【必食過江龍】日本第一「壽司郎」登陸香港！ CP值極高料理率先睇
大家每次去日本，都總會安排去食迴轉壽司，只要大家在Google上打「日本迴轉壽司」，就會出現「壽司郎 SUSHIRO」這個名字。這間日本No.1迴轉壽司更譽為日本的國民壽司，它繼進軍韓國及台灣後，就在香港開設第三間海外分店，大家不用搭飛機就能食到高CP值壽司啦！
日本第一迴轉壽司：壽司郎
Sushiro壽司郎開業30多年，是日本規模最大的連鎖迴轉壽司店、日本銷量No. 1的連鎖迴轉壽司店和日本人最喜愛迴轉壽司，日本分店數目超過400間，並以100円壽司作招來。
壽司郎香港總經理荒谷先生表示，希望可以為香港市民帶來滿足心靈的壽司。
壽司郎今次來到香港，當然為大家帶來近70款CP值極高的壽司啦，更加有多款香港限定壽司。主打平價高質的壽司郎，在香港分店價錢由$12至$27不等，真係平民價錢高質享受啊！
整個設計「好日本」啊！
二人座位都幾闊落！
內設有飲品吧，如果你唔想飲綠茶的話，不如加$17任飲不同飲品啦！
大家可以用平板電腦點餐
下頁即睇必食壽司！
必食的極高CP值＋香港限定壽司
壽司郎為香港一號店帶來很多新張期間限定的優惠壽司，它們家的餐單真的令人立即患上「選擇困難症」！大家除了食到平靚正壽司外，更加要留意日本TOP 3人氣壽司和香港限定壽司，以咁平嘅價錢食到如此高質的壽司，真係無得輸～
上：三文魚腩 $17/2；左：赤蝦 $12/2；右：油甘魚 $17/2件
左：三文魚子軍艦 $17/2件；下：吞拿魚 $12/2件
小編推介的「蝦3味」，CP值超級高！ $17/3件
卡門貝爾芝士極上鰻魚 $22/件
鹽味牛排 $12/2件
這個帆立貝大而鮮甜，一定對得住呢個價錢！
醬烤日本產帆立貝 $22/件
接下來，就為大家介紹一下香港店限定的壽司，地區限定的壽司多數以卷物為主，真正「大件夾抵食」啊！
左上：鰻魚卷 $27/碟
右上：特大虎蝦天婦羅卷 $27/碟
下：生火腿卷 $22/碟
食過一碟又一碟的壽司後，不如都試下這裏的甜品吧！
另外，壽司郎設有自家APP儲分兌換優惠，大家可透過APP預約和消費以累積獎賞分數以換取折扣優惠或超大壽司拼盤。
用apps儲分即可換壽司盤
除了APP儲分外，也有印花卡換禮物的活動；凡到店消費1次就可以得到1個印花，儲滿不同的印花便能換到不同禮物！