吃喝玩樂

　　榴槤季節到，又是各位榴槤控出動的時候！唯港薈Hotel ICON「榴槤節」向來一位難求，今年推出的Brunch Buffet更驚喜十足，由來自馬來西亞、享有「榴槤王子」美譽的酒店署理行政總廚何偉誠師傅（Danny Ho）從家鄉嚴選不同品種的榴槤直送到香港，精心炮製出16款榴槤菜式和甜品，將榴槤的獨特香氣和綿密口感發揮到極致！非常好吃！榴槤迷絕對不能錯過！偷偷告訴大家，Danny師傅今次還特意準備了一種從未在香港亮相的神秘時令榴槤「海龍王」！是不是心郁郁好想試？

 

 

　　由7月16日起，唯港薈將於一樓Silverbox宴會廳舉行十四場的「榴槤自助早午餐」，提供一系列創意榴槤菜式和甜品，齋聽都已經流晒口水！雖然編者不是榴槤控，但都知道榴槤要原件吃才最夠滋味，所以打頭陣就為大家介紹以一人一份形式呈獻的「馬來西亞榴槤果肉拼盤」，可以一次過試齊5款馬來西亞頂級榴槤（小童可享2款），包括D197貓山王、D175紅蝦、D163葫蘆、D101柔佛黃金，以及師傅重點推介、第一次在香港亮相的新品種「海龍王」！聽Danny師傅說，「海龍王」的味道比其他4款榴槤更清香，最啱榴槤初哥！

 

　　其他4款榴槤，相信大家平時也吃不少。彭亨洲出產的D197貓山王肉身飽滿，香味濃郁，口感綿密軟糯；來自檳城的D175紅蝦味道甘甜及帶淡淡奶油香氣、口感綿密；D163葫蘆果肉較厚身，味道香甜；果肉呈橙色的D101柔佛黃金則口感柔滑易入口，讓人一試難忘！

 

馬來西亞榴槤果肉拼盤

Danny師傅說，吃榴槤應由味輕至味重，故建議（由左至右）先吃「海龍王」，然後依序為「D101柔佛黃金」、「D163葫蘆」、「D175紅蝦」，最後才吃「D197貓山王」。

 

　　除了榴槤果肉拼盤，「貓山王榴槤銀耳燉紅棗白玉湯」和「榴槤焗釀珍菌波士頓龍蝦」也是一人一份。前者特別加入營養豐富的榴槤核，與冬瓜、雪耳、紅棗與榴槤等一同燉製，榴槤味不重，但非常清甜滋潤，女士們絕對會大愛！後者則用料豐富，先以鮮蘑菇、雞脾菇、靈芝菇、馬蹄、龍蝦肉作餡料，再把榴槤當成芝士用來焗龍蝦，上枱前已聞到榴槤香氣撲鼻而來，咬落去外脆內軟，超有口感！ 

 

貓山王榴槤銀耳燉紅棗白玉湯

榴槤焗釀珍菌波士頓龍蝦

 

下頁睇更多榴槤熱葷和甜品

 

　　自助早午餐中更備有6款榴槤熱葷可以任食，難得是每款菜式都能夠將榴槤的獨特香氣和綿密軟滑口感發揮得淋漓盡致，非常加分！其中編者最愛「榴槤鹹蛋麥皮蝦」，以近年大熱的鹹蛋黃入饌，還加入麥皮、辣椒、牛奶粉、由風乾榴槤磨成的榴槤粉同炒，炒出來的每隻蝦每隻蝦都甜中帶辣，鹹香惹味！

 

榴槤鹹蛋麥皮蝦

 

　　自問愛重口味的朋友，必吃「脆炸榴槤芝士和牛肉丸」！師傅將味道濃郁的貓山王混合忌廉芝士製成流心餡，再脆炸而成。咬開後，芝士榴槤餡如爆漿一樣流出，加上牛肉丸口感彈牙，的確好滋味！「貓山王榴槤腐皮海鮮石榴球」亦是咬開「咇」出榴槤蓉，而且清甜多汁，最難得是全人手製作，非常有心思，值得再三encore！

 

脆炸榴槤芝士和牛肉丸

貓山王榴槤腐皮海鮮石榴球

 

　　其他菜式還包括「娘惹榴槤烏達」和「榴槤咖啡排骨」。前者是馬來西亞特色小食，用上蝦肉、魚肉、椰奶、辣椒醬、榴槤肉等材料，攪爛後倒進香蕉葉裡包好蒸熟，口感豐富，而甜中帶著微辣，非常可口！後者有別一般的排骨菜式，加入即溶咖啡及D24榴槤炒汁，創意十足，吃起來別有風味！

 

娘惹榴槤烏達

榴槤咖啡排骨

 

　　至於「榴槤銀絲櫻花蝦鮮雞春卷」則由Danny師傅夥拍中菜師傅馮鈿富悉心炮製，師傅先將木耳、椰菜切絲洗淨，再將龍崗雞去皮起骨切絲煎香，然後加入粉絲、大地魚等，最後加入D24榴槤醬、已炸香的櫻花蝦撈勻，並用春卷皮卷好再炸至金黃色！非常香脆可口！

 

香脆榴槤銀絲櫻花蝦鮮雞春卷

 

　　吃完正餐後，當然要享用甜品啦！7款榴槤甜品主要用貓山王及D24榴槤來製作，保證濃郁香甜！其中「榴槤布甸」、「榴槤泡芙」和「榴槤雪糕」向來是酒店招牌菜，必定要吃！「榴槤芝士餅」和「榴槤芝士撻」口感順滑濃郁，芝士控不要錯過！「班蘭榴槤蛋糕」甜而不膩，而且好鬆軟、不乾身，讓人忍不住一口接一口！編者則私心推介「榴槤芒果糯米飯」，兩種夏日水果的口感和味道完美融合，配搭口感煙韌的糯米飯，作為結尾絕對是大滿足！

 

7款人氣榴槤甜品

（後排，由左至右）榴槤雪糕、班蘭榴槤蛋糕、榴槤布甸

（前排，由左至右）榴槤芝士撻、榴槤泡芙、榴槤芝士餅、榴槤芒果糯米飯

 

　　除一系列榴槤美食外，自助早午餐還提供各式各樣的冷盤及沙律，包括麵包蟹、法國翡翠螺、西班牙青口、大蝦、日式刺身等；熱葷則有肉骨茶、娘惹喇沙、生滾海皇粥；還有班蘭蛋糕、烏龍茶大菜糕及Häagen-Dazs™雪糕可作飯後甜品！大家還可以無限添飲紅白餐酒、氣泡酒、果汁和汽水，保證捧腹而回！

 

　　不止！驚喜還陸續有來！「榴槤王子」Danny師傅更會於每一場的早午餐擔任星級司儀，透過問答環節為大家介紹馬來西亞以及當地出產的靚榴槤，並即場舉辦大抽獎活動，送出3份唯港薈的免費餐飲券！大家還可以獲得由馬來西駐香港總領事館、馬來西亞旅遊促進局（香港分局）、Malaysia External Trade Development Corporation（MATRADE）及Malaysian Association of Hong Kong贊助的福袋一個，保證人人有得食、有得拎！今年榴槤自助早午餐限定14場，相信好快就會book滿座，想食就要快手預訂啦！

 

享有「榴槤王子」美譽的酒店署理行政總廚何偉誠師傅（Danny Ho）特意從家鄉馬來西亞嚴選不同品種的榴槤直送到香港，再精心炮製出是次榴槤自助早午餐。

 

Hotel Icon榴槤自助早午餐

供應日期：7月16、23、24、31及8月6、7、8、13、14、20、21、27、28及29日（共14場）

供應時間：11:45am－3pm

價錢：（成人）$780／（3-11歲兒童）$480；另收加一服務費（需於預訂時支付全費）

地點：唯港薈一樓Silverbox宴會廳

查詢及預訂：3400 1388或電郵book.restaurant@hotel-icon.com