吃喝玩樂

　　「姜糖」留意啦！今年中秋，Häagen-Dazs™邀請MIRROR「人氣王」姜濤擔任代言人，以「摘星許願」（Twinkle Twinkle Little Wishes）為主題，推出2盒特別版雪糕月餅（4件裝），並將於7月22日開始於Häagen-Dazs™店鋪獨家限定預售！

　　Häagen-Dazs™X姜濤特別版雪糕月餅分別有2盒不同口味的款式可供選擇，禮盒包裝設計亦別出心裁，分別以月亮及星星作主題，無論是深藍色或簡潔的白色禮盒都令人一眼愛上！盒面更寫上姜濤個人單曲《蒙著嘴說愛你》的其中一句歌詞「So I say I love you！」借此用來向摯愛表達愛意也不錯！

Häagen-Dazs™ X姜濤特別版．月滿 雪糕月餅 

［雪糕口味：芒果雪糕（2件）；士多啤梨雪糕（2件）］

快閃優惠價 $548

（圖片由Häagen-Dazs™提供）

Häagen-Dazs™ X姜濤特別版．星願 雪糕月餅

［雪糕口味：比利時朱古力（2件）；呍呢嗱（2件）］

快閃優惠價 $548

（圖片由Häagen-Dazs™提供）

　　每盒含4件獨立包裝的Häagen-Dazs™雪糕月餅，以體面大方及不同顏色的鐵盒盛載，而每個鐵盒面都印有姜濤享用月餅時的不同表情，絕對會令一班「姜糖」更加心心眼！

　　吃完月餅後，鐵盒還可作收藏或儲物之用，想隨時隨地見到姜濤都無難度！

（圖片由Häagen-Dazs™提供）

（圖片由Häagen-Dazs™提供）

（圖片由Häagen-Dazs™提供）

　　Häagen-Dazs™亦同步推出4日雪糕月餅限時快閃優惠，在7月22日至25日期間，凡購買「姜濤特別版．星願」或「姜濤特別版．月滿」雪糕月餅一盒（$548），即可以優惠價$225加購「星⋆復古」或「星⋆明月」禮盒（二選一），或以$299加購「星⋆華麗」禮盒！非常抵食！要留意的是，每人每次只限購買3盒「Häagen-Dazs™ X 姜濤特別版雪糕月餅」，以上月餅只在Häagen-Dazs™專門店發售。還有更筍的消息，只要加入Häagen-Dazs™會員，即可消費抽獎贏取拉闊音樂會門票，詳情請留意Häagen-Dazs™官網公布！

　　是次姜濤更與花姐破天荒首度幕前合作，兩人拍攝的Häagen-Dazs™雪糕月餅電視廣告已於7月15日首播，大家可以從中感受當中兩位的默契及深厚感情！

（圖片由Häagen-Dazs™提供）

即睇「Häagen-Dazs™雪糕月餅 與你細嘗月滿星願」廣告：

　　【晴報專訊】姜濤一連四場個人演唱會前晚開鑼，頭場除了請來林海峰（Jan）及跳舞師父梁業（肥仔）任嘉賓外，姜濤又特地準備新歌《好得太過份》送給「姜糖（粉絲）」。原來他騷前特地深夜到街頭舉燈牌，感受姜糖辛酸；他剖白曾沒有自信面對姜糖，又感激粉絲不離不棄，從今起已成為他的家人，令姜糖感動得眼濕濕。

姜濤希望與姜糖互相提點，一起加油。

　　姜濤前晚又唱又跳，他藉歌曲《DUMMY》吐心聲︰「無論犯錯定成功，都要保持謙卑，呢個係我成日提醒自己，我永遠都會記得自己曾經係個dummy。」接着他邀請第一位嘉賓梁業上台，肥仔笑說：「我第一次感受徒弟粉絲力量。」他隨即拿毛巾幫姜濤抹汗，又搞笑要求對方在毛巾上簽名，然後二人合唱《特務肥姜2.0》。

姜濤全晚又跳又唱。

肥仔搞笑要求姜濤在毛巾上簽名。

　　隨後，現場放出短片，片中姜濤體驗做姜糖滋味，他手持「姜」字應援牌及摺凳，於凌晨三時多在銅鑼灣街頭扮追星。他將應援牌高舉過頭，笑言是最漫長的20分鐘，他笑說：「好攰，姜濤好乞人憎！」其後他感性道：「好對唔住大家，我應該留耐啲，諗起佢哋（姜糖）咁樣去迫，有啲心悒。只知做好自己表演就足夠？其實好唔足夠，尤其呢兩年好驚，同無自信去面對大家，好對唔住大家，唔應該懷疑大家喺唔喺度，應該同大家緊密啲。由依家起我要將你哋變成我生命中真正嘅一班家人，辛苦你哋！」然後他唱出新歌《好得太過份》送給姜糖，「你哋真係好得太過份，每一位無論咁多年支持我或者中途離開，我都好感激，喺你哋生命出現過，我好滿足，由呢刻起你哋唔係我粉絲，而係我家人，一齊加油。」現場不少姜糖感動到喊，場面感人。

姜濤高舉燈牌，體驗姜糖的追星日常。

林海峰重演頒獎情況

　　姜濤邀得林海峰擔任嘉賓，現場播出2020年叱咤頒獎禮的片段，Jan表示三年前因疫情影響，現場畫面有遺憾，所以重演頒獎情況。Jan大讚姜糖「用作品說話」：「你哋買幾多牙膏？食咗幾多炸雞？飲咗幾多汽水同啤酒…呢啲咪係用作品說話囉，你哋好勤力，樂壇係需要你哋。」他大爆因姜糖經常在商台等候偶像，商台為了姜糖而更換鐵閘。「仲有一件作品，係一年一度將銅鑼灣變成姜濤灣，銅鑼灣揸fit人係邊個？唔係浩南，係姜B。」姜濤在旁只懂傻笑，在個唱尾聲，他唱出《蒙著嘴說愛你》作結。

姜濤希望能讓林海峰看到他的成長。