的雞子戈渣，難做到飛起，長者為食鬼一入口，便話真係神仙企唔穩。

　　好嘞，更多兩蚊雞族鍾情的，當然是飲廣東茶，歎其一盅兩件。不過咁，隨著樣樣成本高漲，不少「飽肚」點心，漸趨消失。經營飲食業老友呻：「碌Sir，你估我哋想咩，若個個嚟整個雞球大包、臘腸卷又或懷舊糯米雞，一塞就飽，拍拍屁股走人，咁我哋賺乜呀？」

　　唔係冇人想食，係形勢所逼，唔賣！

　　講返間生煎包專門店，有乜咁吸引，要排隊？第一，客人如潮，故點心流轉快，全部新鮮出爐；第二，價錢平民化；第三，最重要，不少流失了的點心，呢處有。例如：懷舊雞球大包、鮮蝦腐皮卷、豬膶腸粉、乾蒸牛肉燒賣、梅菜扣肉包⋯⋯

久違了的豬膶拉腸粉、雞球大包及乾蒸牛肉。

　　而此店招牌，正正是生煎包，非常誇張，每份三大個，只賣三十蚊，幾乎枱枱食。分量好勁，你吞一個，必飽咗大半！

招牌生煎包$30 ，三大隻，吞一隻已經半飽。

　　是日，我只與老婆大人兩位殺去，盡量叫，食唔晒打包，也只能點六款點心，已經「肚滿腸肥」。去時為上午十一點，仍然人潮如湧，有的是一家大細，有的是師奶買完餸，也有的是提早午餐勞動工友，迫爆，從冇一張空櫈。

整個上午座無虛席。門外則有條小人龍。

　　嚟呢類食肆，絕不可要求食得寧靜、坐得舒服、事事衛生、招呼週到。

　　總之，未來前清楚自己要乜，有位就即坐低即劃點心紙。點心上枱快歎（因人人都趕），你點好意思細嚼？套用廣東術語——唔該o趙完鬆，俾位下個客。

　　總結，點心新鮮熱辣好味，Value For Money，旺得有理。

蝦餃、潮州粉果及雞紥等例牌點心也「靚仔」。

　　但最大弊端，店內冇洗手間，要出街市公廁，真真大鑊，因呢個公廁，也百份百「懷舊」，五六十年代裝修及味道有齊，好惡頂也。

食一半，打包一半，埋單拜拜。

生煎包點心專門店

地址：何文田忠孝街六十號愛民邨熟食店一號

電話：2363 1968