【期間限定】7-Eleven全新產品登場！多款日、韓、台直送零食任你買
不論你返工放工、出街、放Lunch，你見得最多的一定是總有一間係附近的7-Eleven啦！今期7-11就為大家提供多款日、韓、台直送美食和多款期間限定產品，一齊買返堆返Office咬下啦～
日本直送：Häagen-Dazs雪糕杯（$39／杯）
必試指數：★★★★★
最新的日本直送Häagen-Dazs雪糕杯分別是「杏仁焦糖曲奇味」和「抹茶芝士曲奇味」。
焦糖奶油雪糕再加上焦糖醬，表面再撒上烘焙杏仁片及牛油曲奇脆粒，正！
抹茶芝士扭紋雪糕加上抹茶醬，小編已經想像到陣味！
日本直送：POKKA SAP JELEETS焦糖布甸飲料（$15／枝）
必試指數：★★★★☆
飲得嘅布甸你試過未呢？呢款日本直送的焦糖布甸飲料，除咗用了北海道鮮奶忌廉外，仲真係加咗布甸！！！
大家記得係飲之前要搖七次，咁就可以布甸變成啫喱！
日本直送：TAIYO比利時焦糖窩夫（$13／件）
必試指數：★★★☆☆
好多人去日本旅行，都會去7-11買窩夫食，小編都係其中一人。而家，香港嘅7-11都有「日本直送」嘅焦糖窩夫啦！
點解日本人可以整到咁好味嘅零食？？！！
獨家發售：天仁茗茶雪葩（$28／杯）
必試指數：★★★☆☆
天仁愈來愈多新搞作，今次仲將茶飲變成雪葩和雪糕，唔知你會想直接買杯野飲定試下個雪葩呢？
香橙綠茶一向都是小編的心頭好，相信呢杯雪葩一定好Fresh！
天仁茗茶香橙綠茶雪葩
頂級鐵觀音加上北海道牛乳，充滿茶香的雪糕必勝！
天仁茗茶鐵觀音雪糕
港式滋味：卡樂B深井燒鵝味／吞麵味薯片（$13.5／件；$18／2件）
必試指數：★★★★☆
卡樂B成日都有新薯片推出，今次仲要係全港式Style的味道，買定幾包放公司都唔過份啦！
左：雲吞麵味竟有淡淡鮮蝦餛飩味，食落口好過癮！
右：燒鵝的炭燒味和油香真係做得好似！
韓國直送：TOM'S FARM杏仁（$10／包）
必試指數：★★☆☆☆
韓國一向都幾流行食杏仁，之前出過嘅蜂蜜味杏人成為好多OL嘅必買零食。今次，仲出埋古力曲奇味、提拉米蘇味和爆炸糖味…講真個句，小編對呢啲味道真係麻麻地啦，留返比咁多位「勇者」挑戰啦！
左：OM'S FARM提拉米蘇杏仁
中：TOM'S FARM朱古力曲奇味杏仁
右：TOM'S FARM星際爆炸糖味杏仁