【睇片即去】美食博覽2021開鑼！必搶$1雞煲、鮑魚！仲有超靚Line Friends月餅福袋、搶手松露薯片、火腿、手工啤
#美食博覽 #灣仔會展 #$1優惠 #月餅 #卡通月餅 #即食雞煲包 #即食海味 #黑松露手製薯片 #零食 #松露醬 #香港國際美酒展 #香港國際茶展 #家電‧家品‧博覽 #美與健生活博覽 #和牛 #益力多 #迷你豬肉脯 #迷你豬肉脯 #奶皇月餅 #B.Duck #LINE FRIENDS #迷你兵團 #榴槤冰皮月餅 #D24榴槤蓉 #斑蘭月餅美食博覽今日正式開鑼！將會由即日起至16日在灣仔會展舉行！大家一票就可以行晒5個展，包括美食博覽、香港國際美酒展、香港國際茶展、家電．家品．博覽和美與健生活博覽，絕對可以行足全日！適逢大家取得第一期的消費券，現時有85%的展商都會接受電子消券的平台消費，部分更提供折扣優惠，大家可以盡情掃貨！編者急不及待先去這個8月盛事，為大家搜羅必搶的$1美食、預購特色月餅和必掃零食醬料飲品，一齊睇睇美食博覽有咩必買喇！
下頁睇$1優惠、特色月餅、搶手貨
必搶$1 美食
1. $1雞煲即食包：樂婷媽媽（攤位︰3D-B17—19）
每次跟家人朋友出外「覓食」，首選會是香噴噴、超惹味的雞煲！疫情期間好掛念這種味道？那就要去美食博覽搶$1雞煲即食包！品牌選用無添加激素雞，加熱5分鐘就食得，快靚正！「樂婷媽媽」將會在每日下午1點和3點設優惠時段，以$1試食價出售自家港味雞煲和惹味香辣雞煲，每時段只售10個！品牌推出額外優惠，買不到$1雞煲都可以用超優惠價$68購買「樂婷媽媽」雞煲換領券乙張。
買不到$1雞煲即食包就改買優惠券啦！一樣有著數！
健康雞煲即食包 $88 （原價$108）
2. $1 海味盛薈、澳洲鮑魚：鴻星集團（攤位︰1C-D10）
$1 食到鮑參翅肚？食到！鴻星集團將會在美食博覽的首日限定發售30盒即食「海味盛薈」，有齊矜貴食材，好像是鮑魚、花膠、海參等等，搶不到就要用原價$198入手，有興趣的記得Mark實攤位號碼！錯過了首日筍貨，不妨考慮買鮑魚，澳洲即食極品鮑魚買一盒，加$1即有多一盒，超大隻厚肉！
「海味盛薈」$198
即食極品鮑魚（澳洲2隻裝）$628/盒；加$1多一盒
精選其他$1優惠︰
3. NanaMee越式牛肉湯：高格行有限公司（12-16/8 —10:00 售罄即止）（攤位︰1C-D18）
- 1蚊Slimeasy體驗裝（4小包組合 30g ｘ4）
- 1蚊1包NanaMee越式牛肉湯體驗裝（50g）
- 1蚊1包HBAF烤焗原粒花生粟米粒（190g）
- 1蚊1支一斤果醋（紅葡萄味600g）
4. 貓山王榴槤冰皮月餅：佰成集團有限公司（12-16/8—10:00 - 11:00）（攤位︰1E-A11）
- 貓山王榴槤冰皮月餅（1蚊1個，只售 100份）
5.支裝港式奶茶：香港咖啡紅茶協會（攤位︰3D-B01）
- 金茶王支裝港式奶茶（$1／1支；限量100支）
查閱其他優惠︰
（貿發局網站截圖）
下頁繼續睇必試特色月餅、必掃搶手貨
搶先預購特色月餅
1. 全港獨有斑蘭蛋黃月餅：Caleb’s 迦勒︰（攤位︰1C-E28）
斑蘭蛋糕吃得多，今個中秋不妨試試斑蘭月餅！月餅產自馬來西亞，淡雅蓮蓉配上金黃的鹹蛋黃和瓜子仁，口感味道都非常豐富，而且月餅皮特別薄，啖啖都食到斑蘭的清香！斑蘭蛋黃月餅更是率先在美食博覽推出，其他地方暫時未買到，品牌就特意提供了9折優惠給大家，不妨一試！
斑蘭蛋黃月餅 $298/6個 （提供9折優惠，滿$300再減$40）
2. 榴槤冰皮月餅：一方食品亞洲有限公司（攤位︰1C-E21）
特色月餅又怎少得榴槤月餅！這次推介大家買的是金裝貓山王榴槤冰皮月餅，皮薄餡足料就不用多說，最最最特別就是買一盒即送經典復刻版D24榴槤蓉，足足有1KG，夏天邊煲劇邊大啖食榴槤蓉，爽啊！
金裝貓山王榴槤冰皮月餅 + 1KG D24榴槤蓉
$380（原價$799）
3.迷你兵團系列月餅：美心集團（1C-C02）
美心在今個中秋就推出了兩款迷你兵團系列的月餅，兩款月餅的口味分別是「拔絲蓮蓉月餅」和「流心紅豆月餅」；禮盒用了圓滾滾的不倒翁設計，「小小超」和「阿的」的眼睛會隨身體左右擺動，眼鏡框更可以著燈，大人小朋友都會喜歡！在美心攤位買滿$500更可抽獎一次，獎品價值高至$1,178，而且每日首400位客人可獲神秘禮品一份。不止，使用4大電子消費平台付款，即額外送東海堂迷你月餅一個！
不倒翁的眼睛是會發光的！小朋友一定會愛不釋手！
「迷你你兵團—阿的／小小超」月餅 $298
4.新B.Duck造型流沙奶黃月餅：榮華餅家（攤位︰1C-B02 &1D-D33）
今年榮華餅家就聯乘B.Duck小黃鴨合作推出「B.Duck小黃鴨流沙奶黃月餅」，每一個都印了B.Duck的樣，非常可愛！而且，只要買一盒就即送你兩用的隨身小袋，粉絲萬勿錯過！有齊4個月餅和實用小袋都只需要$158，好抵！
買月餅即送實用小袋，容量都幾大！
「B.Duck小黃鴨流沙奶黃月餅」
$158（原價$278）
5.LINE FRIENDS奶皇月餅！每日限量100個：奇華餅家（攤位︰1D-D02）
有發現今年美食博覽有不少卡通造型的月餅嗎？奇華餅家就跟LINE FRIENDS合作，推出了「LINE FRIENDS WITH KEE WAH BAKERY 奶黃月餅」，分別設有4個裝和單個裝，禮盒都印滿BROWN & FRIENDS圖案，超吸睛！會場更有獨家禮遇，購買4個裝福袋，就有LINE FRIENDS圖案的環保袋和防UV雨傘；購買單個裝福袋就有環保袋和冰感毛巾！兩套福袋都只是百幾蚊就入到手，每日各限量100套，手快有手慢無！
不用$200就可以有月餅和精品，好抵！其他地方找不到！
四個裝奶皇月餅福袋／單個裝（4個星星盒）奶皇月餅福袋
各$160 （原價︰$306/$316）
下頁睇其他必掃搶手貨
吃貨必掃搶手貨！
1. 西班牙橡果黑毛豬火腿：Bien Jamon Spanish Food Company（攤位︰1C-D28）
今年美食博覽同場還有美酒展，當然不少得買幾支靚酒歎下；說到最佳的下酒美食非風乾火腿莫屬！最大的賣點就是風乾了68個月的橡果黑毛豬，品牌嚴選4大法定產區的黑毛豬，品質一定有保證！火腿的橡果味非常香濃，包大家一試難忘！
這款火腿除了有濃濃的橡果味，更是減鹽配方，感覺更健康！
西班牙橡果黑毛豬火腿 $338/ 包
2. 榴槤花膠雞煲、鹹蛋黃醬：潤志（攤位︰1C-B16）
對於榴槤忠實粉絲來說，凡是榴槤美食都一定要試匀才過癮！略嫌榴槤月餅有點普通，我就極力推介大家買這個超方便的「榴槤花膠雞煲」，入面有齊雞煲的材料，十分揼本，包括5隻花膠、馬來西亞榴槤乾和湯底包，不知道榴槤跟花膠夾唔夾呢？
雖是懶人包雞煲，每一盒都有5隻花膠筒，相當分量的馬來西亞榴槤乾，超足料！
榴槤花膠雞煲 $200/2盒
品牌除了有全港獨創的榴槤美食之外，還有一個產品都會令一眾吃貨吃不停口！說的就是鹹蛋黃醬！每一樽都用足10隻鹹蛋黃炮製，真材實料；醬汁更是起沙，用在家常菜中一定很惹味！
同樣是懶人必備的流沙鹹蛋黃醬！隨便加一匙於菜式中一定超惹味！
鹹蛋黃醬 $70/2樽
3. 港式臘味煲仔飯：憶食尚（攤位︰1A-E19 ）
雖然還未到冬天，但是編者已經非常掛念煲仔飯的味道！跟我一樣想在屋企DIY茶餐廳美食？美食博覽幫到你！憶食尚推出「港式臘味煲仔飯」，一盒就有齊臘味、白米、醬汁，就連煲仔飯的經典瓦煲都預備好，懶人必備，掃定幾盒放家中，隨時隨地都煮得！
編者一看到這個美食就立即捧上手，迷你的經典瓦煲超盞鬼，用來打卡一流！
港式臘味煲仔飯 $80
4. 松露福袋、首創檸樂味手工啤酒：Great Gourmets（攤位︰3C-D12）
喜歡松露獨特香氣的話就萬萬不能錯過以下的福袋！原價以$788出售，在美食博覽以$398就可以入手松露醬、松露油、松露醋等產品，超抵！福袋的松露醬有何特別？它是會場限定25%黑松露醬，打開更會看到一片片的松露片，坊間很少見！
不用$400就可以入手6件松露產品，怎可能錯過！
松露福袋 $398
Great Gourmets除了有松露產品，品牌亦聯乘瘋啤推出檸檬可樂味的手工啤！為期數天的美食博覽只會出售500支，想試試全新口味的啤酒就要趁早入場買喇！同場亦有多款懷舊風口味，好像是話梅蜂蜜、鴛「奶茶」、 鴛「咖啡」等等，快快買返屋企啤一啤！
本地手工啤酒丸廠眼見擁有56年歷史的可樂玻璃樽暫別港人，於是決心為市民打造回憶的味道！
香港手工啤酒 $45/pc
5. 黑松露手製薯片、迷你豬肉脯：華園食品（攤位︰1C-E30）
著名杜拜七星級帆船酒店和亞聯酋航空指定的貴族薯片品牌登陸香港啦！在美食博覽買到的就是HUNTER’s Gourmet的黑松露手製薯片，編者一打開包裝，就立即聞到極香濃的松露味，薯片的口感比其他的薯片略硬，細細塊一口吃得完，極力推介大家大手入貨放在office，閒時吃一包來醒醒神！喜歡吃肉乾的話，就可以順便購迷你豬肉脯，有辣有唔辣，一樣適合各位打工仔！
薯片的口感雖然略硬，但勝在松露味夠香！
黑松露手製薯片 $10／2包
迷你豬肉脯 8片裝 $25／2包
6.全新配方益力多！減糖減甜：益力多（攤位︰1C-A27）
「你今日飲咗未？」益力多最近就推出了全新配方！紅色版本的推出減糖配方；而綠色版本益力多LT的含糖量就由以往的4.1克減至3.6克，更加入5克的膳食纖維！在美食博覽期間各買一排即送靚靚貼紙一張！
想飲得健康啲？那就一定要試試新版益力多，甜度明顯跟以住不同呢！
益力多（1排5支）$10
益力多LT（1排5支）$15
7.和牛福袋：大埔振興（攤位︰1B-C02 至 1B-D05）
召喚食肉獸！大埔出名的振興肉丸推出和牛系列套裝，包括有和牛漢堡、澳洲和牛牛丸、和牛芫荽餃子、手工和牛芫荽燒賣和澳洲和牛牛丸（香草味），只需要$300多就可以一次過品嘗5款和牛產品，抵！
牛！全部都是牛！將它帶返屋企就可以安坐家中歎和牛！
和牛點心套餐 $330
8.多款黑松露醬：Sabatino Hong Kong Limited（攤位︰3C-D01）
喜歡下廚的有好推介嗎？有！食品公司Sabatino Hong Kong Limited 就帶來了4款「松露創新滋味醬」；推介各位松露迷買「松露牛扒醬」，用來做燒肉醬汁一流；另一款「松露辣茄汁」就可以用來點薯條，別有一番風味！
每款醬汁都有不同用途，經常入廚的你不如整套帶回家喇！
「松露創新滋味醬」$123／件
下頁睇美食博覽詳情
除了美食博覽之外，同場還有香港國際美酒展、香港國際茶展、家電．家品．博覽和美與健生活博覽，一樣有多款產品供選購，記得要預留時間行一行！
1.香港國際美酒展
以往的美酒展都是11月才會舉行，但是佳餚少了美酒就不夠盡興，於是貿發局就特意在這個8月盛事增設美酒展，場內有齊新舊世界葡萄酒、清酒、威士忌和手工啤酒，酒迷一定可以滿載以歸！
詳情︰https://bit.ly/2VpfBzWhttps://bit.ly/2VpfBzW
2.香港國際茶展
今次第12屆的國際茶展就展示了不少高質兼具特色的茶葉，好像是南非國寶茶、全手工炭焙鐵觀音和日本茶道級抹茶等等。
3.家電．家品．博覽和美與健生活博覽
這兩個博覽就分別展示出多款家庭電器用品和美妝產品！大會更邀請了專業整理收納師教大家在疫情下斷捨離（8月12日；5:15pm－6:00pm），而食療養生美肌專家就會分享如何拯救戴口罩引致的皮膚問題（8月15日；3:30pm－ 4:15pm），有興趣的話記得去聽一聽！
家電．家品．博覽
美與健生活博覽
4.同場加映︰幸運大抽獎＆疫苗優惠！
展會期間每日都會舉行「多買多賞幸運大抽獎」，只要憑單一收據消費滿$200即可參加抽獎一次，消費愈多，抽中的機會愈大，獎品包括五星級酒店住宿套票、餐廳禮券、名貴食材等，非常豐富！另外，已接種疫苗的市民亦有機會免費入場，大會在8月12、13和16日的12時前送出合共3萬個名費入場名額，先到先得！
美食博覽「公眾館」、香港國際美酒展（特別展）、香港國際茶展、家電．家品．博覽、美與健生活博覽
日期︰8月12日至16日（美食博覽「尊貴美食區」：8月12日至15日）
時間︰8月12日 至15日：上午10點至晚上10點
8月16日：上午10點至下午6點
地點︰灣仔會展
票價︰
- 美食博覽「公眾館」、香港國際美酒展（特別展）、香港國際茶展、家電‧家品‧博覽及美與健生活博覽門票：港幣25元
- The above exhibitions with the HKTDC Food Expo Gourmet Zone: HK$40
- 「上午進場票」優惠：8月12、13及16日（星期四、五及一），中午12時前入場，只需港幣10元（只限於會場入口收費站以八達通即時付費入場）
- 備註：入場人士可追加票價港幣15元以參觀同日的「尊貴美食區」
- 「晚間進場票」優惠：8月12、13、14及15日（星期四至星期日）晚上6時後入場，只需港幣10元（只限於會場入口收費站以八達通即時付費入場）
- 備註：入場人士可追加港幣15元參觀即晚的「尊貴美食區」
- 傷健人士票價：港幣10元（可追加票價港幣10元以參觀同日的「尊貴美食區」）
- 3歲或以下小童及65歲或以上的長者（持長者咭或有效年齡證明文件）免費入場
購票方法:
- 於全線快達票公開發售
- •子入場券可於01空間電子門票銷售平台(space.hk01.com)、全線7-11及Circle K便利店及八達通手機應用程式有售 。
- 於現場以八達通即時付款入場