吃喝玩樂

　　來到大閘蟹季節，蟹香處處。享受大閘蟹最傳統的吃法莫過於清蒸兼徒手拆，將蟹黃、蟹膏、蟹肉、蟹腳肉等全送入口，最後吸吮蟹殼內的蟹油蟹汁，滋味！懶得動手拆？到餐廳吃吧！尖沙咀最近有一間新開的蟹麵專門店——「上三兩」，不以傳統清蒸炒煮的方法炮製，而是將蟹配上手工麵條，以創新食法呈現蟹的鮮味。

　　說起吃蟹，總會想起明晃晃、吵吵鬧鬧的中式酒樓，但在上三兩卻是另一回事，從用餐環境到菜單設計，將吃蟹塑造成一個充滿格調的體驗。落戶尖沙咀K11 MUSEA的「上三兩」，門口的霓虹燈映照出英文店名「Sexy Crab」，若非招牌有「蟹」（Crab）字，單看裝潢大概以為是酒吧！上三兩以30年代的上海酒廊為設計靈感，室內燈光昏暗柔和，牆身以大型復古鏡框裝飾，折射出紫紅的霓虹光管，打造懷舊氛圍，食客可以一邊聽著輕柔音樂，一邊優雅嘗蟹，體驗零舍不同。

室內用餐座位不多，僅容納23位客人，到訪前不妨先預約。

　　作為蟹麵專門店，蟹種與麵條都同樣花心思。以時令螃蟹做主角，現時秋意正濃，正是大閘蟹當造季節，大廚特意挑選每隻三兩重、即150克的江蘇大閘蟹，由專人手拆蟹粉蟹肉，既取口感軟滑的公蟹粉，又用口感實在的母蟹粉，將大閘蟹的多重滋味與精華傾注在菜式中。麵條方面，選用本地老牌麵廠每日新鮮製造的手工麵條，大廚會依麵條特性，用在不同料理之中，如拉麵彈牙煙韌，適合拌麵、掛麵；寬麵闊身，可盡吸湯汁，用來配花膠鮑魚汁，一口嘗盡矜貴鮮味，非常講究。

　　上三兩的菜式數量不多，僅六七道菜，但道道都是手工心機之作。餐廳招牌蟹麵「特濃蟹粉蟹肉拌拉麵」，用上足足12隻大閘蟹蟹粉炮製！為了呈現最佳口感，大廚對公母蟹粉的比例要求尤其嚴謹，規定用58%公蟹粉與42%母蟹粉。公蟹粉比例略多，餐廳經理指希望藉其黏身幼滑的特性，營造出類似日式沾麵的效果，讓每口麵都帶著濃濃蟹味。除了公母蟹粉外，拉麵拌料還有蟹油、雞湯配蟹肉及蟹腳肉，猶如將原隻大閘蟹拆件呈上，無論味道和口感都層次十足！拌料如此豐富，餐廳經理說只因他們想把蟹的所有部分都留待食客品嘗。

特濃蟹粉蟹肉拌拉麵 $368

　　如果說特濃蟹粉蟹肉拌拉麵是由大閘蟹獨霸味蕾，這道「上三兩蟹黄魚濃湯掛麵」就展現出大閘蟹與其他食材的契合，尤其與鮮魚一拍即合！魚湯湯底以十多款時令鮮魚熬製十多小時而成，大廚主要選取鱲魚科鮮魚，令湯底色澤呈純淨奶白色，魚香味亦較濃，並加入鮮蝦頭醬汁提鮮。配麵的黃魚已去骨並脆香，外脆內軟，提升掛麵口感。主角之一蟹黃醬以獨到的黃金比例調製，公蟹粉、母蟹粉和蟹肉的比例為5比3比2，蟹油均勻之餘又帶濃郁蟹味，夾起一箸手工拉麵，可見蟹黃醬與魚湯汁掛在麵上，入口嘗出多重鮮味。吃時記住配搭附上的紫酥葉天婦羅，甘香脆口之餘，又可袪除大閘蟹寒氣。

上三兩蟹黄魚濃湯掛麵 $188

　　流心蛋包飯見得多，奢華版的有沒有見過？「原隻花膠釀蟹粉拌寛麵」兼具味道與視覺效果，餐廳選用肉質厚身、充滿口感的原隻南非花膠，內裏釀入以黃金比例調製而成的蟹黃醬，最後加上法國Caviar House & Prunier的矜貴CAVIAR FRANCAIS魚子醬作點綴，提升整體菜式的奢華度！上菜時，只見侍應用小刀在厚身花膠上一切，花膠輕輕翻開，內裏的蟹黃醬傾瀉而出，絕對要相機食先！用料如此上乘，餐廳特意選配寬麵，讓寬闊麵身吸盡蟹黃醬與花膠鮑魚汁，正！

原隻花膠釀蟹粉拌寛麵 $888

每日限量5份，有意品嘗記住預訂！

打卡系小食

　　上三兩的招牌麵食道道分量十足，蟹味濃郁，而小菜則主打精緻擺盤，為食客帶來視覺享受。

　　眾多菜式中，大概最符合餐廳氛圍、最Sexy的，就是這道「蟹粉煙燻鴛鴦溏心蛋」！半熟溏心蛋一分為二，分別綴以魚子醬與蟹粉，安躺在白煙中。上菜時揭開玻璃罩，只見其若隱若現，傳來陣陣煙燻香，迷幻得來又夠神秘！

蟹粉煙燻鴛鴦溏心蛋 $78

　　「蟹粉黃魚餛飩」帶來綠、黃、黑三色餛飩，在白瓷碗映襯下尤其奪目。餛飩內餡是軟腍的黃魚肉與鮮嫩蟹粉，伴上以蝦油膏頭提鮮的魚湯，入口嘗出層層鮮味。

蟹粉黃魚餛飩 $158

　　「醉三兩」擺盤充滿海洋感覺，小石子托起貝殼，放上以花雕浸過的鮑魚和蟹粉，藉酒香提升鮮味，佐以兩款時令海產——海膽和帶子，猶如小小的海鮮拼盤。

醉三兩 $128

　　蟹膏肥美、蟹肉鮮嫩，但它終歸寒涼之物。除了先前提及的紫酥葉能驅寒解表，生薑亦是袪寒必吃。這裏有多款以薑為主題的甜品與飲品，當中用到大廚自家新鮮曬乾的薑條，薑味特別香濃！如果不好薑味，暖暖的杞子紅棗水亦可緩解蟹的寒性，不要錯過！

燕窩伴薑味意式雪糕及啫喱 $88

薑味蘋果醋梳打（左） $58

薑汁大都會雞尾酒（右） $78

龍袍薑茶（左）$68

杞子紅棗水（右）$58

上三兩（Sexy Crab）

地址：尖沙咀梳士巴利道18號K11 MUSEA 4樓401A號舖

營業時間：中午12時至晚上10時

聯絡電話：6655 7629

　　麥美恩主持的節目《Mayanne小喇叭》最新一集邀請到陳嘉佳（細細粒）、梁競徽及知識型美容直播主 Yoko Tsang 擔任嘉賓，大爆內地及香港直播帶貨趣事及辛酸事。

　　近年在內地做直播帶貨做到有聲有色的細細粒，坦言初出道做直播主時反應冷淡，連續三個月每場都只有60多名支持者。盛傳因做直播帶貨賺到盤滿缽滿的她，透露在直播場亦曾遇上不少損手事件：「一盤2,000萬嘅貨，可以最後係蝕錢嘅。最常見嘅例子係，『今日我畀你充值電話費，充100蚊只收你95蚊，嗰95蚊我要貼架，咁做呢一個action為乜？咪令到我個 GMV（成交額）可以到數。我試過60幾蚊嘅朱古力，每盒只係賺2個幾，啲錢真係一毫子、一毫子賺番嚟！」但又坦言一晚最高峯做過 800 萬生意額，獲梁競徽大讚犀利。梁競徽亦指做直播帶貨並非如想像中易賺錢，並無意中踢爆直播主公價佣金，令細細粒大為震驚，梁競徽說：「100萬貨average（佣金）係12個點，即係賺到幾十萬（約數），但中間會有差旅費用同團隊人工，同埋唔係每一場都好，要拉上補下填番之前蝕咗嘅錢。」並大爆直播主不為人知的「蝕錢陷阱」。

　　談到做直播主辛酸事，細細粒坦言曾經歷過萬隻蚊在眼前「橫飛」盛況，又試過在陽澄湖見識幾千隻「珍寶蟲」飛來飛去。以吃播聞名的細細粒，又坦言為了跑生意額，平均每年喪食至少400隻大閘蟹，坦言食到有陰影。愈講愈起勁的細細粒，又透露曾試過在一個極惡劣環境下做直播，結果嘔足八個小時！細細粒說：「個棚裏面平均 45 度，我喺裏面嘔咗八個鐘！因為嗰度農村嚟，供電唔夠，係連風扇都唔吹得。」梁競徽則指曾為了促銷提子，在超高溫下又唱又跳，結果熱到連「底褲都濕埋」。

　　梁競徽曾試過直播期間意外停電，但本著「TVB 訓練出嚟」嘅精神，他決定「死撐」兼扭六壬執生繼續直播，原因就是為了跑流量：「有突發嘢唔好驚，要繼續將嗰樣嘢變成流量密碼，直播間有事件發生，其實就有流量喇！」細細粒則試過直播期間遇到有人「頂爛市」，令原本已上千的生意額大跌四成。他們大爆做直播主極易中招，只要一個不留神「犯規」就會被罰停播，小寶更試過因為一個無心之失要寫悔過書，笑爆全場。小寶笑謂：「我人生第一次寫悔過書，嗰次我直播時無啦啦冇咗，話我個 account 要被封 28 日，之後我哋全公司上下係咁打電話問點解。」小寶續指經過接近一個鐘查探，發現原來直播時不小心展現了違規圖片，除了要寫悔過書，更經歷長達半年「洗底期」流量才回復正常，到底咩圖咁出事？除了圖像，小寶續指在內地「通便」、「排毒」及「美白」等全屬「禁忌詞語」，對此 Yoko 回應指在香港直播或為廣告做 boosting 時亦有規範，除了對比圖及某些特定字眼，就連「鬈髮器」亦在被禁之列，原因更相當匪夷所思。梁競徽則坦言入行初期「精神分裂」：「例如做直播帶貨係唔可以講錢嘅，要講米，搞到我去餐廳賣單都問幾多米。」